Дэлгэрэнгүй
Татаж авах Docx
Дэлгэрэнгүй уншаарай
Эрхэм Дээдэс Танд бидэнд өгөх зөвлөгөө бий юу? Хаан айлдав: “Өө байхгүй, зүгээр. Хийж болох бүхнийг Та хийсэн, хийж ч байна. Бидэнд Танд зөвлөөд байх зүйл тийм их байхгүй.” гээд Хаан мөн ийн айлдав: “Энэ гаргийн төлөө Таны туулж буй золиос, Таны ололт бүхний өмнө бид эгэлхэн билээ. Энэ маш хүнд үүрэг даалгавар, агуу их золиос бөгөөд мөн ихээхэн ололт амжилт юм.” За, баярлалаа, Эрхэм Дээдэс минь. Баярлалаа. Та өөрөө дэндүү даруу байна. Та хүссэн хугацаагаараа саатан, энэ ядруу ертөнцөд энх тайван илүү удаан тогтнуулж, төрөлтнүүдийг нь ядаж Асурын Диваажин шиг тав тухтай амьдралтай болгохын тулд адисална уу. Бид Танд талархаж байна, талархаж байна. Ноёнтон Та адислагдах болтугай. Танд хүйсийн ялгаа байдаггүй атал би энэ гаргийн хүмүүсийн ёс жаягаар Таныг “Ноёнтон” гэж дуудсаар байгаад өршөөгөөрэй. Тэд хэн нэгнийг хүндэтгэхдээ Ноёнтон, эсвэл Хатагтай гэж дууддаг. Миний хувьд Та Хаан шиг ийм сүр жавхлантай харагддаг тул би зүгээр л “Ноёнтон” гэж хэлж байна. Хатагтай гэж хэлсэн ч адилхан байх байсан. Таны эрхэм нандин Бэлэгт маш их баярлалаа. Би маш их баяртай байна. Таны нинжин сэтгэл, хүчирхэг өгөөмөр зан, сайн санааг хүртэх хувь тохиосонд би үнэхээр баяртай байна. Энэ Бэлэг миний энэ дэлхийн төлөөх ажилд дам байдлаар тус болно. Бид Залуу насны Хаантай яриагаа үргэлжлүүлж байна. Гэхдээ ярианы энэ хэсгийг Эрхэм Дээдсийн хүсэлт ёсоор бид биет ертөнцөд ил тод дэлгэхгүй. Эрхэм Дээдэс минь, бидэнд ярилцах өөр зүйл байна уу? Хаан айлдав: “Үгүй, одоохондоо энэ хангалттай. Хэрэв цаашид ямар нэг яриа байвал Намайг Таны ертөнцөд байх хугацаанд Та надад хандаж болно.” За, баярлалаа, Ноёнтон минь. Энэ даруухан гаргийг илүү амар тайван, илүү өндөр сүнслэг түвшинтэй болгохын тулд зөвхөн нэг хүн, эсвэл бүлэг хүнд бус, бүх дэлхийд ерөөлөө хайрлахаар Та бидэнтэй хэр удаан саатах вэ? Үүний төлөө Та хэр удаан саатах вэ? Хаан айлдав: “Та Өөрийн ертөнцийн төлөө гайхамшигтай ажил хийх болно. Таны хэдийн хийж чадаж буй зүйлээс илүү зүйлийг бид хийх гэж оролцох шаардлага байхгүй.” Баярлалаа, Ноёнтон минь. Бидэнд боломжтой бол хаанаас ч адислал ирсэн илүүдэхгүй. Харин Та хүсвэл энд бидэнтэй саатахдаа тухтай байгаарай, Та саатаж үлдэх үү, Ноёнтон? “Нэг их удахгүй. Дэлхийн цаг хугацаагаар тав орчим хоногийн дараа бид мордож, өөрсдийн нутгийн замд гарахад бэлэн болно.” Хөөх, хөөх их богино хугацаа байна. Гэхдээ ямар ч байсан маш их баярлалаа. Баярлалаа, баярлалаа, бас баярлалаа. (Би Эрхэм Дээдсээс илүү удаан саатахыг хүссэн тул Хаан нийт есөн өдөр саатахыг зөвшөөрсөн.) Тэр цааш айлдав: “Таван өдөр бол гэртээ буцахын тулд төхөөрөмж, хэрэгслээ цэнэглэхэд шаардагдах хугацаа. Учир нь энэ хэрэгсэл энэ ертөнцийн ямар ч түлш, ямар ч аргыг ашигладаггүй. Харин бидний өөрсдийн сүнслэг дотоод хүчээр дахин цэнэглэгдэх ёстой.” Өө, хөөх! Үнэхээр гайхамшигтай, гайхамшигтай! Тэгэхээр бид Таныг амар тайван орхиж, гэртээ буцах “нисдэг хэрэгсэл” гэж бидний нэрлэдэг зүйлээ дахин цэнэглэхийн тулд дотроо ажиллах боломжийг өгье. Цаг зав гаргасанд Тань, Таны эрхэм нандин оршихуйд, мөн хамгийн шилдгүүдээ бараа болгон авчирсанд баярлалаа. Бид тэдэнд ч бас талархаж байна. ХЭМЖЭЭЛШГҮЙ Хүчирхэг БУРХАН-ы амар амгалан, ивээл, ерөөлд Та үргэлж, үргэлж амрах болтугай. Дахин баярлалаа, Ноёнтон. Танд баярлалаа, Эрхэмсэг Дээд Хаанаа дагалдан ирсэн та бүхэнд баярлалаа. Бид Хаанд тусгайлан бэлдсэн газар өргөхийг хүссэн ч Залуу насны Хаан болон дагалдагсад нь Өөрсдийн хэрэгсэл буюу унаандаа үргэлжлэн саатаж, амрахын зэрэгцээ унаагаа цэнэглэх болно. Бид үүнийг ойлгож байгаа тул Эрхэм Дээдэс болон Таны дагалдагсдыг үдэн, Таныг ойрын ирээдүйд, Өөрийн тохиромжтой гэж үзсэн үед дахин манай гарагт айлчилж, дэлхийг дахин ивээхийг хүсэн дахин уулзахын ерөөл өргөж байна. БУРХАН Танд үргэлж хамгийн дээд Ерөөл, Ивээлийг хайрлах болтугай. Амен. Энд миний цагаар шөнө дунд өнгөрч байна. Хөөх, гайхалтай! Хаан маш, маш, маш, маш, маш, маш эртний Будда байсан гэдгийг хэлэх ёстой байх... Хэр удсаныг би санахгүй байна. Гэвч Эрхэм Дээдэс, Залуу насны Хаан одоо ч маш залуу, царайлаг, өөрөөр хэлбэл сайхан төрхтэй, эмэгтэйлэг ба эрэгтэйлэг төрхийг хамтад нь агуулсан харагддаг. Тэр нь бусдад харагдахаар цацран гарч, Түүнийг дөнгөж 20 настай мэт санагдуулна. Хөөх, энэ бол гайхамшиг. Энэ гаргийн бүх хүн ийм залуугаараа, үүрд залуу байх аз завшаан, онцгой эрх, хүч чадлыг хүсэх байх гэж би бодож байна. Энэ үнэхээр гайхалтай. Харахад үзэсгэлэнтэй. Бичлэгт орсон энэхүү харилцан ярианы уулзалт 2026 оны 6-р сарын 29-нд 10:30-аас шөнө дунд өнгөртөл болсон. Миний шавь гэгдэх нэгэн дагалдагчаар дамжуулан сувдаг чөтгөрүүдийн бүлэг саад учруулснаас тэгсэн юм. Тэд намайг шууд үймүүлж чадахгүй бол миний ажлын багийн зарим хүнийг ашиглан асуудал үүсгэдэг гэж би та нарт хэлсэн дээ. Гэвч, өө, надад тохиолдсон золгүй зүйл маш их байсан тул бидний Эцэг Эх, MAПA, ХЭМЖЭЭЛШГҮЙ Хүчирхэг БУРХАН оролцож, надад тусалсан. Эс тэгвээс би Залуу насны Хаантай хийсэн яриагаа дуусгаж чадахгүй байх байлаа. Залуу насны Хаантай ярилцаж байх үеэрээ би нэгэн зэрэг өөр өөр талд тэмцэх хэрэгтэй болсон. Эдгээр сувдаг чөтгөрүүдтэй тэмцэхдээ би бүх хүчээ ашиглах ёстой болсон. Учир нь тэдгээр чөтгөрүүд миний шавь гэгдэх тэр хүний биед шингэсэн байсан юм. Тэд бүгд яг түүн шиг, нэг л хүн шиг харагдсан нь бэрхшээл болж байлаа. Гэхдээ бид дийлж чадсан. Энэ асуудал түүний гэр бүлийн гишүүдээс болж үүссэн. Тэдний нэг нь зүгээр ч нэг биш, маш хүчтэй шулам. Гэвч БУРХАНЫ ӨӨРИЙНХ НЬ үгээр бол тэр эмэгтэйн “ертөнцийн шид”-ийг БУРХАН хурааж авсан тул тэр дахиж тэдгээр сувдаг чөтгөрүүдийг миний ойр илгээж, намайг зовоох боломжгүй болсон гэсэн. Бид БУРХАНД хэмжээлшгүй их талархаж байна. Би БУРХАНД маш их талархаж байна. Эцэг минь, Та намайг маш их хайрладаг. Маш их баярлалаа. Өнгөрсөн шөнө маш тогтворгүй, тавгүй нөхцөл байдалтай байлаа. Үүнийг Энх тайвны Хаан, мөн маш их холоос ирсэн Залуу насны Хаан хүртэл гэрчилсэн. Би гэмшин, гүнээ, чин сэтгэлээсээ, дахин дахин уучлал гуйсан. Би Түүний өмнөөс үнэхээр их харамссан. Гэвч учир нь... Тэрээр – Би зүгээр л Тэр гэж хэлж байна. Гэхдээ Түүний ариун Буддагийн Оронд хүйс байдаггүй. Тэр эрэгтэй төрхтэй мэт байсан тул би Түүнийг “Тэр” гэж л дууддаг. Гэхдээ битгий эндүүрээрэй. Энэ нь манай эгэл ертөнцийн утга дахь “эрэгтэй” гэсэн үг биш. Тиймээс би олон удаа, давтан, дахин дахин уучлал гуйсан ч Тэр надад “Үгүй, үгүй, үгүй. Та маш ихийг туулах ёстой болсонд бид Таны өмнөөс харамсаж байна. Учир нь дэлхийн үйлийн үр Таныг зовоож байна. Бид Таны өмнөөс үнэхээр харамсаж байна. Таны тэмцлийн үеийн үйлдэл, хариу үйлдэл, илэрхийлэл, аливаа зүйлд бид ямар ч сөрөг бодол тээхгүй. Залуу насны Хааны хувьд бид Будда болохоосоо өмнө үүнтэй төстэй олон нөхцөл байдлыг туулсан. Гэхдээ тэдгээр нь энэ мэт ноцтой байгаагүй. Тиймээс санаа зовж, уучлал гуйх хэрэггүй. Таныг бүрэн ойлгож, Таны өмнөөс харууслыг л мэдэрч байна.” гэж хэлсэн. Түүний хэлсэн зүйл үнэн, Тэр чин сэтгэлээсээ хэлсэн гэдгийг би өөрөө мэдэж байгаа ч тэмцлийн үеэр хүч чадал, уураа харуулсандаа одоо ч ихэд ичиж байна. Би зүгээр л хэнд ч үүнийг харуулахыг хүсээгүй. Учир нь тэмцэл таатай зүйл биш. Энэ сайхан харагддаггүй. Гэвч үүний өмнөх өдөр, өмнөх шөнө би тэр шавь гэгдэх хүнээ хамаг боломжит хүчээрээ хамгаалах гэж оролдон аль хэдийн маш, маш их туйлдсан байсан. Яагаад гэхээр Аянгын Бурхан, Цахилгааны Бурхан, Борооны Бурхан гэсэн гурван Бурхан тэр хүнийг хайж, устгахыг хүсэж байсан юм. Шалтгаан нь тэд түүнийг намайг удаан хугацаанд, наад зах нь маш их олон сарын турш зовоож, саад болж, түвэг учруулсан сувдаг чөтгөрүүдийн зэмсэг мөн гэдгийг мэдэж байсан. Тэд түүний төрөл садан, гэр бүлийн гишүүний шидээр түүнд шингэсэн байсан тул түүнийг эдгээр сувдаг чөтгөрүүдээс салгах хэцүү байсан. Тиймээс тэд чөтгөрүүдийг устгахын тулд түүний бие махбодыг л устгахыг хүссэн. Гэхдээ би түүнийг тэгж үхүүлж чадахгүй. Энэ түүний буруу биш. Түүнийг тэр маш муу шулам болсон төрөл садантай нь харьцуулахад шал өөр дүр төрхтэй, үйлдлээрээ ч тэр, бүх зүйлээрээ шал өөр хүн. Хоёр жилийн өмнө намайг шидийн хүчээр алах гэж оролдсон тэр хүнийг санаж байна уу? Тэр эмэгтэй бас энэ хүн байгаа юм. Дараа нь бид түүний шидийн чадварыг задалж устгах гэж оролдсон. Гэвч энэ нь газар доорх ертөнц, шидийн ертөнцийн илүү хүчтэй олон шидтэн, мөн тэр гэр бүлтэй холбоотой амьд хүмүүс гэх мэт маш олон хүнийг хамарсан тул хугацаа их шаардсан. Тиймээс сүүлийн хэдэн жил би тэдний хэрцгий дайралтаас болж маш их зовсон. Одоо энэ дууссан. Амжиж тусалсан Төгс Хүчит БУРХАН-д би маш их талархаж байна. Би Танд илүү саадгүй, илүү тайван ажиллаж, энэ шилжилтийн орон зайг орхихоосоо өмнө ажлаа дуусгаж чадна гэж хайр энэрэлт Эцэг БУРХАНДАА чин сэтгэлээсээ найдан, залбирч байна. Би энэ шилжилтийн цаг хугацаа, газар, орон зай буюу энэ гараг, энэ гаргийг орхин одохыг хэлж байна. Би одоо ч бүрэн энд биш байгаа ч зүгээр ээ. Санаа бүү зов. Зүгээр л та нарт сонирхолтой байж магадгүй гэж бодоод амьдралынхаа түүхээс хэсэгчлэн ярьж байна. Магадгүй тийм байх, гэхдээ би зүгээр. Би бас Номын Хүрд Эргүүлэгч Хаан учраас зүгээр байх болно. Photo Caption: “Ямар ЭНХ ТАЙВАН-БУЛАНД Бид Хамтдаа Жаргалтай Байх Боломжтой”
