వాతావరణ మార్పు అంతర్జాతీయ సదస్సు లో, 18 యొక్క 13 వ భాగం

ఈ ఎపిసోడ్‌లో, శాకాహార ఆహారాన్ని అవలంబించడం వల్ల కలిగే ఆ పర్యావరణ, ఆరోగ్య మరియు సామాజిక ప్రయోజనాల గురించి సుప్రీమ్ మాస్టర్ చింగ్ హై చర్చిస్తారు.

ఇప్పుడు మనం ప్రపంచవ్యాప్తంగా నీటి కొరత గురించి ఫిర్యాదు చేస్తున్నాము. మేము ఆహార కొరత గురించి ఫిర్యాదు చేస్తున్నాము. దానికి బదులుగా మనం 90% ధాన్యాన్ని జంతు(-ప్రజలకు) మేతగా వాడుతున్నాము, దానివల్ల 862 మిలియన్ల ప్రజలు ఆకలితో అలమటిస్తున్నారు. అది ఒక్క 2008 సంవత్సరంలోనే. మనం పశువులకు ఉపయోగించే ధాన్యంతో రెండు బిలియన్ల మందికి ఆహారం అందించవచ్చు. ప్రస్తుతం ప్రపంచవ్యాప్తంగా ఆకలితో అలమటిస్తున్న ప్రజల కోసం అనేక రెట్లు ఎక్కువ. అందుకే నాకు అర్థం కావడం లేదు, నిజంగా, నాకున్న తెలివితేటలతో ఎవరైనా నాకు వివరిస్తారా, మనం ఎలాంటి ప్రపంచంలో జీవిస్తున్నాం, ఎలాంటి విధానాలను అనుసరిస్తున్నాం, ఇక జంతు(-ప్రజల) గురించి మాట్లాడకుండా మనకు, మన తోటి ప్రాణులకు ఎలాంటి దయ చూపిస్తున్నాం? ఎందుకంటే మనం మన సొంత జాతిని కూడా ప్రేమించలేకపోతున్నాం. కాబట్టి, జంతు (-ప్రజలను) ఎలా ప్రేమించాలో అర్థం చేసుకోవడం చాలా మందికి అసాధ్యంగా ఉంటుంది. ఇప్పుడు మీకు కారణం తెలిసింది.

ఒక్క ఒహాయో రాష్ట్రంలోనే, వాతావరణ మార్పుల వల్ల ఆ రాష్ట్రానికి 1 బిలియన్ డాలర్ల నష్టం వాటిల్లనుంది, ఎందుకంటే వాతావరణ మార్పుల కారణంగా వారి రాష్ట్ర సరిహద్దులో ఉన్న సరస్సులోని నీటిమట్టం తీవ్రంగా తగ్గిపోనుంది. మరియు కొత్త నీటి మట్టానికి, కొత్త డిమాండ్‌కు అనుగుణంగా వారు తమ నౌకాశ్రయాలను మరి మౌలిక సదుపాయాలను పునర్నిర్మించుకోవలసి ఉంటుంది. కాబట్టి, వాతావరణ మార్పు వల్ల ఖర్చు పెరుగుతుంది. ఎందుకు? (జంతు-ప్రజల) మాంసాహారం కారణంగా.

మనం చేయాల్సిందల్లా మన పళ్ళెంలోని ఆ (జంతు-ప్రజల) మాంసాన్ని వదులుకుని, దాని స్థానంలో శాకాహార ప్రోటీన్‌ను చేర్చుకోవడమే. మనకు తినడానికి ఆహారం ఉంది, మనకు ఎంపికలు ఉన్నాయి, అవి అద్భుతమైనవి, పోషకమైనవి. మనకు వేరే దారి లేనట్టు కాదు. జీవించడానికి మనం చంపాల్సిన అవసరం లేదు. మనం ఈ గ్రహానికి హాని కలిగించే ఏజెంట్లుగా దిగజారాల్సిన అవసరం లేదు. మనం బ్రతకాలి, ఇతరులను కూడా బ్రతకనివ్వాలి.

ప్రస్తుతం ఉన్న పరిస్థితి చూస్తుంటే, కేవలం పన్ను చెల్లించడం కోసమే మనం ఎప్పటికీ పనిచేస్తూ, నిరంతరం తీరిక లేకుండా ఉంటామేమో అనిపిస్తోంది. ఎందుకంటే మనం డబ్బు సంపాదిస్తాం, ఆ తర్వాత మన అనారోగ్యానికి చికిత్స చేయించుకోవడానికి, శరీరాన్ని పరీక్షించుకోవడానికి పన్ను చెల్లించాలి, అయినా కూడా మనం బ్రతకగలమని గ్యారెంటీ లేదు – అసలు విషయం అదే. ఎంతో బాధ, ఎన్నో మందులు, ఎన్నో రక్త పరీక్షలు, ఎక్స్-రేలు, ఆపరేషన్లు ఇంకా అలాంటివన్నీ. మనం మన పట్ల దయగా ప్రవర్తించకపోవడం వల్ల, ఆహారంగా విషాన్ని తీసుకోవడం వల్ల మన ప్రాణాలు రక్షించబడతాయని ఇవేవీ హామీ ఇవ్వలేవు. శాస్త్రీయంగా, భౌతికంగా చెప్పాలంటే, జంతు(-ప్రజల) మాంసం విషం.

ప్రస్తుతానికి నేను మతపరమైన విషయాన్ని ప్రస్తావించను, ఎందుకంటే నేను వారిని మతం మార్చడానికి ప్రయత్నిస్తున్నానని ప్రజలు అనుకుంటారు. నేను ఎవరినీ మార్చాలనుకోవడం లేదు, ఎందుకంటే నేను ఎంత ఎక్కువ మందిని మారుస్తానో, అంత ఎక్కువగా నేను పని చేయాల్సి వస్తుంది. కాబట్టి, మీరు మారగలిగితే నాకు చాలు. ప్రజలు వేగన్ లుగా మారి, మంచి పనులు చేస్తే నాకు చాలు. నేను అడిగేది ఇంతే: వేగన్ గా మారండి, మంచి పనులు చేయండి. ఏ మంచి అయినా, దాన్ని వెంటనే చేయాలి; ఎంత చెడు జరిగినా, దాన్ని ఆపాలి. గ్రహాన్ని కాపాడటంతో సహా ప్రస్తుతం మంచి పనులు చేయడం అంటే, వేగన్ గా మారడం కూడా. కాబట్టి, అంతిమంగా అంతా వేగన్ గా మారడం మీదే ఆధారపడి ఉంది.

ఎందుకంటే మనం (జంతు-ప్రజల) మాంసం తినకపోతే, జంతు-ప్రజల పెంపకం చాలా చాలా తగ్గిపోతుంది మరియు ఈ భూమిపై హత్యలు కూడా గణనీయంగా తగ్గుతాయి. మరియు ఈ ఘోరమైన కర్మఫలమే ప్రస్తుతం మన గ్రహానికి ఉన్న ప్రమాదానికి కారణమవుతోంది. శాస్త్రీయంగా చెప్పాలంటే, (జంతు-ప్రజల) మాంసాహారం భూతాపం మరియు కాలుష్యానికి 80% దోహదపడుతుంది. కాబట్టి, మనం ఆ (జంతు-ప్రజల) మాంసపు ముక్కను మన మనస్సు నుండి తీసివేస్తే, అప్పుడు ఈ గ్రహం రక్షించబడుతుంది మరియు మీరు ఎక్కువ కాలం జీవిస్తారు. నా మాట గుర్తుంచుకోండి, మీరు మరింత సంతోషంగా ఉంటారు, ఆందోళన తగ్గుతుంది, రాత్రిపూట బాగా నిద్రపోతారు. మీకు ఎలాంటి అనారోగ్యం ఉండదు.

భూమిపై ఉన్న ప్రజలందరూ వేగన్ లుగా మారితే, అనారోగ్యాలు దాదాపుగా ఉండవు. ఎందుకంటే వారిలో చాలామంది చిన్నప్పటి నుండి వేగన్ లు కాకపోవడం వల్ల, వారి రోగనిరోధక వ్యవస్థ ఇంకా పూర్తిగా కోలుకోకపోవడం వలన వేగన్లు కూడా కొన్నిసార్లు అనారోగ్యానికి గురవుతారు. ఆ తర్వాత, వేగన్ లు కాని ఇతర వ్యక్తులు నిరంతరం అనారోగ్యానికి గురై, ఆ వ్యాధిని పాపం వేగన్లైన వారికి కూడా వ్యాపింపజేస్తారు. కానీ ప్రజలందరూ వేగన్లు అయితే, ఎవరికీ అనారోగ్యం రాదు.

కాబట్టి, సమస్త జీవరాశి పవిత్రమైనదని మాట్లాడటం మనతోనే మొదలవుతుంది. మానవ జీవితంతో ప్రారంభిద్దాం, జీవితం అందించే అన్ని సుఖాలను మనం అనుభవించడం కోసం రేయింబవళ్లు శ్రమిస్తున్న ఈ శరీరానికి మనం పూర్తి దయ, గౌరవంతో మర్యాద చేద్దాం. మనతో కలిసి పవిత్రమైన జీవితాన్ని ప్రారంభిద్దాం, (జంతు-మానవ) మాంసం, సిగరెట్లు, మద్యం, మాదకద్రవ్యాలు వంటి విషపూరితమైన ఆహారానికి బదులుగా పోషకమైన ఆహారం వైపు మళ్లడం ద్వారా మన జీవితాన్ని మరింత దయతో చూసుకోవడం ప్రారంభిద్దాం.

ఏదేమైనా మనమందరం వేగన్లుగా మారితే యుద్ధం ఆగిపోతుంది. అన్నింటికన్నా గొప్ప విషయం ఏమిటంటే, వేగన్ కంటే ముందే యుద్ధం కూడా ఆగిపోతుంది. కానీ అలా జరగకపోతే, యుద్ధం ఆగిపోతుంది. ఎందుకంటే మనం ఒకసారి వేగన్ లుగా మారాక, మనం ఎందుకు వేగన్ లుగా ఉన్నామో మనకు తెలుస్తుంది, మన హృదయం మరింత కరుణామయంగా మారుతుంది మరియు మనకు దానంతట అదే యుద్ధం వద్దు అనిపిస్తుంది. కాబట్టి, మనం ప్రతిరోజూ మన జీవితాల్లోకి తీసుకునే ఇన్ని విషాలు ఉన్నప్పటికీ, మనం ఇప్పటికీ పిల్లలను కనగలగడం మరియు జీవితంలో మరేదైనా చేయగలగడం అద్భుతం. కానీ, మనం ఎలాంటి ప్రపంచంలో జీవిస్తున్నామో అని ఎవరైనా ఒక్క క్షణం ఆలోచిస్తారా? మనం కోరుకునే ప్రపంచం ఇదేనా?

మనం జీవించడానికి చంపాలి, బ్రతకడానికి ప్రాణాలను తీయాలి లేదా బ్రతకడానికి ఒకరినొకరు కూడా చంపుకోవాలి. నిజానికి మనం జీవించాలనుకునే జీవితం, ప్రపంచం ఇది కాదు. మేము ఒక మెరుగైన ప్రపంచాన్ని కోరుకుంటున్నాము; మేముఒక మరింత కరుణామయమైన, ప్రేమ గల ప్రపంచాన్ని కోరుకుంటున్నాము. కాబట్టి మనం వెనక్కి తిరిగి ఆ ప్రపంచాన్ని నిర్మించడానికి కృషి చేయాలి.

మనం దుబారాగా ఉండకూడదనేది మంచి విషయమే, అవును. కానీ తీవ్రమైన తపస్సు మనసుకు కూడా చాలా అలసటను కలిగిస్తుంది, మరియు మనసు తిరుగుబాటు చేస్తుంది. ఏదేమైనా, మనం మనల్ని మనం ప్రేమగా చూసుకోవాలి. తీవ్రతలు లేవు, ఎందుకంటే మనం ఆనందించడానికే దేవుడు సమస్తాన్ని సృష్టించాడు. తపస్సు మన ప్రపంచాన్ని కాపాడబోదు, విలాసాలు కూడా కాపాడలేవు. కాబట్టి, భూమి యొక్క వనరులను మరియు దాని జీవనాధారాన్ని దుర్వినియోగం చేయడం ఎలా ఆపాలో మనం తెలుసుకుంటే, దేవుడు మనకు శాశ్వతంగా సరిపోయేంత నీటిని, ఆహారాన్ని సృష్టించాడు. మన దురాశను తీర్చుకోవడానికి తోటి మనుషులను చంపకూడదు. మరియు ప్రస్తుతం గ్రహం ఎదుర్కొంటున్న సమస్యలకు ఇదే ప్రధాన కారణం – మన నైతిక యోగ్యత మరియు ప్రపంచ వనరులపై మనం చేస్తున్న మితిమీరిన ఖర్చు.

ఈ బల్బులు మార్చడం, కొత్త కార్ టెక్నాలజీ, నీటిని పొదుపుగా వాడటం, ఎక్కువ సేపు స్నానం చేయకపోవడం, పళ్ళు తోముకునేటప్పుడు కుళాయి నీళ్ళు వదలకపోవడం - ఇవన్నీ మంచివే, కానీ అవి కేవలం పైపైన ఉన్న దురదను గోకడమే. అది మన దురదను తగ్గించదు. ఇది కేవలం విషయాలను తాత్కాలికంగా మరచిపోయేలా చేసి, అసలు సమస్యను, అసలు పరిష్కారాన్ని కప్పివేస్తుంది, అంతే. ఇది మన నిజమైన లక్ష్యం, నిజమైన పరిష్కారం నుండి మన దృష్టిని మళ్లిస్తుంది, మరియు మనం ఇలా సంచి బయట గోకడం లాంటివి చేస్తూనే ఉంటే ఈ గ్రహం పరిస్థితి మరింత దిగజారుతుంది. మనకు దురద తగ్గాలంటే చర్మాన్ని గోకాలి. నేను చెప్పేది ఏమిటంటే, మనం ప్రధానమైన సమస్యను పరిష్కరించాలి, అదే (జంతు-మానవ) మాంసం ఉత్పత్తి.

తెలుసుకునే అవకాశం ఉండి, తెలుసుకోగల శక్తి ఉన్న ప్రతి ఒక్కరికీ ఇప్పటికైనా తెలిసి ఉండాలి, గ్లోబల్ వార్మింగ్‌కు ప్రధాన కారణం (జంతు-మానవ) మాంసం ఉత్పత్తి అని. మరియు ఈ గ్రహాన్ని కాపాడటానికి, మనుషులు తినే మాంసాన్ని ఆపడమే ప్రధాన పరిష్కారం. మనం అక్కడికి ఎందుకు వెళ్లడం లేదో నాకు అర్థం కావడం లేదు. తెలివైన వారు ఎవరైనా నాకు దీనిని వివరిస్తే, దానికి నా దగ్గర మంచి సమాధానం ఉంటే నేను చాలా కృతజ్ఞుడనై ఉంటాను. ఈలోగా, మనం చేస్తున్న పనిని మనం కొనసాగించాల్సిందే. ఎందుకంటే మన మనవళ్లకు అందించడానికి మనం ఈ గ్రహాన్ని కాపాడుకోవాలి. మనం ఇప్పుడు జీవిస్తున్న విధంగానే జీవిస్తే: (జంతు-ప్రజలు) మాంసాహారం, మత్తుపదార్థాలు, మద్యం, మరియు సిగరెట్లు, ఇవన్నీ, ఇంకా ఒకరినొకరు చంపుకోవడం, జంతువు(-ప్రజలను) చంపడం – మన అంతరాత్మకు మనం నిజంగా ఎలా జవాబు చెప్పుకోగలమో నాకు తెలియదు. మతపరమైన బాధ్యతల గురించి కాదు, అసలు దేని గురించీ కాదు.

మన పిల్లలు పెద్దయ్యాక వారికి మనం ఎలాంటి ఆదర్శాన్ని అందించాలనుకుంటున్నామో ఎప్పుడైనా ఆలోచించారా? మనం వారి నుండి ఆశించే అన్ని మంచి గుణాలు, మంచి ప్రవర్తన. మనం వారికి పొదుపుగా ఉండమని చెబితే – అంటే, స్నానానికి ఎక్కువ సేపు సమయం తీసుకోవద్దని, లేదా పళ్ళు తోముకునేటప్పుడు కూడా నీటిని వృధాగా వదిలేయవద్దని, అంతేకాదు మనమందరం ఇకపై స్నానాలు కూడా చేయకపోయినా, పళ్ళు తోముకోకపోయినా, అసలు నీళ్ళు తాగకపోయినా – మనం ఎంత నీటిని ఆదా చేయగలం? దాదాపు 30 శాతం. దాని వల్ల మనకు ఏం మేలు జరుగుతుంది? మనం (జంతు-ప్రజల మాంసం తినడం మానేస్తే, అప్పుడు మనకు ఉపయోగించుకోవడానికి 70 శాతానికి పైగా నీరు లభిస్తుంది. మీరు ఎంతసేపైనా స్నానం చేయవచ్చు, మీ ఇంట్లో మూడు, నాలుగు స్విమ్మింగ్ పూల్స్ పెట్టుకోవచ్చు, ఎవరూ ఏమీ అనరు. మరియు మీకు ఎప్పటికీ ఎలాంటి అపరాధ భావన కలగదు, మీరు ఈ గ్రహానికి హానికరమైనది ఏమీ చేయలేదు. మీ ఆహారం నుండి ఆ (జంతు-ప్రజల) మాంసాన్ని పూర్తిగా తొలగించండి. మీ బల్లపై శాంతి ప్రారంభం కానీయండి. ధన్యవాదాలు.

(ఇంతటి ఆలోచనలను రేకెత్తించే సమాచారం అందించినందుకు సుప్రీమ్ మాస్టర్ చింగ్ హై గారికి ధన్యవాదాలు.) మేము మా చివరి ప్యానెల్‌కు వెళ్లాలనుకుంటున్నాము. అయితే అలా చేయడానికి ముందు, ప్రపంచవ్యాప్తంగా ఉన్న మా ప్రేక్షకులకు ప్రసారం చేస్తున్న నెట్‌వర్క్‌కు మేము మొదటగా ఒక చిన్న నివాళి అర్పించాలనుకుంటున్నాము.) ధన్యవాదాలు.

Photo Caption: “మీరు శ్రద్ధగా చూడకపోతే నేను మీకు కనిపించను: ఈ ప్రాచీన అడవిలో మీ అడుగుజాడలకు నేను వినయంగా నమస్కరిస్తున్నాను.”

ఫోటో డౌన్లోడ్ చేయండి