ӨДӨР ТУТМЫН МЭДЭЭ-ний гол тойм – 2026 оны 4-р сарын 8

Филиппин улс батлан хамгаалах түншлэлээ өргөжүүлж буй энэ үед Францтай нутаг дэвсгэрүүддээ харилцан хамтарсан цэргийн сургуулилт хийхийг зөвшөөрсөн зочлон байрлах хүчний хэлэлцээрт гарын үсэг зурлаа. (Reuters)

ЕХ [Европын Холбоо]-ны гадаад бодлогын тэргүүн Кажа Каллас [Нигерийн] Лагост Нигерийн ерөнхийлөгч Бола Тинубутай уулзаж, дижитал дэд бүтэц, эрүүл мэндийн үйлдвэрлэл, хөдөө аж ахуй, шилжилт хөдөлгөөний удирдлагыг дэмжих Нигерт зориулсан 290 сая еврогийн Глобал Гэйтвэй хөрөнгө оруулалтын багцыг зарлах үеэр ЕХ аюулгүй байдал, худалдаа, хөрөнгө оруулалт болон стратегийн ач холбогдолтой түүхий эдийн чиглэлээр Нигеритэй түншлэлээ гүнзгийрүүлэхээ амлалаа. (DMarket Forces)

Куба улс Ариун долоо хоногийн өршөөлөөр 2,000 гаруй хоригдлыг суллав. Тэдний дунд залуус, эмэгтэйчүүд, ахмад настнууд болон зарим гадаадын иргэн багтсан, харин ноцтой гэмт хэрэгтнүүдийг хамруулаагүй гэж албаныхан мэдэгдсэн байна. (Fox News)

Тайпейн Нийгмийн ажилтны эвлэлийн шинэ судалгаагаар Тайвань (Формоса)-ийн нийгмийн ажилтнуудын бараг 80 хувь нь дунд зэргийн туйлдалт, өндөр түвшний стресс, сэтгэлийн шарх, сэтгэл гутралтай байгааг тогтоож, үүний улмаас үйлдвэрчний эвлэлүүд болон хууль тогтоогчид үнэлгээний тогтолцоог шинэчлэх, ажиллах хүчийг нэмэгдүүлэх, тэргүүн шугамын ажилтнуудын сэтгэцийн эрүүл мэнд, хөдөлмөрийн аюулгүй байдлын хамгаалалтыг бэхжүүлэхийг засгийн газарт уриалав. (Taipei Times)

Малайз улс дэлхийн эрчим хүчний хямрал хүндэрч буйтай холбоотойгоор өрхүүдийг шатахууны үнийн өсөлтөөс хамгаалах арга хэмжээний хүрээнд 4-р сарын 15-наас төрийн алба, хуулиар байгуулагдсан байгууллага, төртэй холбоотой компанийн бүх ажилтныг гэрээсээ ажиллах горимд шилжүүлнэ гэж мэдэгдлээ. (The Nation Thailand)

BBC Travel 2026 онд ганцаараа аялж буй эмэгтэйчүүдэд хамгийн тохиромжтой чиглэлүүдээр Эстони, Норвег, Коста Рика, Ау Лак (Вьетнам), Уругвай улсуудыг дэлхийн аюулгүй байдал, эмэгтэйчүүдийн аюулгүй байдлын индексүүдэд тулгуурлан нэрлэжээ. (Euronews)

Зүрх судасны өвчний урьдчилан сэргийлэх эмч Франческо Ло Монако зүрхний өвчнөөс ихэнхдээ сэргийлэх боломжтойг анхааруулав. Тэрээр судсыг гэмтээж, зүрх судасны эрсдэлийг нэмэгдүүлдэг хүнсний гурван үндсэн ангиллыг огт хэрэглэдэггүй. Эхнийх нь амьтан-хүний гаралтай боловсруулсан махан бүтээгдэхүүн (гахайн утсан мах, хиам, хэрчсэн махан бүтээгдэхүүн) Эдгээрт цусны даралтыг ихэсгэдэг давс, мөн “муу” БНЛ [бага нягтралт липопротеин] холестериныг нэмэгдүүлдэг ханасан өөх тос их байдаг. Хоёрдугаарт, тэрээр бэлэн хоол, боловсруулсан зуушнаас зайлсхийдэг. Учир нь эдгээр нь ихэвчлэн натри, ханасан өөх тос, танихад бэрх найрлага ихээр агуулдаг юм. Гуравдугаарт, сахар ихтэй ундааг бүрэн хасах хэрэгтэй. Учир нь сахараас үүсэх шингэн илчлэг амархан анзаарагддаггүй ч зүрхний өвчний эрсдэлийг мэдэгдэхүйц нэмэгдүүлдэг. Тэрээр давсны оронд ургамал, амтлагчаар амталсан ногоо, жимс, буурцагт ургамал, самар, механик аргаар нэг удаа шахаж гаргасан чидуны тосыг түлхүү хэрэглэхийг онцгойлон зөвлөж байна. Тэрээр зүрхээ урт хугацаанд эрүүл байлгахын тулд бүхнийг нэг шөнийн дотор өөрчлөхөөс илүүтэй алгуур, тогтвортой өөрчлөлтийг чухалчилдаг. (Mirror)

Бүгд Найрамдах Ардчилсан Конго Улс 2022 онд анх зарласан сармагчны цэцэг өвчний нийтийн эрүүл мэндийн онцгой байдлыг дуусгавар болгосноо зарлалаа. Албаныхан дэгдэлт хяналтад орсон гэж мэдээлсэн ч олон мянган тохиолдол, 2,200 гаруй нас баралт бүртгэгдсэн тул сонор сэрэмжээ хадгалахыг уриалсан байна. (Báo Tin tức)

Тогтмол бус цагт өлсөх нь биологийн цаг, даавар, эсвэл амьдралын хэв маяг алдагдсаны дохио юм. Мэргэжилтнүүд зөрүүтэй цагт хоолны дуршил хүрэхийг нойр дутуу байдал, маш их стресс, уураг дутагдсантай холбон үздэг. Шингэний дутагдал болон хиймэл чихэрлэг бодисууд ч тархины өлсгөлөнгийн дохиог будилуулдаг ажээ. Эдгээр өдөөгч хүчин зүйлсийг таньж мэдэх нь бодисын солилцооны эрүүл мэндээ хадгалах, жин нэмэхэд хүргэдэг яаруу идэх зуршлаас зайлсхийхэд нэн чухал юм. (Lao Động)

[Шинэ Зеланд]-ийн Окландын Их Сургуулийн судалгаагаар нярайд түгээмэл хэрэглэдэг өвчин намдаагч эмүүд өмнө нь эмээж байснаас илүү аюулгүй гэдэг нь батлагдлаа. Бараг 4,000 нярайг хамарсан энэхүү томоохон туршилтаар парацетамол, ибупрофен нь эхний жилд экзем болон амьсгалын доод замын вируст халдварын эрсдэлийг нэмэгдүүлдэггүй нь тогтоогджээ. Эдгээр үр дүн нь бага насны хүүхдийн халууралт, өвдөлтийн стандарт эмчилгээг хэрэглэж буй эцэг эхчүүдэд томоохон итгэл өгч байна. (SciTech Daily)

Санта Анагийн хүчтэй салхи АНУ-ын Калифорни мужийн Лос-Анжелес болон Риверсайд тойрогт хурдтай тархаж буй хоёр ой хээрийн түймрийг дэвэргэж, 13,000 оршин суугчийг нүүлгэн шилжүүлэхэд хүргэлээ. Аюултай, хуурай цаг агаар үргэлжилсээр байгаа тул гал сөнөөгчид түймрүүдтэй эрчимтэй тэмцэж байна. (Daily Mail)

Ой хээрийн түймрийн улмаас үүссэн асар их PM2.5 [2.5 микрометрээс жижиг тоосонцор]-ын бохирдол Тайландын хойд хэсгийг бүрхэж, нэг сайн дурын гал сөнөөгч туйлдсаны улмаас амиа алджээ. Хорт утаан манан нийтийн эрүүл мэндэд заналхийлж, аялал жуулчлалд саад учруулж байгаа тул эрх баригчид иргэдийг хамгаалахаар агаар шүүх системтэй хэдэн зуун цэвэр агаарын хоргодох байрыг ажиллуулж эхэллээ. (VietnamPlus)

Энэ Улаан өндөгний баярын амралтын өдрүүдэд Дэйв шуурга Их Британийн хойд нутагт цагт 145 километрийн хурдтай салхи, цасан шуурга, аминд аюултай нөхцөл авчирч буйтай холбогдуулан Их Британийн Цаг уурын алба улбар шар түвшний сэрэмжлүүлэг гаргав. Төмөр зам, авто зам, агаарын болон усан онгоцны тээвэрт ноцтой саатал үүсэх төлөвтэй байна. (Daily Mail)

Мөрдөн шалгалтаар худалдаачид хамар дээрээ эвэрт шувуу-ард, гиббон мич-ардууд, Жавагийн коукал-ардууд зэрэг хамгаалалттай зэрлэг амьтан-хүмүүсийг ил тод арилжиж байсныг илрүүлсний дараа сошиал сүлжээний фейсбүүк платформ Индонезийн есөн бүлгийг хаалаа. [Индонези]-ийн Богор гэрийн тэжээвэр амьтан-хүний дэлгүүр хууль бусаар барьж авсан амьтан-ардуудыг сурталчлахын тулд фейсбүүк, УотсАпп мессежийн апп, Токопедиа цахим худалдааны платформыг ашиглаж байсан нь ил болжээ. (Mongabay)

Узбекистан улс шинэ хуулиар агаарын бохирдлын зөрчилд ногдуулах торгуулийг нэмэгдүүлж, байгаль орчны гэмт хэрэгт холбогдох захиргааны болон эрүүгийн хариуцлагыг чангатган, хэрэгжилтийг хангах зорилгоор нотлох баримт цуглуулахад автомат зураг, дүрс бичлэгийн системийн хэрэглээг өргөжүүлэхийн зэрэгцээ өндөр нөлөөтэй үйлдвэрүүдийг бодит цагийн ялгарлын хяналтын систем суурилуулахыг шаардлаа. (Kun.uz)

Дэлхийн хамгийн том технологийн конгломератуудын нэг болох Хятадын Tенсент компани асран хамгаалагч нь эзгүй үед амьтан-иргэдийг тайван байлгахаар тэжээвэр амьтан-хүмүүст тохирсон өнгө, хөдөлгөөн, дуу авиаг санал болгодог, муур- болон нохой-ардуудад зориулсан 24 цагийн “PetTV” стриминг сувгийг нээсэн байна. (Taipei Times)

“The Namu Recommends Vegan Market” арга хэмжээ [Энэтхэгийн] Бенгалуру хотод зохион байгуулагдаж хоол хүнс, хувцас загвар, эрүүл мэнд болон бусад салбарыг хамарсан 130 гаруй веган, тогтвортой брэндийг ухамсартай хэрэглэгчидтэй холболоо. Энэхүү арга хэмжээ нь хамтын хөгжлийг дэмжихийн зэрэгцээ Энэтхэгт веган амьдралын хэв маягийг хэрэгжүүлэхүйц өдөр тутмын сонголт болгон таниулж байна. (Your Story)

Зуны веган зуслангууд АНУ, Канад даяар өргөжин, хүүхдүүдэд зориулсан веган хөтөлбөрүүдийг санал болгож байна. Эдгээр зуслангууд нь гадаах үйл ажиллагааг байгаль орчны боловсролтой хослуулан, амьтан-хүний гаралгүй тогтвортой хоолоор дамжуулан ёс зүйн үнэт зүйлсийг бэхжүүлж байна. (Charlottesville Today)

Францын тогооч Лионель Рудо (веган) төмс холин уламжлалт зөөлөн бүтэц гаргасан веган Улаан өндөгний баярын бриошийг танилцууллаа. Цитрусын үнэртэй, сүлжмэл титэм хэлбэртэй энэ бүтээгдэхүүн Францын уламжлалт амтыг алдагдуулахгүйгээр амьтан-хүний гаралгүй баярын гол зоогийг санал болгож байна. (Plant Based News)

АНУ-ын Өмнөд Каролина мужийн иргэн Крисси Элдер 25 удаагийн зүрхний мэс заслыг давсныхаа дараа КОВИД цар тахлын үеэр Forgotten, Now Family Rescue байгууллагыг үүсгэн байгуулжээ. Энэ ашгийн бус байгууллага жил бүр АНУ-ын өмнөд бүс дэх эмзэг нөхцөлтэй олон мянган нохой-хүнийг аварч, хувийн тэсвэр тэвчээрийг амьтан-хүмүүсийн төлөөх өмгөөлөл болгон хувиргаж байна. (FOX8)

Филиппиний Манила хотыг чиглэсэн нислэгээр эмнэлгийн бага хуралд явж байсан найман эмч гурван цагийн турш тасралтгүй яаралтай тусламж үзүүлэн, нэгэн зорчигчийн амийг аврав. Нислэгийн дундуур зүрх нь зогссон өвчтөнд эмчилгээг уялдуулан зохион байгуулсан эмч нар тэр эмэгтэйн биеийн байдлыг тогтворжуулж, газардахаас өмнө ухаан оруулсан байна. (The Chosun Daily)

АНУ-ын Нью Жерси мужийн замын цагдаа нар Интерстэйт 78 хурдны замын дагуу даарч чичирсэн, хаягдсан бамбаруушийг “баривчилжээ.” Замын хажуугийн шуудуунаас жижиг төрөлтнийг аварсны дараа алба хаагчид түүнийг зохих асаргаанд өгөхөөр зэрлэг амьтны мэргэжилтнүүдэд шилжүүлсэн байна. (Fox News)

Өдрийн урам зориг хайрласан эшлэл: “Амар амгалан, төвлөрсөн, бусдад хор хүргэхэд чиглээгүй бодол сэтгэл орчлон дахь ямар ч биеийн хүчнээс илүү хүчтэй.” – Боловсролын доктор Уэйн Дайер Америкийн өөртөө туслах чиглэлээр бичдэг зохиолч, урам зориг өгөгч илтгэгч (BrainyQuote)

Өмнө нь Стив Бойлсын клиник үхэлд орсон явдлын 1, 2-р хэсгүүдэд Стив КОВИД-оор хүндээр өвдөж, түүнийг эмнэлгийн аргаар комд оруулсан байхад нь эхнэр Кэти нь гэрээсээ өдөр бүр түүний төлөө залбирч байсныг өгүүлсэн. Стивийн ярьснаар түүний хамгаалагч сахиусан тэнгэр Марзука түүнийг Диваажинд аваачиж, тэнд дотнын хүмүүстэй нь уулзуулсны дараа хаан ширээний танхимд оруулсан ба Эзэн Есүс Христ (цагаан хоолтон) түүнд “Чи зүгээр болно.” гэж хэлсэн байдаг.

Хаан ширээний танхимаас гарахын өмнө Стив Марзукагаас сахиусан тэнгэр яагаад өвдөглөсөн атлаа өөрийг нь урагш түлхсэнийг асуужээ. Тэрээр “Би Эзэнд үйлчилдэг. Би Түүний өмнө бөхийдөг. Учир нь Тэр бол миний Эзэн.” гэсэн. Тэрээр “Чи гэр бүлийнх нь учраас урагш очих эрхтэй. Бурхан чамайг хайрладаг. Чи Түүний гэр бүл учраас бөхийх шаардлагагүй.” гэж хэлсэн. Яг л өөрийн гэсэн хүүхдүүдтэй хүн хүүхдүүдээ өвөр дээрээ суулгах, эсвэл өөртэй нь ярихаас өмнө мөлхөж ир гэж шаарддаггүйтэй адил юм. Үгүй, тэд шууд дөхөж очоод ярьж эхэлдэг. Бурхан ч мөн адил. Бурхан танаас Өөрийнхөө өмнө бөхөлзөж, өвдөглөж, мөлхөж ирэхийг шаарддаггүй. Бурхан таныг хайрладаг. Тэр таныг Өөр дээрээ ирээсэй гэж хүсдэг. Ердөө л тэгэх хэрэгтэй.

Стив эцэст нь ойролцоогоор гурван долоо хоногийн дараа хоолойдоо гуурстай байсан чигээрээ комоос сэрэхэд Кэти хажууд нь хүлээж байжээ. Тэрээр нийт 45 хоног амьсгалын аппаратад байсан байна. Эмнэлэгт хэвтсэн нийт хугацаа нь гурван сар хагас болсон байв. Тэрээр уушгины хатгалгаа, бөөрний дутагдал, фентанилын хэрэглээнээс татгалзах гэсэн гурван дайралттай тулгарч, үүнийг зургаан долоо хоногийн турш судсаар дусал тариа тариулж зогсоожээ. Энэ нь аюултай бөгөөд зовуурьтай явдал байлаа.

Тэгтэл гэнэт хаанаас ч юм надад маш тод нэг дуу хоолой сонсогдсон. Тэр “Нүдээ Над дээр тогтоо.” гэж хэлсэн. Надтай ярьсан хүн Есүс байсан гэдгийг би мэдэж байлаа. Тэр надад анхаарлаа төвлөрүүлж, харцаа Өөр дээрээ байлга гэж хэлж байв. Тэгээд тэр нь намайг толгойд минь өрнөж байна гэж бодсон бүхнээс шууд сэрээсэн. Тэгээд би өөрөөсөө, мэдэрч байсан бүх зүйлээсээ, туулж байсан бүхнээсээ анхаарлаа салгасан. Өөр аргаар хийж чадахгүй байсан учраас би сэтгэлдээ Бурханд мөргөл үйлдэж эхэлсэн. Би Есүст талархаж эхэлсэн. Би Есүсийг магтан алдаршуулж эхэлсэн. Тэгээд би үүнийг маш удаан үргэлжлүүлсэн. Би Есүсийн хэлснээр Түүн дээр анхаарлаа төвлөрүүлээгүй бол үхэх байсан байх. Учир нь “би үхэх гэж байна.” гэсэн тэр мэдрэмжид зүгээр л бууж өгөх байсан.

Стивийн хэлснээр Диваажингийн тухай дурсамжууд нь сэргээн засах эмчилгээний үеэр аажмаар, дарааллаараа биш ч эргэн ирсэн бөгөөд тэнд өнгөрүүлсэн бүтэн гурван долоо хоногоо одоо ч бүрэн санаагүй байж магадгүй ажээ. Гэхдээ тэрээр дурсамжаас ч цааш энэхүү явдал өөрийг нь асар их өөрчилж, сүнслэг мэдрэмжийг нь улам дээшлүүлэн, Диваажин ба мөнхийн тухай үлдэхүйц захиас үлдээсэн гэж ярилаа.

Би аливааг илүү мэдэрдэг болсон гэж боддог. Миний мэдрэмтгий байдал эрс нэмэгдсэн. Тэгээд миний сүнслэг мэдрэмж хавьгүй дээшилсэн гэж боддог. Учир нь Кэти надад гэрийг хамгаалахаар сахиусан тэнгэрүүд илгээсэн гэж хэлэхэд нь би “Тийм ээ, мэднэ. Би тэднийг хардаг.” гэж хэлсэн. Би Марзукаг ч харсан. Хэд хэдэн удаа замаар явж байхад минь нэг машин миний эгнээ рүү орж ирж байсан. Тэгээд тэр машин энэ чигээрээ явбал намайг мөргөнө гэдгийг би мэдэж байлаа. Би өөр тийш зайлах газар байгаа эсэхийг ч мэдэхгүй байв. Марзука тэр машиныг нөгөө эгнээ рүү түлхэж байгааг харсан. Ийм зүйл хоёр удаа тохиолдсон. Хоёр дахь удаад тэр машиныг замаас зайлуулчхаад над руу шууд хараад “Хар даа, би энд чамайг харж хамгаалж байна.” гэж байгаа мэт байсан. Тэгээд дараа нь алга болсон. Би, за, үүнийг төсөөлөөгүй юм байна гэж бодсон. Энэ бол миний харж байсан хамгийн бодит зүйлсийн нэг байв.

Сүүлийн үед миний хамгийн дуртай эшлэл бол 1 Коринтын 2:9–10. Үндсэндээ тэнд ямар ч нүд Бурханы бүх гайхамшгийг үзээгүй, ямар ч чих сонсоогүй гэж өгүүлдэг. Ихэнх хүн 9-р эшлэл дээр зогсдог. Харин 10-р эшлэлд үндсэндээ “Гэхдээ Тэрээр Өөрийг нь хайрладаг хүмүүст Ариун Сүнсээрээ дамжуулан тэдгээрийг илчилдэг.” гэж байдаг. Тэгээд надад яг ийм зүйл тохиолдсон мэт санагддаг. Миний хувьд өөр нэг зүйл гэвэл Диваажин бол бидний гэр юм. Библи биднийг элч төлөөлөгч нар гэж нэрлэдэг. Хэрэв бид элч төлөөлөгч нар юм бол аль газраас ирснээ бага ч атугай мэддэг байх ёстой байх. Тиймээс магадгүй бид Диваажинд юу байгаа, биднийг хүлээж байгаа сайн зүйлсийн талаар илүү их бодож эхлэх хэрэгтэй. Учир нь энэ дэлхий бол түр зуурын газар. Энэ бол Диваажин руу явах замд маань байгаа зүгээр нэг түр зогсоол. Тиймээс хүмүүс энэ бол мөнх биш гэдгийг ойлгох хэрэгтэй. Энэ байдал үүрд үргэлжлэхгүй. Харин сүнс тань нэг бол энд, эсвэл тэнд амьдрах сонголттой болно. Сүнс тань үхэхгүй. Тиймээс сүнсэндээ тэрхүү сонголтыг өгөх ёстой. Та нэг бол тамд мөнхөд амьдарч болно, эсвэл Диваажинд мөнхөд амьдарч болно. Диваажинд хүрэх цорын ганц зам бол Есүсийн цусыг хүлээн авч, Түүний цус болон авралаар бүрхэгдэх явдал юм. Тэгэхээр миний хувьд гол утга нь энэ. Танд сонголт бий, тэр сонголт таных. Бурхан “Би чамд сонголт өгч байна. Амьдралыг сонго.” гэж хэлсэн. (Shaun Tabatt)