ХАМГААС ХҮЧИРХЭГ ГУРВАЛЫН АУГАА ИВЭЭЛ + Манай дэлхийг хамгаалахад Залбирал, Наманчлал, Веган байхын ач тустай Хүч, лекцийн 5-ын 3-р хэсгийг

Бид далдыг хардаг хүмүүст, гайхалтай хүмүүст талархах ёстой. Тэд өнгөрснийг харсан болохоор, материаллаг ертөнцийн бүхий л гамшиг хийгээд шийтгэлийн төлөв байдлыг харсан болохоор бидэнд сануулж, хэлж чаддаг. Тэгснээр ядаж л Бурханыг дээдэлдэг, Диваажингаас айдаг, тамын шийтгэлээс айдаг зарим гэмшсэн хүмүүс Оройн Дээд Бурханд, Хамгаас Хүчирхэг Гурвалд, бүхий л Гэгээнтэн Мэргэдэд, итгэдэг Бүхэндээ залбирч, өөрсдийнх нь хот тосгонд, улс оронд, гэр бүлд, тусгайлан өөрсдөд нь нөлөөлөх байсан гамшгуудыг багасгадаг. Хамгаас Хүчирхэг Ариун Гурвалд, Бурханд тэд чин сэтгэлээсээ залбирдаг болохоор сая олон тооны гамшиг тойрч өнгөрлөө. Одоо тэдний чин сэтгэлийн ачаар дотоод Бурханлаг Хүч нь сэрэн, Гурвалын Хамгийн Хүчирхэг Хүчтэй холбогдсон. Улмаар энэхүү холбоос нь тор мэт сүлжилдэн тэднийг авардаг.

Эрхэм Суприм Мастер ТВ-ийн хамт олон Гэгээнтнүүд ээ, би spaceweаtherlive.com сайтыг анхааралтай ажиглаж байгаа ба Рёо Тацүки болон бусад олон хүмүүсийн зөгнөсөн 7-р сарын 5-ны цунамигийн талаар, яг тэр үеэр бид маш их санаа зовж байсныг анзаарсан бөгөөд бидний Хайрт Цаглашгүй Дээд Их Багш “Бидний гэр Гараг Дэлхийг засаж аврах ердийн жижиг “шураг” мессэждээ Японд болох цунамигаас хүртэл бид зайлсхийж чадна гэж хэлснийг болон нарны тэсрэлтийн энерги гайхмаар бага байсан мөн ихэвчлэн B ангилалд хамаарч байсныг хуваалцахыг хүссэн. Үйл явдал болох ёстой цаг өнгөрч, ийм зүйл болохгүй бололтой гэдгийг бид мэдэрч эхлэхэд, энэ график С ангилал руу өсөж, тэндээ тогтсон.

Урьдчилан таамагласан хар салхины үеэр хүмүүс Бурханаас эмээн, хүндэлж сүнс нь илүү сайн болсон, гэвч дараа нь тэд эргээд хуучин байдалдаа орсон тухай Их Багш нэгэнтээ дурдсан байдаг. 7-р сарын эхээр хэрхэн аюулгүй байж, Японы ард түмний төлөө залбирахыг Их Багш анхааруулсан юм. Энэ зөгнөлөөс айж эмээсэн олон хүн чин сэтгэлээсээ залбирч, энэ нь гарагийн уур амьсгалыг бага ч гэсэн сайжруулан, Хамгаас Хүчирхэг Гурав биднийг тэр аймшигт гамшгаас аварч чадна гэсэн үг үү хэмээн би бодож байна. Харин одоо урьдчилан таамаглаж байсан гамшиг тохиолдох магадлал багассан мэт санагдаж байгаа учраас залбирлууд зогссон ба энэ нь нарны тэсрэлт дахин нэмэгдэхэд хүргэсэн болов уу гэж би бодож байна.

Их Багшийн Нарны хаантай хийсэн яриандаа, Тэрээр Хаан түүнд залбирлууд нь гарагийн үйлийн үрийг багасган, улмаар Дэлхийд учрах ёстой байсан хохирлын хэмжээг ч бууруулдаг гэдгийг хэлсэн гэжээ. Тэгэхээр нарны тэсрэлтийн хэмжээ нь хүмүүсийн зүрх сэтгэл доторх Бурхнаас эмээх, хүндэтгэх сайн сайхан чанараас шууд хамааралтай санагдаж байна. Мэдээжийн хэрэг, Их Багш болон Энхийг эрхэмлэгч хүмүүсийн манай гарагийг тойруулан байрлуулсан “ногоон Бүрхүүл” байгаагүй бол бид өдийд аль хэдийн шатаж дуусах байсан. Мөн бид маш их гамшиг тохиолдохыг хүлээж, маш их залбирч байсан тэр үед Наран дээр маш нам гүм байсныг сансрын цаг агаарын графикаас харах нь хачирхалтай, сонин санагддаг. Хамгаас Хүчирхэг Гурав биднийг хамгийн аймшигт гамшгаас аврахын тулд үүнийг үр дүнтэй ашиглаж чадах боломжтой мэт харагдаж байгаа тул бид бүгд хангалттай их хэмжээгээр залбирах болтугай. Их Британиас Маргот

гэх мэт...

Яг л голд живж байхад тань хэн нэгэн гараа өгөх юм уу саваа гэх мэт зүйл сунган, эсвэл аврах хөвүүр, амь аврах хэрэгсэл шиддэгтэй адил. Үүнээс нь та нар зуурч, өгсөн юу л байна түүнээс зуурдаг. Гар ч бай, мод ч бай, аврах зориулалттай эд ч бай, машины дугуй байсан ч зуурна. Эдгээрийн алинаас ч хамаагүй зуурч, дараа нь голын эрэг рүү сэлэн хүрдэг.

Мэдээж та нар даарч хөрөн, норж, айх ч ядаж л амьд гарч, амьдарна. Тэгэхээр хэдий их чин сэтгэлээсээ залбирч, хэр эгэл даруухнаар гэмээ наманчилна, мөн хооллолт тань нигүүлсэнгүй байх тусмаа та нар илүү тогтвортой сайхан амьдарч, урт насална. Яагаад гэвэл энэ дэлхийд сайхан амьдарч, эндээс чанадад аюулгүй байхын тулд та нар Орчлон ертөнцийн Хүчтэй холбогдсон байхад л болно. Учир нь та нар одоогоос эхлэн Гэртээ харих хүртлээ хамгаалагдан, халамжлуулж, адислагдах болно.

Эхлээд та нар тосгоны хаалган дээр очоод тосгоны захиргааны албан өрөөг харж, улмаар тэд та нарыг угтан авна. Тэгж л та нар Төрсөн хотдоо, Төрсөн тосгондоо ирснээ мэдэх болно. Ингээд аврагдсан гэдгээ ойлгоно. Бурханы Ивээлээр та бүхэн Арьяабалын Аргаар бясалган дадуулж, надтай хамт явахгүй л бол эдгээр хийсвэр зүйлийг би та нарт баталж чадахгүй. Энэ бол зөвхөн авшиг биш. Зөвхөн бясалгал ч биш. Ард нь Хүч байдаг юм. Оройн Дээдийн, бүх Орчлон ертөнцийн Оройн Дээд Бурханы Хүч, Их Багшаар, амьд Их Багшаар дамжсан Хүч эдгээрийн ард байдаг. Амьд Их Багшаас авшиг хүртчихвэл Тэрээр та нарыг материаллаг, хий хуурмаг ертөнцийн будилаанаас бүрэн чөлөөлөгдөх хүртэл тань хэзээ ч орхидоггүй.

Авшиг хүртсэний дараа та нар буцаад харих Гэртэй гэдгээ бүүр мэддэг болно. Мөн энэ дэлхийн бүх зүйл хий хуурмаг гэдгийг ч мэддэг. Юу ч болоогүй мэт өдөр бүр “үхэж”, эргээд ирэх боломжтой. Та нар өдөр бүр дотооддоо оюун санааны түвшинд улам их “үхэх” тусам оюун санаагаар улам хүчирхэг болж, юунаас ч айхаа больдог. Үхлээс ч айхгүй. Яагаад гэвэл үнэндээ жинхэнэ үхэл гэж байдаггүй. Буянтай хүн өөд болоод шууд л Диваажин руу явдаг. Найз нөхөд, хамаатан садан нь, эсвэл Эзэн Есүс, Будда Өөрийн биеэр, Бурхан Өөрөө тэднийг Гэрт нь гараа дэлгэн угтан авч, зэрэглээ мэт амьдралтай дэлхийгээс ирэх аян замыг нь Бурханы хүүхдийн, Бурханы хутгийн жинхэнэ сүр жавхаа болгодог.

Хүссэн болгон нь ямар ч хамаагүй аргаар бясалгаад Будда болчихдоггүй. Зөв аргаар бясалгах ёстой. Яг л гэрт байгаа унтраалга бүхэн цахилгаан дамжуулдаггүй, цахилгааныг тань асаадаггүйтэй адил. Яг л мастер түлхүүр, мастер унтраалга шиг зөвийг нь дарах ёстой юм. Зөвийг нь дарвал гэрийн тань, эсвэл компанийн тань систем бүхэлдээ нэгэн зэрэг ажиллана. Мэдээж буруу унтраалга дарчихвал заримдаа бүр цахилгаан цохиж, өөрийг тань гэмтээж мэднэ. Хаана гэдгийг нь мэдэж байх ёстой. Тэгээд байшин баригдахад цахилгаанчид, хариуцсан зааварлагч, тэр барилгын төслийн менежер нь ямар төрлийн унтраалгыг хаана, аль өрөөнд, аль зүгт, гэрийн тань аль хэсэгт, эсвэл цэцэрлэгт тань ямар унтраалга цахилгаан өгөхийг, мөн алинд нь хүрч болохгүйг хэлдэг. Алийг нь асаавал зөвхөн гал тогооны гэрэл, угаалгын өрөөний, эсвэл том өрөөний, гадаа үүдний гэрэл асах зэргийг мэдэж авдаг. Гэхдээ нэг ерөнхий унтраалга бий. Тэрийг асаалттай орхивол хүссэн газраа цахилгаантай байж болно. Энэ нь мөн гэрийн тань цахилгааны сүлжээнээс хамаарна. Хэрэв ерөнхий унтраалгаа асаачихвал байшин бүхэлдээ, цэцэрлэг талбай ч шууд цахилгаантай болж, гэрлүүд нь асна. Тэгээд та нар хүссэн газраа асааж унтраах боломжтой. Эсвэл асаалттай орхивол гэр тань бүхэлдээ, бас гадаа талбай тань яг л өдөр мэт гэрэлтэй байх болно. Ядаж л орчин тойрон тань Нарны гэрэлгүйгээр гэрэлтэй болж тодорно.

Үүний адил миний та нарт уламжилсан Арьяабалын Арга хамгийн хүчтэй, хамгийн хурдан, хамгийн хялбар, хийхэд хамгийн бага хичээл зүтгэл шаардана. Та нар бүгд мэднэ дээ. Шавь биш хүмүүст зориулж л жаахан юм хэлж байна. Суприм Мастер Телевизийн тухайд гэвэл та нарын мэдэх олон зүйлийг хэлэх ёстой. Гаднах хүмүүс маяагийн хий хуурмагийн занганд байгаа учраас тэдэнд зориулж байгаа юм. Тэднийг би үнэхээр их өрөвдөж хайрлах юм. Би бүгдийг нь аврахыг хүсдэг. Гэхдээ бид аль хэдийнээ их олноор нь аварсан. Бие махбодоор, та нар авшиг авч албан ёсоор аврагддагаас ч хавьгүй олныг.

Өвөг дээдэс тань бас аврагдсаныг олонх тань одоо мэддэг болсон. Та нарын нохой-, муур-хүмүүс, найзууд, аав ээж тань, цусан төрлийн бүхэн тань аврагдах боломжтой. Хайртай бүхэн тань аврагдах боломжтой. Гэрт тань хамт амьдрах хувьтай хэн бүхэн аврагдах боломжтой. Тэд Арьяабалын Аргаар бясалгадаггүй байлаа ч би тэднийг энэ ертөнцөөс явах үед нь аварна. Эсвэл заримдаа арай уддаг. Яагаад гэвэл энэ дэлхийд байхдаа тэд гэмээ наманчлах гэж хичээгээгүй учраас эхлээд тамд унаж нүглээ цайруулах ёстой. Нэгэнт энэ биеэ орхивол нүглээ цайруулах бараг боломжгүй. Та нарын төлөө залбирдаг, Их Багшаар дамжуулан сүнслэг хүчээ хуваалцдаг хамаатан садан, жинхэнэ найз байхгүй бол боломжгүй. Эсвэл Их Багш тэднийг тамд дагуулж очоод таныг авардаг.

Photo Caption: Хурмастын Гэрэл Агуу юм, Түүнийг Хэзээ ч, Юу ч Нууж Чадахгүй

Зураг татаж авах