Хайрт Их Багшийнхаа агуу Энэрэл Хайрыг дурсаад дурсаад үгээр илэрхийлэхэд хангалтгүй юм.

Монгол улсаас Цолмонгийн монгол хэлээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Сайн байна уу? Эрхэм хүндэт Суприм Мастер ТВ-ийн багийн гайхамшигтай хамт олонд чин сэтгэлийн талархлаа илгээж байна.

Суприм Мастер ТВ-ийн багийнхан цаг наргүй шаргуу хөдөлмөрлөн хүмүүсийг ухааруулах, сэрээх, хүмүүний сайхан сэтгэлийн гайхалтай жишээнүүдийг хүмүүст түгээх, бүх төрөлтнийг хайрлан, тэдэнтэй зэрэгцэж амьдарч эх дэлхийгээ энх амгалан байлгах гэрэл гэгээтэй сэтгэл хөдөлгөсөн сайхан мэдээ, мэдээллийг түгээж байдагт, Их Багшийн сургаал номлолыг цаг тухайд нь шуурхай дамжуулж байдагт маш их баярлаж талархдаг билээ. Суприм Мастер ТВ-ийн багийн та бүхний маань ажил үйлс нь Агуу Бурханы Хайр Ивээл, та нарын хичээл зүтгэл, шаргуу хөдөлмөр, сайхан сэтгэлийн үрээр үргэлж бүтэмжтэй байж үзэсгэлэнтэй гараг дэлхийгээ диваажин болгох болтугай.

Их Багшийнхаа агуу Хайрын бодит жишээний тухай дотоодын ахуйн ойлголтоо хуваалцахыг хүслээ. Би 2012 оны 1 сард, авшгийн бэлтгэл дөнгөж эхэлж байхдаа, шөнө хоёр цаг тутамд, нэг ижил зүүдийг маш тодоор давтан зүүдэлсэн билээ. Шөнө дунд нэгэн эмэгтэй хүнтэй хөтлөлцөн нисэж байсан. Тэр эмэгтэй надад дахиад дөрвөн эмэгтэй байгаа хамт ниснэ шүү гэж хэлсэн. Тэгээд би сэрчхээд тухайн үед авшиг авсан байсан эгч нартайгаа тэр дөрвөн эмэгтэй хэн хэн байх билээ гэж ярьцгаагаад, миний хоёр охин ба бидний ээж өөр нэг нь хэн юм бол доо гээд бодоод бодоод олоогүй. Гэтэл намайг авшиг авсан 2013 оны намар нь миний том охин, 2014 оны хавар бага охин минь авшиг авсан. Тэгээд дараа нь том охин маань хоёр охин төрүүлсэн. Тэр хоёр зээ охин маань 7 ба 10 насандаа өөрсдөө веган болох шийд гаргаад улмаар нэг жил бэлдэж байгаад хагас авшиг авсан билээ.

Хайрт Их Багшийнхаа агуу Энэрэл Хайрыг дурсаад дурсаад үгээр илэрхийлэхэд хангалтгүй юм. Таныхаа гэгээн Хайр, Энэрэл Нигүүлслийн Гэрэлд бид үргэлж аз жаргалтай, сэтгэл хөнгөн, эрүүл саруул, аз жаргалтай байгаадаа Тандаа маш их талархаж байна. Төгс Гэгээрсэн Их Багш Та минь энх амгалан, эрүүл саруул байж төрөлтөн бүрийг аврах, зовлонгоос гэтэлгэн, дэлхий гарагаа Диваажингийн амар амгаланд хүргэх агуу зорилго Тань биелэх болтугай. Тандаа хязгааргүй хайртай шүү. Монгол Улсаас Цолмон

Дөлгөөн Цолмон, Таны халамжтай захидалд, мөн Их Багшид болон Суприм Мастер ТВ-ийн хамт олонд сайн сайхан бүхнийг ерөөсөнд баярлалаа. Хамгаалагч Монголын ард түмэн удахгүй сэрж, Дэлхий амар амгалан диваажин болсон гэдгийг олж харах болтугай, Суприм Мастер ТВ-ийн хамт олон

Жич: Их Багшийн хариуг таалан хүлээн авна уу: “Адислагдсан Цолмон, таны сэтгэлийн үгийг уншихад таатай байлаа. Эдгээр дотоод ахуй ойлголтыг авч, дараа нь таны хайртай хүмүүс Бурханлаг Гэртээ буцах Арьяабалын авшиг хүртэж, түүний биелэхийг харсан та ямар азтай юм бэ. Танай гэр бүл сүнслэг замаар хамтдаа явж чадаж байгаа нь ерөөлтэй еэ. Буянтай Монгол орон мөнхөд хүч чадал, хөгжил цэцэглэлтээр ивээгдэж байх болтугай. Танд болон танай эрхэм ариун гэр бүлд Хайраа илгээж байна.”