ӨДӨР ТУТМЫН МЭДЭЭ-ний гол тойм – 2025 оны 9-р сарын 3

АНУ-ын ерөнхийлөгч Трампын элч Стив Уиткофф [АНУ-ын] Нью-Йорк хотод Украин (Урейн)-ы удирдагчидтай уулзаж, НҮБ-аас яаралтай арга хэмжээ авахыг, Оросын эсрэг хориг арга хэмжээг чангатгахыг уриалж буй түүний дипломат үйл ажиллагааг магтан сайшаалаа. (Фокс Ньюс)

АНУ-ын Төлөөлөгчдийн танхим дахь Бүгд найрамдах намынхан дайнтай холбоотой хуудаснуудаар Израилын эсрэг болон Оросын талыг баримтлагч үзлийг түгээн дэлгэрүүлсэн гадаадтай холбоотой редакторуудын зөрчлийн дагуу Wikipedia цахим нэвтэрхий толь бичгийг шалгаж байна. (Нью-Йорк Пост)

АНУ-ын Ерөнхийлөгч Трамп шинэ зарлиг гаргаж, холбооны барилгуудын үндсэн хэв маягийг сонгодог архитектуртай болгохоор шийдвэрлэв. Энэ нь үзэмж, үндэстний онцлог, эх оронч үзлийг сэргээх зорилготой гэжээ. (Фокс Ньюс)

Сенат дахь Бүгд найрамдахчууд Ерөнхийлөгч Трампын Үндэсний гвардийг гэмт хэргийн гаралт ихтэй хот, мужуудад илгээх төлөвлөгөөг дэмжиж байгаа бөгөөд зарим нь тэднийг өөрсдийн мужид байршуулахад бэлэн байна. (Фокс Ньюс)

АНУ-ын Хууль зүйн Яам Хойд Каролинагийн шоронгуудад сонсголын бэрхшээлтэй, дүлий хоригдлуудад илүү сайн дэмжлэг үзүүлэх талаар тохиролцоонд хүрэв. Үүнд хоригдлуудад тусгай хэрэгсэл олгох, шоронгийн ажилчдыг сургалтад хамруулах зэрэг багтжээ. ##(АНУ-ын Хууль зүйн Яам)

АНУ-ын хамба лам Роберт Баррон Миннеаполис хотын дарга, [Ардчилсан намын] Жэйкоб Фрейг шашны мөргөлийн үеэр католик шашны сургуульд халдлага гарч, хоёр хүүхдийн амийг хөнөөсөн хэргийн дараа залбирлын уриалгаас татгалзсаныг хатуу шүүмжиллээ. (Нью-Йорк Пост)

Шинээр ил болгоод буй АНУ-ын баримт бичгүүдээс харвал Байдены үеийн Холбооны мөрдөх товчооны захирал, [Ардчилсан намын] Жэймс Коми 2017 онд Колумбын Их Сургуулийн профессор Даниел Ричманаар дамжуулан нууц мэдээллийг задруулж, хэвлэл мэдээллийн уур амьсгалыг Трампын эсрэг бий болгохыг оролджээ. Энэ нь хууль тогтоомжийг хоёр янзаар хэрэгжүүлдэг гэх болгоомжлолыг нэмэгдүүлэв. Учир нь Трампын гэрийг 2022 онд нэгжсэн бол Байдены албан тушаалтнууд мэдээлэл задруулсан, мөн бусад хууль бус үйлдлийнхээ төлөө ямар ч хариуцлага хүлээгээгүй хэвээр байна. (Доктор Стив Турлей)

Дижитал эрин үед шилжсэнээр шуудангийн хэмжээ 90%-иар буурсан тул Дани улс захидал илгээхээ 2025 оны эцэс гэхэд зогсооно. (Нэг ногоон гараг)

Польшийн Агаарын цэргийн хүчний F-16 онгоц [Польшийн] Радом хотод агаарын шоуны сургуулилтын үеэр осолдож, нисгэгч нь амиа алдан, тус улсын армийг цочирдууллаа. Ослын шалтгааныг мөрдөн шалгаж байна. (Ройтерс)

Мэргэжилтнүүд хулууг эрүүл веган хооллолтод оруулахыг зөвлөлөө. Долоо хоногт 100-200 грамм хулууг уураар жигнэж, чанаж эсвэл шөл хийн идэх нь хараа, зүрхний эрүүл мэндийг сайжруулж, бүдүүн гэдэс, элэгний хорт хавдрын эрсдэлийг бууруулдаг ажээ. Үүний бета-каротин, лютеин нь хөгшрөлтийн эсрэг тэмцэж, эсийг хамгаалдаг бөгөөд энэхүү өнгөлөг ногоог ургамлын гаралтай хамгаалалтыг авах амттай арга болгодог. (Радио 247)

Судалгаанаас үзэхэд улаан чавга (жүжүбэ) нь мэдрэлийг тайвшруулж, нойрыг сайжруулан, С, В амин дэм, төмрөөр эрүүл цусыг дэмждэг ургамлын ашигтай нэгдлүүдийг агуулдаг. Шөнийн цагаар 5-7 хатаасан улаан чавгыг цагаан гаатай буцалгаж тайвшруулах цай болгон уугаарай. Гэхдээ цусан дахь сахарын түвшнийг нэмэгдүүлэхээс сэргийлж өдөрт 3–5 бүтэн улаан чавганаас хэтрүүлэхгүй байх нь дээр. (Радио 247)

Хоол тэжээлийн мэргэжилтнүүд улаан лооль нь хүчтэй антиоксидант болох ликопин агуулдаг тул түрүү булчирхай, уушги, хөхний хорт хавдраас хамгаалдаг гэж үздэг. А, С амин дэм, калигаар баялаг тул цусны даралтыг тогтворжуулж, арьсыг өнгөлөг болгоно. Эрүүл, веган хооллолтын нэг хэсэг болгон долоо хоног бүр түүхийгээр нь, чанаж, эсвэл шүүс болгон чидуны тос юм уу авокадотой хамт зооглоорой. (Радио 247)

Филиппиний эрүүл мэндийн ажилтнууд 2025 онд гар, хөл, амны өвчний 40,000 орчим тохиолдол бүртгэсэн бөгөөд 1-3 насны хүүхдүүд хамгийн их өвчилсөн байна. (Inquirer.net)

Дэлхийн Эрүүл Мэндийн Байгууллага [ДЭМБ] дэлхийн хэмжээнд холерын дэгдэлт улам даамжирч, мөргөлдөөн, үер, эрүүл ахуйн шаардлага хангаагүйгээс болж 31 улсад 4700 гаруй хүн нас бараад байгааг анхаарууллаа. (VTV.vn)

Нигерийн Замфара мужид аюулгүй байдал, эрүүл мэндийн тусламж үйлчилгээний хүртээмжгүй нөхцөлөөс болж холерын дэгдэлтийн улмаас дор хаяж 8 хүн нас барж, 200 хүн халдвар авсан байна. (VTV.vn)

Орос улсад Шри Ланка яваад буцаж ирсэн эрэгтэйд чикунгунья халуурах өвчний зөөвөрлөгдөн ирсэн анхны тохиолдол бүртгэгдсэн ч албаныхан орон нутгийн шумуулаар тархах эрсдэл бага гэж үзэж байна. (VOH)

[Ау Лак (Вьетнам)-ын] Бак Нинь аймагт нэгэн эрэгтэй гахайн толгойн мах идсэний улмаас амь насанд аюултай менингит [тархины хаван] тусаж, үхэх дөхжээ. (VnExpress)

Испанид 2025 онд 380,000 гаруй га талбай шатаж, хээрийн түймэр бүртгэгдсэнээс хойших хамгийн аймшигтай улирал болж байна. (DW; Euronews)

[АНУ-ын Аляска мужийн] Жунау дахь Менденхолл мөсөн голын үер 2025 онд өмнө байгаагүй түвшинд хүрсэн нь дэлхийн хэмжээнд олон сая хүнд нөлөөлж буй мөстлөгийн үерийн эрсдэлийн нэг хэсэг юм. (Space.com)

[Австралийн] Алловэйд хурдан тархсан түймэр 100 га газрыг хамарч, гал сөнөөгчид болон нисдэг тэрэгнүүд Бундабергийн ойролцоо гал түймэртэй тэмцлээ. (The Courier Mail)

Францын эрдэмтэд Атлантын далайгаас 3300 гаруй цацраг идэвхт хог хаягдлыг олж илрүүлжээ. 1946-1990 онуудад Европын орнуудын хаясан 200,000 орчим цацраг идэвхт хог хаягдлын нэг хэсэг нь далайн экосистемд нэвчиж, улмаар амьтан-хүмүүсийг иддэг хүмүүст хүрч болзошгүй гэсэн болгоомжлолыг төрүүлж байна. (Uniladtech)

Африкт хийсэн судалгаагаар халуун орны ойт хээрийн заан-хүмүүс дохио зангаа зэрэг биеийн хөдөлгөөнөөр харилцдаг нь зөвхөн хүн төрөлхтөнд байдаг гэж үзэж байсан зүйлийг заан ч эзэмшдэг болохыг тогтоов.(Earth.com)

Сингапурын Sapient компани хүний ​​тархийг загварчилсан шинэ хиймэл оюун ухаан [ХОУ]-ыг бүтээжээ. Энэ нь ChatGPT гэх мэт том хэмжээний хэлний загваруудыг бодоход илүү сайн ажиллаж, бага өгөгдөл ашигладаг юм байна. (Live Science)

[АНУ-ын] Калифорнийн Их Сургууль, Лос Анжелесийн судлаачид сая сая компьютерын тооцооллын оронд орон зайн модулятор, лазерыг ашиглан бараг ямар ч эрчим хүч зарцуулдаггүй хиймэл оюун ухаан [ХОУ]-ы дүрс зургийн шинэ системийг боловсруулан, уламжлалт загвар шиг чанартай сайн дүрсийг гаргаж авлаа. (TechXplore)

АНУ-ын тамирчин (веган) Бриттани Биллингс саяхан Флорида мужид болсон пауэрлифтингийн Тампа нээлттэй тэмцээнд оролцож 2 алтан медаль хүртэн, Индиана муж улсын 2 дээд амжилтыг тогтоов. (The Journal Gazette)

ИБУИНВУ-ын хэт холын зайн гүйгч Дэмиан Холл (веган) 2025 оны Lakeland 100 тэсвэр тэвчээрийн уралдаанд түрүүлж, 170+ км замыг хориос доош цагийн дотор хүнд хэцүү нөхцөлд туулж дуусгасан байна. (Ургамалд суурилсан мэдээ)

Энэтхэгийн веган компани Vezlay Foods улс даяар супермаркет, зочид буудлуудад зарагддаг шар буурцагт суурилсан амттай бүтээгдэхүүнээрээ Оддын олон улсын жижиг дунд үйлдвэрлэлийн форумаас “2025 оны шилдэг ургамлын гаралтай хүнсний бүтээгдэхүүн”-ээр шалгарлаа. (Tribune India)

[АНУ-ыг] Трои амьтныг аврах төв болон орон нутгийн цагдаа нар ойд хаягдсан 26 нохой-хүнийг аварчээ. (WDHN)

Мэн арлын гал унтраах алба гацсан Рэгги нэртэй нохой-хүнийг Дуглас голын эгц далангийн ёроолоос аварсан байна. (3FM Мэн арал)

[Ау Лак (Вьетнам)-ын] Хошимин хотын орон сууцны хамгаалалтын ажилтан Так Кань Там орон сууцны нэгж рүү төөрч орсон энэтхэг тогос шувуу-хүнийг аварч, зэрлэг амьтан-хүний албаныханд хүлээлгэн өгчээ. (ВьетнамНет)

[Ау Лак (Вьетнам)-ын] Хүн Йэнь аймагт замын цагдаа нар ховор тохиолддог улаан царайтай сармагчин-хүнийг нэг айлаас аварч, ойн төвд хүргэн, асарч, суллуулахаар буцаан өгөв. (ФУ НҮ ВЬЕТ НАМ)

Америк эмээ Мэри Жо [Мажо] Пеннингтон өөрийн бяцхан ач охин Викториягийн клиник үхэлд орж, Бурхан болон (цагаан хоолтон) Эзэн Есүстэй учирсан ер бусын тохиолдлын тухай өгүүлжээ.

Дөрвөн настайдаа Виктория өвөө, эмээгийнхээ гэрт хачирхалтайгаар унасан байна. Эмээ Мажо нь олон жилийн дараа анх удаа усан сангийн гулсуур руу авирч, Виктория араас нь дагав. Виктория хурдан дагаж явсан боловч Мажогийн өвдөг санамсаргүй байдлаар хүчгүй болж, түүнийг 2,7 метрийн өндрөөс бетон руу түлхээд унагачихжээ. Мажо “Бурхан минь, би хүүхдээ бэртээчихлээ!” гэж хашхирав.

Түүний өвөө инженер Дон Викториягийн бие агаарт 180 градус эргэлдэж, гулсуураас 1,8 метрийн зайд нуруу, тохой, гар дээрээ зөөлөн буухыг харсан байна. Виктория босоод “Өвөө, би зүгээр ээ.” хэмээн тайвнаар хэлжээ. Тохой нь зулгарсан, алган дээр нь улаан толбо байсныг эс тооцвол тэрээр ямар ч гэмтэлгүй байлаа. Дон гайхаж, энэ бол логикийг зөрчсөн гэж хэлжээ.

Хожим нь Виктория ээжтэйгээ утсаар ярихдаа “Ээж ээ, би бэртээгүй ээ. Мажо намайг гулсуур дээрээс унагахад би Бурхан “Тэр хүүхдийг авраарай, Викторияг бариарай.”' гэж хашхирахыг сонссон. Зургаан том, томоос том сахиулсан тэнгэр намайг барьж аваад Диваажинд аваачсан.” гэв.

Гялалзсан цагаан нөмрөг, далавчтай, дулаан гялалзсан гартай, гэрэлтсэн сахиулсан тэнгэрүүд түүнийг мод, шувуу, онгоцноос дээш дэлхийг жижиг бөмбөг болон харагдтал өргөсөн гэж Виктория дүрсэлжээ. Тэд оддын цаадах шатаар дээш өгсөхөд сахиулсан тэнгэрүүд Диваажин руу орж, гарч байлаа. Нэг сахиулсан тэнгэр өдөөрөө хаалгыг гижигдэх үед хаалга инээн онгойж, Виктория нарнаас ч илүү гэрэлтдэг гайхалтай газар руу оржээ.

Нэг сахиулсан тэнгэр түүнд “нялхсын газар” буюу зөөлөн ширээ бүхий том үзэсгэлэнтэй барилгыг үзүүлэв. Энд Есүс болон сахиулсан тэнгэрүүд өөдөсхөн хүүхдүүдтэй, тэр дундаа үр хөндүүлсэн хүүхдүүдтэй ажиллан, сэтгэл, сүнсийг нь бүрэн бүтэн болгон эдгээдэг ажээ. Эдгээр нялх хүүхдүүд өчүүхэн жижиг ч хүний ​​оюуны чадамж, хүч чадлыг бүрэн олж авсан байлаа. Виктория хэт эрт зулбасан нэг хүүхэд болон хогийн саванд хаягдсан нэг хүүхдийг цэцэрлэг дэх имж тайтгаруулж байхыг харав. Тэрээр найман хүү, найман охинтой уулзсан бөгөөд тэдний зарим нь үр хөндөлтөд өртсөн, зарим нь нас барахад хэт балчир байжээ. Майкл хэмээх нэг хүү автомашины ослоор амиа алдаж, дараа нь Викторияг өөрийн шарил дээр аваачин, ослын нарийн ширийн, сонинд нийтлэгдээгүй мэдээллийг яг таг тайлбарласан байна.

Виктория Диваажинд байнга очдог байв. Тэрээр дээшээ хараад Бурхан болон Эзэн Есүсийг харж чаддаг ч тоглохын тулд харцаа хандуулдаггүй гэж ярьжээ. Тэр Бурханы өвөр дээр суугаад Езекиелийн үзэгдэлд гардаг олон нүд, далавч бүхий амьд төрөлтнүүдийг болон сахалтай арсланг харсан байна. Нялхсын газарт тэрээр хамаатан садантайгаа уулзаж, Мажогийн үр хөндүүлсэн хүүг танин, түүнийг “Мажогийн хөөрхөн, хөөрхөн хүү” гэж нэрлэсэн нь Мажогийн 35 гаруй жил хэнд ч хэлээгүй нууц байсан юм. Энэ илчлэл нь Мажог уучлал гуйхад хүргэсэн байна. Хожим нь Мажо хүүгээ зүүдэндээ Эзэн Есүсийн хайр, өршөөлийг бэлгэддэг час улаан алчуураар ороолттой байдалтайгаар харжээ.

Виктория Илчлэл судрын Хурганы хуримын зоогт зориулсан юм шиг хуримын том бялууг, мөн [Ариун Библийн] 133-р дуулал дээр гардаг шиг сахалтай “Тэнгэрийн эзэн” сүмүүд рүү тос дусааж байхыг бас харсан байна. Диваажин дахь нялх хүүхдүүд Эзэн Есүсийн амьдрал, цовдлуулалт, амилалт зэргийг тэнгэрийн том дэлгэцээр харж, өршөөл, мөргөлийн талаар суралцаж байв. Виктория өвөрмөц Аялгуу сонсож, өсвөр насны хүү Эзэн Есүстэй хамт ая зохиож байхыг, алтан тоосоор эвдэрсэн хөгжмийн зэмсгийг засаж байхыг харжээ. Тэрээр Илчлэл сударт өгүүлдэг шиг Болор Тэнгис дээр бүжиглэж, Мессиагийн синагог дээр хожим нь мэддэг болсон еврей дуунуудыг дуулсан байна.

Виктория долоон настайдаа Бурхан өөрийг нь номлогч болгохоор дэлхий рүү дахин илгээсэн гэж ярьжээ. Түүний үнэн зөв мэдээлэл, нуугдмал илчлэлүүдэд сэтгэл нь хөдөлсөн гэрийнхэн нь түүнд тохиолдсон явдлууд жинхэнэ гайхамшиг гэдэгт итгэдэг. (Сид Ротын Энэ бол ер бус!)

Өдрийн ухаалаг эшлэл: “Өөртөө дурласан хүнд өрсөлдөгч байхгүй.” — Эрхэмсэг ноён Бенжамин Франклин (цагаан хоолтон)