ХАМГААС ХҮЧИРХЭГ ГУРВАЛЫН АУГАА ИВЭЭЛ + Манай дэлхийг хамгаалахад Залбирал, Наманчлал, Веган байхын ач тустай Хүч, лекцийн 5-ын 5-р хэсгийг

Гэмшсэн хүч, Бурханыг хайрласан хүч, веган хүч та нарыг аврахад тустай, бие махбодыг тань аврахад тустай. Хэрэв та нар цэвэр ариун, эгэл даруу байж, залбирсаар, даруухнаар залбирсаар байж, амьд амьтан-хүмүүсийн амийг аврахын тулд веган хоол идэж байвал Гэгээнтэн болно. Чинагуух ертөнцөд хүрэх болно. Энэ нь дэлхийд байх үеэс ч илүү та нарт ач тусаа өгнө. Энд болон чинагуух ертөнцөд, түүнээс чанадын чанадад бүр илүү хэрэгтэй. Яагаад гэвэл Бурхан та нарыг харж хандана. Хэрэв Бурханыг хайрлаж, чин сэтгэлээсээ эгэл даруухнаар наманчлан, дахин нүгэл үйлдэлгүй, веган байж, дахин хэзээ ч амьтан-хүмүүсийн амийг хөнөөхгүй бол та эрх чөлөөтэй, бүрэн эрх чөлөөтэй болно. Та Бурханы өөрт тань зориулж барьсан орд харш Гэртээ очно. Буцахаасаа өмнө аль хэдийн орд харштай болсон байдаг. Хэрэв бие махбодоо орхиод тамд уначихвал аврагдахад илүү хэцүү.

Цэл хүйтэн, хав халуун мэдрэмж зэрэг төрж байсан хар гал байв. Мөн хэлбэр дүрс нь хүний дүрстэй төстэй төрөлтнүүд байсан. Тэд яг л ялзарсан цогцос, зомби шиг байсан. Тэд над руу дайрч, онилж, намайг хазсан. Энэ бол үнэхээр аймшигтай байсан бөгөөд би маш их айсан. Янз бүрийн зүгт гүйж байсан морьдод миний эрхтнийг уяад байх шиг санагдсан. Энэ нь намайг үнэхээр урж, устгасан. Мөн өмнөх дэлхий дээрх амьдралдаа гүнээ харамсах сэтгэл төрж, би зүгээр л ямар ч үнэ цэнгүй, хувиа хичээсэн амьдралаар амьдарч байж гэж бодсон. Тэгтэл гэнэт алтан шар гэрэл яг миний дэргэд тэсэрсэн. Энэ Алтан гэрэл бол мөнх амьдрал гэдэг нь надад тодорхой байсан. Энэ бол туйлын хайр, бүрэн амар амгалан, бүрэн аюулгүй байдал, төгс төгөлдөр байдал байв. Хүн бүр угаасаа энэ Гэрлээс үндэслэн гарсан байдаг.

Миний зүүн талд 2 миль (3.2 км) өргөнтэй, улбар шар өнгөтэй, шаргал, улаавтар дөл гарах том тогоо байх бөгөөд нэг дор сая сая хашхирах чимээ гарч байсан. Чөтгөр баруун гараас минь барьж татаад гарыг минь булгалж хаяна. Миний гар бүхэлдээ салж, арьс унжин судас, цус харагдана. Тэр үүнийг сугалж аваад, хэдхэн секундийн дараа дахин буцаж хэвэндээ орон тэр бүх зүйлийг дахин давтана. Тэр зүгээр л миний нүүрэн дээрх түгшүүр, айдсыг харахыг хүсэж буй учраас миний гарыг бариад над руу хараад инээж байв. Миний хувьд эмх замбараагүй байдал бол би хүссэн бүхнээ залбирч чадна, (гэхдээ) залбирлаа Бурханд Түүнд хүргэж чадахгүй гэдгээ мэдсэн тийм тусгаар байдалд байв. Дуусаа. Энэ дэлхий дээр амьдарч, амьсгалж, алхаж байгаа цагтаа Есүст залбирч, өвдөг сөгдөн, Бурханыг амьдралдаа орж ирэхийг, амиа аврахыг, мөн амьдралаа Бурханы зүгт эргүүлэхийг Бурханаас гуйх хэрэгтэй гэдгийг би шууд ойлгосон.

Би үхсэн гэдгээ ойлгосон. Энэ чөтгөр мөн намайг тамд аваачиж байгааг би шууд мэдсэн. Энэ чөтгөр намайг тарчлааж эхэлж, бусад чөтгөрүүд гарч ирэн намайг барьж аваад, намайг татаж, хазаж, тамлаж байв. Энэ бол хамгийн аймшигтай, аймаар мэдрэмж юм. Би ийм зүйлийг туулж байгаа нь энэ. Энэ чөтгөр намайг хэзээ ч хөдөлшгүй үүрд мөнх байлгахын тулд намайг байнга байлгах газарт аваачсан. Гэнэт надад амьдралдаа тохиолдож байгаагүй хамгийн найдваргүй мэдрэмж төрсөн. Би энэ байдлаас хэзээ ч гарахгүй гэдгээ мэдэж байсан. Хэзээ ч үгүй. Үүрд мөнхөд. Би үүнийг бодитоор тодруулъя. Нэгэнт үхээд тамд очвол ямар ч найдвар байхгүй. Ямар ч гэтэлгэл байхгүй. Эргэх зүйл байхгүй. Буцах зам байхгүй. Та үхсэн. Дуусаа. Тэр даруй миний тулалдаж байсан чөтгөр холдох гэж оролдож, тэр даруй чөтгөр суллав. Тэгээд чөтгөр суллангуут намайг маш хурдан зөөв. Таны мэдэж байгаа дараагийн зүйл бол би Диваажингийн үүдэнд ирэв. Тамд хэчнээн их тарчлааж, тамд хэчнээн айж эмээж байсан ч би одоо төсөөлшгүй баярлаж хөөрсөн мэдрэмжийг мэдэрсэн. Энэ бол махан биед мэдрэмгүй хэтийдсэн мэдрэмж. Энд Диваажинд та Төгс Хүчит Бурханы оршихуйд байна.

гэх мэт...

Учир нь Бурханы бүтээсэн бие махбод бол Бурханы төгс төрх юм. Үүн дотор Бурхан идэвхжүүлж болдог, сүнслэг ач тус, сүнслэг чөлөөлөлтийн тань төлөө ажиллуулж болдог нууц унтраалга, товчлуур бий. Тамд тийм зүйл байдаггүй. Өөр бүтэцтэй. Олон зүйл дутуу. Бодит хүрэлт ч байхгүй. Тиймээс олон хүн өөд болоод өөрсдийгөө зүгээр л нэг бие хэвтэж байгааг харж, эргэн тойронд нь болж буй бүхнийг хардаг. Гэвч амьд хамаатан саднууддаа хүрч, тэдэнтэй ярилцах боломжгүй, үхсэн хүнд, эсвэл үхлийн ирмэгт байгаа хүнд анхаарлыг нь татах юу ч хийж чадахгүй. Учир нь тэдний бие тэнд байвч жинхэнэ бие нь, жинхэнэ хүн нь байхгүй, Бурхантай холбогдох хүчээ бүгдийг нь аваад явчихсан.

Тиймээс та нар амьд байхдаа холбогдохыг хичээгээрэй. Тэгвэл тэр холбоос тань хэзээ ч алдагдахгүй. Та нар тамд унаж, нүглээ цайруулах ёстой боллоо ч, эсвэл өнгөрсөн төрлийнхөө зарим нүглийг цайруулах боллоо ч холбогдсон асаах товчлуур байх болно. Амьд Их Багшийн үүрэг бол та нарт үүнийгээ эргүүлэн асаахад тань туслах явдал юм. Тэр мөчөөс хойш та нар хаана байгааг нь мэднэ. Эсвэл үүний дараа энэ нь бүрмөсөн үүрд нээлттэй байдаг. Зөв бурууг мэддэг болсныхоо дараа Ертөнцийн Хуулийн эсрэг ямар нэг зүйл хийж, аврагдах боломжгүй болчхоогүй л бол шүү дээ. Зөвхөн материаллаг оршихуйд л энэ арай дээр.

Мэдээж би тамд очиж бас олон сүнс аварч байсан. Гэхдээ тэдэнтэй цусан төрлийн, эсвэл хайраар ч юм уу холбогдсон, эсвэл ямар нэг гайхалтай зүйл болж нэг нэгэндээ насан туршдаа тусалсан тэр хүнтэй нь, эсвэл найз нөхөд, үр хүүхэд, хамаатан садантай нь би хамт очдог. Тэгэхээр амьдралд, бие махбодтой амьдралд холбоо бий. Амьд бие махбод бол байхгүй байж үл болох багаж. Бүхий л Будда, Бодисадва, Гэгээнтэн Мэргэдэд, Есүс Христэд хүртэл хамаг төрөлтөнд туслахаар бууж ирэхэд нь Диваажинтай холбогдсон тэрхүү холбоос хэрэгтэй. Дараа нь Гэртээ харихдаа бас үүгээр дамждаг.

Би Гурвалын нэг учраас мэдээж сайн мэднэ. Мэдээж та нарын “Эзэн Есүс” гэж хэлдэг бүхэн бас би шүү дээ. Та нарын Эзэн Есүс мэддэг гэж хэлсэн бүхнийг би бас мэднэ. Жишээлбэл тийм байдаг. Гэвч бидний гар хөл тушаатай биш. Сүнслэг оршихуйд, өндөр гэгээрэлд хүрсэн хүмүүст нэгнээ ойлгоход ч юм уу хамтран ажиллахад материаллаг зүйлс хэрэггүй. Зөвхөн энэ материаллаг ертөнцөд үг хэл, илэрхийлэмж шаардлагатай болж, зарим нэг хийсвэр тайлбарыг ойлгоход төрөл бүрийн багаж хэрэгсэл хэрэгтэй байдаг юм.

За, өнөөдрийн хувьд ийм байна. Би талархлаа л илэрхийлэх гэсэн юм. Би нэгээхэн хэсэг нь болсон Гурвалын хийх ажил их хэвээр байна. Хүмүүсийн хийх ёстой маш их зүйл байсаар байна. Амьтан-хүмүүс өөр аргаар хийдэг. Намайг уучлаарай. Одоо явахгүй бол болохгүй нь. Магадгүй дараа хэдүүлээ ярих байх. Учир нь одоогоор би өөрийгөө энэ материаллаг дэлхийд байлгаад байж болохгүй. Явж хүн төрөлхтний төлөө, хамаг төрөлтний төлөө, бусад гаргуудын ч төлөө дотооддоо хийх ажил байна. Зарим ийм тохиолдолд би үргэлж хойшлуулаад байж болохгүй.

За бүгдэд тань сайн сайхныг хүсье. Энэ аврах ажиллагаанд оролцож буй бүгдэд баярлалаа, гэмээ наманчлан, веган болж, чин сэтгэлээ харуулж байгаад тань баярлалаа. Энэ 1%-ийн сайн энергиэр бид гараг дэлхийг аврахад туслах боломжтой. Маш их баярлалаа! Та бүхэн хамгаалагдах болтугай. Бурханы Нэрээр, Хамгаас Дээд, Хамгаас Хүчирхэг Гурвалын Ивээлээр адислагдах болтугай. Түр баяртай. Манай гараг дээрх бүгд дээрдэх болтугай. Явахаасаа өмнө энэ дэлхийг аврах, сүнснүүдийг аврахын тулд бидэнд хийх ажил маш их байсаар байна. Тиймээс биеэ бодож, даруухнаар залбирсаар байгаарай, чин сэтгэлтэй байж, веган байж, Бурхан болон Бурханы Төлөөлөгчид, бүхий л Их Багш нар, Гэгээнтэн Мэргэд, Будда, Бодисадва нарт талархаарай. Хайртай шүү. Бурхан та нарт хайртай, Бурхан та нарт хайртай. Бурхан та нарт хайртай. Сайн байцгаагаарай, адис ерөөе. Амен.

Photo Caption: Хайрыг Илэрхийлэх Боломжтой

Зураг татаж авах