Дэлгэрэнгүй
Татаж авах Docx
Дэлгэрэнгүй уншаарай
Бурханы хүүхдүүд, ирээдүйн Будда, сайхан сэтгэлт та нар минь сайн байцгаана уу? Сүүлийн үед би та нартай их ярьсангүй. Ер нь угтаа та нар надаас хэл сонсоогүй чамгүй удсан юм байна шүү. Би ердөө л их завгүй, дотооддоо их ажилтай байгаа. Гаднах ажил ч бас зав зайгүй. Суприм Мастер Телевизийн нэвтрүүлгүүдийг хянах болон бусад бүх ажил, бизнесүүдээ хянах, алсын зайнаас нохой-, шувуу-хүмүүсээ, мөн зэрлэг амьтан-хүмүүсийг ч харж хандах гэх мэтчилэн. Гэхдээ сүүлийн үед, хэдэн сарын турш дотооддоо хийж буй ажил хамгийн их эрчимтэй байна. Үүнээс өмнө ч тийм л байсан. Гэхдээ сүүлийн үед олон тооны гамшиг нүүрлэж, мөн олон гамшиг болж магадгүй байгаа тул дотооддоо эрчимтэй ажиллаж байна. Хамгаас Хүчирхэг Гурвал заримыг нь, олныг, угтаа маш олныг зогсоож чадаж байгаа. Томоохон гамшгуудыг бүрэн зогсоож, эсвэл өчүүхэн бага болгож байгаа.Наймдугаар сарын 8-нд энэ яриаг бичиж эхэлж байхад би та нартай ярих гээд бэлтгэчихсэн байсан юм. Тэр өдөр Бурхан намайг та нартай ярьж болно гэж айлдсан. Олон долоо хоног, магадгүй олон сарын дараа тэр шүү дээ. Учир нь үүнээс өмнө, 8-р сарын 8-ны энэ сүрхий тоотой өдөр хүртэлх тэр бүх хугацаанд би дотооддоо нэн их ажилтай байсан тул Бурхан надад та нартай ярих зөвшөөрөл өгөөгүй. Тэрээр “Эхлээд зарим хэсгийг нь дуустал хүлээ...” гэж хэлж байлаа.Өнөөдөр наймдугаар сарын 8. Би Оройн Дээд Бурхан, Түүний Хүү, Цаглашгүй Дээд Их Багшид асар их талархаж буйгаа та нарт хэлэх учиртай. Энэ миний тухай асуудал биш шүү. Өдийг хүртэл манай гаргийг, олон улс орныг бутарч хуваагдахаас, хэдэн зуун сая хүнийг үхэл сүйрлээс аварч буй Хүчирхэг Гурвалд бид бүгд талархах ёстой юм. Энүүхэндээ яг одоо би нэг тайван амьсгал авахтайгаа болж байна. Учир нь дотооддоо маш эрчимтэй ажиллалаа, мэдээж, гаднаа ч адил. Бие махбодын оролцоогүй хийгдэх ажил гэж нэгээхэн ч үгүй. Учир нь Бурханы оноож, сонгосон бие махбодоор дамжсан Ариун Гэгээн Хүч хамгийн их чадалтай байдаг. Энэ нь цахилгаан станцаас эрчим хүч түгээхээр дамжуулагч утас сонгосонтой л адилхан. Хүчирхэг Гурвалд би өнө мөнхөд, асар ихээр, даруухнаар гүнээ талархаж байна.Бүх веганчуудын залбирал, шинээр веган бологсод болон тэдний залбирал, мөн чин сэтгэлээсээ хичээнгүйлэн гэмээ наманчлан, Оройн Дээд Бурхан, Гэгээнтэн Мэргэд, Будда нарт талархан, Тэдэнд итгэж буй өөр бусад олон хүний залбиралд би даруухнаар даган баясаж байна. Энэ бүх залбирал болон хүмүүс веган болж буй энэ бүх өөрчлөлт үгүй бол ажлаа хийхэд энэ дэлхийн энерги хэт сул байх байлаа. Зүйрлэвэл цахилгааны зарим утас гүйдэл хүлээн авч дамжуулахад чадал нь хүрэхгүй бол эрчим хүч хаа сайгүй байгаад ч түүнийг татан авч, амьдралаа тав тухтай, үр бүтээлтэй болгож, цахилгаан эрчим хүчний өөр олон ач тусыг хүртэж болох байсан ч бид нэг их юм хийж чадахгүйтэй адил юм.Би мөн энэ дэлхий дээрх хамаг төрөлтний үйлийн үр, зан байдал, наманчлалаас хамааран Орчлон ертөнцийн өнгөрсөн үеэс тогтоогдсон төлөвлөгөөнөөс ирээдүйг зөгнөн хэлж чаддаг авьяастай зөнч, далдыг харагч, үзмэрч, цэцэн мэргэн хүмүүсийн бүх зөгнөлд гүнээ талархаж байна. Одоо бидэнд тохиолдож байгаа аливаа зүйл зүгээр нэг санамсаргүй, тохиолдлын зүйл, эсвэл саяхан бий болсон хэрэг биш, харин маш, маш, маш их урт хугацааны өмнөөс, бүр балар эртний үеэс улбаатай. Өнгөрсөнд ч, одоо ч, ирээдүйд ч хүн төрөлхтөн өөрсдийн болчимгүй, мэдлэггүй үйлдлээс үүдэлтэй үйлийн үрийнхээ үр дагаврыг амсаж, зовлон эдэлсээр ирсэн, эдэлж байгаа, мөн эдлэх ч болно. Эдгээр гамшгийн заримыг ХАМГААС ХҮЧИРХЭГ ГУРВАЛ багасгаж юм уу бүр арилгаж чадна. Том гамшиг багасаж, жижиг гамшиг бүр багасаж, эсвэл огт байхгүй болно. Гэхдээ бид Бурханы Сэрэмжлүүлгийг хүлээн авахын тулд цаг заваа зарцуулж, Орчлон ертөнцийн нууцыг эрэлхийлэн, ойлгох, судлах, мөн өөрсдийгөө ариусгах гэж уйгагүй хөдөлмөрлөсөн бүх далдыг харагч, зөнчдөд талархъя.Бурханы Сэрэмжлүүлэг үргэлж Оройн Дээдээс ирдэггүй. Учир нь Оройн Дээдэд ихэнх хүн хүрч чаддаггүй. Хүмүүс клиник үхэлд орохдоо Эзэн Есүс, эсвэл Будда, Бодисадва, Гэгээнтэн Мэргэд гэж нэрлэдэг хүмүүсээ харсан байж болох юм.Photo Caption: Бүгд Тус Бүрдээ Хийх Зүйлээ Хийдэг
