Дэлгэрэнгүй
Татаж авах Docx
Дэлгэрэнгүй уншаарай
Би Танд илүү саадгүй, илүү тайван ажиллаж, энэ шилжилтийн орон зайг орхихоосоо өмнө ажлаа дуусгаж чадна гэж хайр энэрэлт Эцэг БУРХАНДАА чин сэтгэлээсээ найдан, залбирч байна. Би энэ шилжилтийн цаг хугацаа, газар, орон зай буюу энэ гараг, энэ гаргийг орхин одохыг хэлж байна. Би одоо ч бүрэн энд биш байгаа ч зүгээр ээ. Санаа бүү зов. Зүгээр л та нарт сонирхолтой байж магадгүй гэж бодоод амьдралынхаа түүхээс хэсэгчлэн ярьж байна. Магадгүй тийм байх, гэхдээ би зүгээр. Би бас Номын Хүрд Эргүүлэгч Хаан учраас зүгээр байх болно. Одоогоор би бүр дэмжлэгтэй, би бүр ХЭМЖЭЭЛШГҮЙ Хүчирхэг Эргэн Нэгдсэн Гурвын нэг. Тиймээс миний төлөө бүү санаа зов. Би ажлаа сайн хийж байгаа. Үүнийг олон Хаан баталж байна. Залуу насны Хаан ч саяхан үүнийг баталсан. Надад өөр олон Хаантай хийсэн ярианы бичлэг бий. Гэхдээ бүрэн бус тул үнэндээ би та нарт тэдгээрийг хараахан үзүүлж чадаагүй. Гэвч Залуу насны Хааны түүх хэдийн энд байгаа. Би бараг 100 хувь бичиж авсан тул багийнхнаар үүнийг буулгаж, бэлдүүлээд та нарт үзүүлэх байх. Энэ бол миний Дэлхий дээрх амьдралын өчүүхэн хэсэг. Магадгүй та нар мэдэхийг хүсэх байх. Хэрэв мэдэхийг хүсэхгүй бол зүгээр ээ. Эртний үлгэрүүдийн нэг мэт хүлээж аваарай. Үнэндээ хэрцгий шуламс, хар шидийн тухай, мөн хүүхдүүдийг, амьтан-хүмүүсийг, бүр томчуудыг, хүмүүсийг хорлохыг оролддог муухай төрөлтнүүдийн тухай олон үлгэр домог үнэн юм. Магадгүй багахан хувь нь төсөөлөл, таамаглалтай сүлэлдсэн байж болно. Хүмүүсийн ихэнх нь үүнд итгэж чаддаггүй. Хүмүүсийн ихэнх нь эдгээр түүхэд итгэж чаддаггүй. Гэхдээ эдгээрийн ихэнх нь үнэн түүх гэдгийг би та нарт баталж чадна. Тэд үүнийг хүүхдүүдэд ярьдаг. Хүүхдүүдийн хувьд унтахын өмнөх үлгэр шиг л байдаг. Гэхдээ энэ үнэн шүү. Заримдаа тэд хүүхдүүдийг хулгайлан, шидийн маягийн муу зүйлд сургадаг. Эмзэг, гэнэн, нөлөөнд амархан автдаг, эсвэл бусад хүмүүст хор хүргэх сүүдэртэй, хортой хэрэгт уруу татагдаж болзошгүй ямар ч хүнд дахин ийм зүйл бүү тохиолдоосой гэж найдаж байна. Энэ нь хүмүүсийг хохироож, хөдөлмөрлөж олсон хуримтлалыг нь булааж, нэр төр, ёс суртахууны итгэл үнэмшил, БУРХАН-д итгэх итгэлийг нь булаадаг луйврын ажил хийдэг хүмүүстэй адил юм. Энэ дэлхийн бүх хүний өмнөөс би үнэхээр их харамсаж байна. Харин жинхэнэ хүн биш атлаа хүний биеийг эзэмдсэн, эсвэл хүнийг хөнөөж биеийг нь аван, цааш амьдарч, хүмүүсийн амьд үлдэхийн төлөөх хүнд хөдөлмөрийг сорж, тэднийг төөрөгдүүлэн, олон талаар хорлодог тэднийг бол биш. Би тэднийг үнэхээр өрөвдөж чаддаггүй. Тэдэнд сүнс байхгүй. Тэд муу үйл хийж, бусад хүмүүст хор хүргэхийн тулд хүний биеийг зүгээр л зээлдэг. Би хэзээ ч өрөвддөггүй. Би тэднийг устгаж болох ямар ч үед эргэлзэлгүй устгах байсан. Учир нь би тэдэнд явах амьдралын зам ч өгч, тэдний төлөө нэг ертөнц бүтээсэн ч тэд үүнийг хүлээж аваагүй. Тэр бүтээсэн ертөнц нь бүр Гурван Ертөнцөөс дээш тул тэр ертөнц хэзээ ч устахгүй. Тэд тэнд үүрд, бие дааж, төвийг сахин, жаргалтай амьдарч, надад ямар ч өр төлбөр төлөх шаардлагагүй. БУРХАН надад үүнийг хийхийг зөвшөөрдөг. Гэвч тэгсэнгүй. Тэдний зарим нь яргачин учраас бусад оршихуйг алж хөнөөх, хорлох муу зуршилтайгаа зууралдахыг л хүсдэг. Тэд энэ бүхнийг зугаа цэнгэлээр, эсвэл тэдний бузар жишээг дагадаггүй хүмүүсээс өшөө авахын тулд хийдэг. Хүмүүсийг дээшлүүлэхийн тулд ихэд хичээж, олон зүйлийг золиосолж буй хүмүүсийг, аливаа Гэгээнтэн Мэргэдийг тэд устгахыг оролдоно. Тэд тэдэнд дургүй. Тэд боломжтой бүх аргаар хор хүргэхийг оролддог. Тиймээс эрт дээр үеэс олон Их Багш тэдэнд алагдан, ийм хэрцгий байдлаар нас барсан. Учир нь цовдлохыг тэд үйлдэж, сул дорой олон хүнд, эсвэл хүний дүртэй өөрсдийн бузар гишүүдэд нөлөөлөн, ямар ч Их Багшийн эсрэг ийм харгислал үйлдүүлдэг. Би өөрөө өнөөг хүртэлх амьдралдаа олон удаа бараг... өөрөөр хэлбэл, цовдлогдсон гэж хэлж болно. Энэ нь бидний Эзэн Есүс Христийн тохиолдол шиг харагдахгүй ч яг адилхан, адилхан. Үзэгдэл нь адил биш ч бие махбод, оюун санаа, сэтгэл зүй, ямар ч төрлийн асуудал нь адил, зовлон нь адил. Мөн миний ажлыг ихэд саатуулж, сүнслэг хүчнээс минь ч хороосон. БУРХАН-ы Даалгаврыг үргэлжлүүлж, энэ дэлхийн хүмүүст тусалсаар байхын тулд би өөрийгөө хамгаалах гэж үнэхээр их хичээж ирсэн. БУРХАН-ы Хамгаалал, бүх Гэгээнтэн Мэргэд, буян, бүх Номын Хамгаалагч, Хамгааллын Хаан болон миний үйл хэрэгт тусалдаг бусад бүхний ачаар би одоо ч энд байна. Би үүрд өртэй. БУРХАН та нарыг үүрд хайрлаж, боломжит хамгийн сайн ерөөл, буян, ивээлийг бүгдийг нь хайрлах болтугай. Амен. Эцэст нь би Залуу насны Хаантай сүнслэг ертөнцөд, Дэлхий дээр боловч сүнслэг орчинд уулзаж чадсандаа маш их баяртай байна. Учир нь бид биетээр уулзаж чадахгүй. Миний уулзаж, ярилцсан өөр Хаад бий. Гэхдээ боломжтой болох үедээ би Тэднийг та нарт танилцуулна. Миний амьдрал хэт завгүй, хэт үймээнтэй, бүх чиглэлд тэмцэж, өөрийгөө бүрэн бүтэн байлган, сүнслэг ажил хийж, дэлхийг нэгэн зэрэг хамгаалж байна. Тиймээс би хүссэн бүхнээ боломжит хамгийн богино хугацаанд үргэлж хийж чаддаггүй. Та нар ойлгож байгаа гэж би үнэхээр найдаж, бодож байна. Ингэхэд бидний уулзсан анхны Хаан, бид хоёрын хоорондох бүх мэдээллийг бичиж, цуглуулна гэж би та нарт амласан ч өнөөг хүртэл олон зүйл тохиолдлоо. Тиймээс миний ямар ч мөчид санал болгож чадахыг минь хүлээн авна уу. Мөн дэлхийг аврах, хүмүүсийг аврах БУРХАН-ы ажлыг хийхэд надад олон талаар тусалж байгаад маш их баярлалаа. Би та нарт зүрхнийхээ гүнээс талархаж байна. Би зөвхөн өөрийнхөө багийн гишүүд, суурин болон алсаас ажиллаж буй багийнхандаа төдийгүй энэ дэлхийг аврах агуу төсөлд маань гар бие оролцон тусалж буй холбогдох БУРХАН-ы олон шавьд талархаж байна. Мөн би шавь бус гэгдэх хүмүүст, тухайлбал дуу хоолойгүй амьтан-хүмүүст дуу хоолой нь болж, тэдний зовлон, тэдэнд учирч буй шударга бус явдлыг нийтэд хүргэхээр цаг агаарын ямар ч нөхцөл гудамжинд жагсдаг хүмүүст, мөн өөр бусад олон байдлаар хүмүүст туслахын төлөө зохион байгуулалттайгаар, эсвэл хувь хүний санаачилгаар хичээн зүтгэдэг бүх хүнд талархаж байна. Бид бүгдийг нь тоочиж барахгүй ч хүүхэд хулгайлагчдын эсрэг, эхийн хэвлий дэх ургийг хөнөөхийн эсрэг, хаана ч гарч буй үндэслэлгүй дайны эсрэг, дайны хохирогчид, гамшгийн хохирогчдод тусалдаг хүмүүст, цэвэр ариун сэтгэлтэй шинжлэх ухааны ажилтнууд, жинхэнэ эрдэмтдийн шинэ бүтээл, нээлтийг дэмждэг хүмүүс гээд тэр бүгдэд би өртэй. Би та бүхэнд талархаж байна. Та бүхэнд баярлалаа. Би та бүгдийг нэг бүрчлэн тоочиж барахгүй ч та нарт талархаж байна. БУРХАН та нарыг олон, олон дахин адислах болтугай. Хэрэгтэй үед нь, аюултай хүнд нөхцөлд хүмүүсийг авардаг хүмүүс; амьтан-хүмүүсийг аварч, асран хамгаалдаг хүмүүс; амьтан-хүмүүсийг өмгөөлөн, тэдэнд энэрэнгүй хандахыг уриалдаг хүмүүс гээд энэ бүх нэргүй баатруудыг бид хэзээ ч бүрэн тоочиж барахгүй. Цагдаа, гал сөнөөгчид ч хүртэл олон олон хүний амь, олон амьтан-хүний амийг аврахын тулд амь өрсөн зүтгэж, мөн өөр бусад тоо томшгүй зүйлс хийдгийг тоочих цаг бидэнд хэзээ ч хүрэлцэхгүй. Би та бүхэнд талархаж байна. Түүнчлэн өөрийнхөө ажил хэрэгт анхааран, мэргэжлээрээ сайн ажиллаж, энэ дэлхийг биет, материаллаг талаас нь үргэлжлүүлэн бүтээн байгуулахад туслан, бүгдэд тав тухтай амьдрах газар, аюулгүй гэр орон, эрүүл мэндийн тусламжтай байхад нь хувь нэмрээ оруулдаг энгийн хүмүүст ч талархаж байна. БУРХАН та бүхнийг олон дахин адислах болтугай. Мөн та бүхэн амар амгалан, хайр, хүссэн бүхий л сайн сайхан зүйлээ хүртэх болтугай. Амен. Бид өөрсдийн цорын ганц Эцэг, Эцэг Эх, MAПA, Төгс Хүчит БУРХАН, ХЭМЖЭЭЛШГҮЙ Хүчирхэг БУРХАН, бүх Орчлонгийн цорын ганц БУРХАН-д талархаж байна. Бид ТҮҮНД үүрд, өнө мөнхөд талархах ёстой. БУРХАН биднийг адисалж, үргэлж хайрлан, сүнслэг байдлыг дэвшүүлж, бид бүгд ТҮҮНИЙГ санан, БУРХАН-аас томилогдсон ямар ч Гэгээрсэн Их Багшаар дамжуулан Гэртээ харих замаа заалгах болтугай. Та нар заавал намайг дагах албагүй. Учир нь магадгүй БУРХАН-ы Сургаалыг хүлээн авч, Гэртээ харих цаг тань хараахан болоогүй байж болно. Магадгүй та нар энэ гараг дээр хийх ажилтай хэвээр, одоохондоо Гэртээ харихыг хүсэхгүй байж болно. Зүгээр ээ. Зөв зохистой ёс суртахуунтай л бай. Эзэн Есүс, Будда болон бусад олон Их Багш зэрэг өнгөрсөн үеийн Их Багш нарын сургаалыг унш. Бид Тэдний нэрийг бүгдийг нь энд тоочоод ч барахгүй. Мөн Суприм Мастер Телевизийг үзээрэй. Тэндээс чадах зүйлээ сур. Амьдралаа хамгаал, хүүхдүүдээ хамгаал, зөв зохистой ёс суртахуунтай, БУРХАН-д итгэдэг амьдралын хэв маягаа хамгаал. Сайн зүйл юу л байна, хэрэв чадвал одоо нэн даруй хий. Харин муу, мөс чанарт тань харш зүйл байвал зогсоо, хол бай. Хийх ёстой зүйл тань ердөө энэ: БУРХАН-д итгэ, сайн үйл хий, зөв зохистой ёс суртахуунтай бай. Энэ дэлхийд ч, эсвэл өөр аль ч ертөнцөд амар амгалан, аз жаргалтай, сэтгэл хангалуун, аюулгүй амьдрахыг хүсвэл хийх ёстой зүйл тань ердөө л энэ. БУРХАН бид бүгдийг адислах болтугай. Амен. Photo Caption: “Аа, ШИНЭ ГАЗАР Ашрам. Тайвань Адислагдсан Сүнслэг Газар!”
