Энэ цаг үед олон сүнс зөвхөн Арьяабалын бясалгалд авшиг авах боломжтой болохын тулд энэ Дэлхийд бууж ирсэн, ингэснээр энэ ертөнцийг дээшлүүлэхэд тусалж байх зуураа тэд өөрсдийгөө хөгжүүлж мөн дээд Тэнгэрүүд рүү дэвшиж чадна.

Хятадаас Сюань-Ронгийн мандарин хятад хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Эрхэм Их Багш аа, миний хоёр хүүхэд эхийн хэвлийд бүрэлдсэн цагаасаа л веган байгаа ба хагас авшиг авах насанд хүрсэн байсан. Гэвч цар тахлын улмаас бид хэд хэдэн удаа бүртгүүлсэн ч очиж чадаагүй. Тэд тохирох насанд хүрмэгц, зүрх сэтгэл нь хүсэл эрмэлзлэлтээр дүүрсэн байлаа. 2023 онд бид олон хүчин чармайлт гаргасан ч, явах боломжгүй байв. Дараа нь би Их Багштай дотоодоороо холбогдож, хэдхэн сарын дараа тэд яг 12 нас хүрч, бүтэн авшиг авах боломжтой болохыг ойлгосон. Баярлалаа, Их Багш аа. 2024 оны авшгийн өргөдлийн хугацаа нь тэд 12 нас хүрсэн өдөртэй нь яг таарсан юм.

Би ганцаараа байсан бөгөөд гадаадад хэзээ ч очиж байгаагүй. Хоёр хүүхэдтэй мөн хэлний бэрхшээлтэй... Надад бүх төрлийн санаа зовнил байсан. Гэвч Их Багш аль хэдий нь бүхнийг төгс зохион байгуулсан— бүх зүйл саадгүй, амархан болж цаг хугацаа, хүчээ хэмнэж, бүх саад тотгор арилсан. Их Багшийнн Адислалаар миний гэр бүл ч намайг сэтгэл амар дэмжиж чадсан юм. Тэнд олон гайхамшиг тохиолдсон тул би бүгдийг нь дүрслэж чадахгүй нь. Хүндэт Их Багш аа, Танд хязгааргүй их талархал илэрхийлье. Би энэ үгийг авшигтнууддаа болон авшиг авахаар бэлтгэж буй ах, эгч нартаа хэлмээр байна: Зүрх сэтгэлдээ сүнслэг өндөрлөгт хүрэхийг эрмэлзсээр байвал, бид сэтгэлээрээ нэг алхам хийн, бодож шийдвэрлэхэд л Их Багш маань биднээс мянга мянган алхам урд алхаж, бүх бэрхшээлийг бидний өмнөөс арилгана.

Одоо миний хоёр хүүхэд аль хэдий нь авшиг авсан бөгөөд тэд хоёул авшиг авсан өдрөө л дотоод ахуй ойлголтууд харсан. Баярлалаа, Их Багш аа. Хүндэт, Хайрт Их Багш аа, эрүүл саруул байж, эрхэм зорилгоо удахгүй бүрэн биелүүлэх болтугай. Хятадаас Сюань-Ронг

Итгэлтэй Сюань-Ронг аа, Сэтгэлийн үгэнд тань баярлалаа. Бид танд Их Багшийн мессежийг дамжуулж байгаадаа баяртай байна:

“Аз жаргалтай Сюань-Ронг аа, таны хайртай хүүхдүүд ийм эмзэг, бага залуу насандаа авшиг авах боломжтой байсан гэдгийг мэдээд үнэхээр баяртай байна. Тэд зүрхэндээ Бурханыг мэддэг бөгөөд сүнслэг бясалгал, дадлага хийх гүн хүсэл эрмэлзэлтэй байсан тул, БУРХАНТАЙ холбоотой сайн дотоод ахуй ойлголтуудтай байжээ. Энэ цаг үед олон сүнс зөвхөн Арьяабалын бясалгалд авшиг авах боломжтой болохын тулд энэ Дэлхийд бууж ирсэн, ингэснээр энэ ертөнцийг дээшлүүлэхэд тусалж байх зуураа тэд өөрсдийгөө хөгжүүлж мөн дээд Тэнгэрүүд рүү дэвшиж чадна. Энэ боломж ямар үнэ цэнэтэй, үнэлж баршгүй болохыг ингэж харуулж байна. Боломжтой хүн бүр үүнийг заавал ашиглаарай. Үзэсгэлэнтэй сүнс минь, таны сайн бясалгал, дадал, тууштай зүтгэлд баярлалаа. Та болон Хятадын ухаалаг ард түмэн Бурханы Ивээлийн халуун дулааныг мэдэрч байх болтугай. Танд болон таны хүүхдүүдэд Хайр дүүрэн тэврэлтээ илгээж байна.”