గురువుగారి ఆత్మీయ సమావేశాలు ఒక నక్క-వ్యక్తితో & మాపా మరియు బుద్ధ రాజులతో ఆమె సమావేశం, 11 యొక్క 10 వ భాగం

చూడండి, నాకు ఆనందాన్నిచ్చే చాలా విషయాలు ఒకరకంగా బంధించబడి ఉన్నాయి. దాన్ని తాకడానికి, అన్‌లాక్ చేయడానికి, లేదా ఆస్వాదించడానికి నాకు అనుమతి లేదు. నేను మీకు ఇప్పుడే, అరగంట క్రితం, ఈ ఆడియోలో చెప్పాను. అంతేకాకుండా, నా కంటికి కనిపించే పక్షి- మరియు ఉడుత-మనుషులకు – అంటే ఏ జంతు-మనుషులకైనా – ఆహారం పెట్టడానికి నాకు అనుమతి లేదు. ఎందుకంటే అదే నాకు ఆనందాన్ని, సంతోషాన్ని కూడా ఇస్తుంది. కానీ కొన్నిసార్లు నేను అస్సలు పట్టించుకోను; నేను వాళ్ళ కోసం దొంగచాటుగా ఏదో బయటకు తీశాను, వాళ్ళు తిన్నారు. మరియు వేడిగా ఉన్నప్పుడు నేను వారికి నీళ్ళు ఇచ్చాను. నీళ్ళు లేవు. వాగులన్నీ ఇప్పటికే ఎండిపోయాయి. అందుకే నేను దొంగచాటుగా కొంచెం నీళ్ళు బయటకు తీశాను. నేను ఇక అడగను. “అవసరమైతే నన్ను శిక్షించండి అని నేను అన్నాను. నేను ఇప్పటికీ వాటికి నీళ్ళు ఇస్తున్నాను, అంతే సంగతి.” అయితే, అది నాకు ఏమాత్రం లెక్క కాదు. అది నాకు ఏమాత్రం ఓదార్పునివ్వదు. బహుశా ఒక మిల్లీమీటర్ మాత్రమే, ఎందుకంటే నేను వాటికి ఆహారం ఇవ్వలేకపోయాను. కొన్నిసార్లు నే కూడా సాకులు చెబుతుంటాను. నే, “ఇది కేవలం మిగిలిపోయింది,” అని అంటాను. కాబట్టి అలా పారేయడంలో తప్పులేదు.” లేకపోతే, నాకు అధికారికంగా సంతోషాన్ని కలిగించే ఏ పనీ చేయడానికి అనుమతి లేదు.

ఓ దేవుడా, ఈ రోజుల్లో నేను మీకు ఇలాంటి కొన్ని విషయాల గురించి చెప్తున్నాను. నేమీకు వారి గురించి ఇంతకు ముందు చెప్పలేదు. ఒకవేళ మీరు మాస్టర్ అవ్వాలనుకుంటే, మీకు కూడా తెలియడం కోసమే ఇది. దాని గురించి ఆలోచించండి. చాలా కాలం క్రితం, నా మిషన్ దాదాపు ప్రారంభంలోనే, మొదటి నుండి, నేను కొన్ని సంవత్సరాల క్రితం మొదలుపెట్టిన ఆ రోజుల్లోనే, ఒక గురువుకు త్యాగపూరిత జీవితం ఎంత బాధాకరంగా ఉంటుందో, నాకు అప్పటికే తెలుసు. కాబట్టి ఆ సమయంలో, ఒక గురువుగా ఉంటూ, ఇవన్నీ బోధించడం అనేది ఏ మానవుడూ భరించలేనంత భారమని భావించి, నేను ఆ ఉపదేశాన్ని తొలగించాను. నేను మొదట చాలా సంకోచించాను, కానీ చివరికి దాన్ని చింపేశాను, ఎందుకంటే ఇకపై ఏ ప్రాణీ యజమానిగా బాధపడటం నాకు ఇష్టం లేదు.

మనుషులలో బుద్ధుడు, దేవుడు ఉన్నారని, వాళ్ళు తమను తాము చూసుకోగలరని నేను అనుకున్నాను. మరియు వారు ఇప్పటికే ఆచార్యులు అందించిన ఎన్నో ఉపన్యాసాలు, ఎన్నో సూత్రాలు, ఎన్నో గ్రంథాలను తెలుసుకోవాలి. వారు ఎందుకు చదువుకుని సాధన చేయరు? కేవలం కొంత పుణ్యం సంపాదించడం కోసం, బలిపీఠంపై ఉన్న బుద్ధునికి, చెక్క బుద్ధునికి పువ్వులు, పండ్లు లేదా మరేదైనా ఇచ్చి లంచం ఇవ్వడం, బుద్ధుని శరీరంపై ఒక బంగారు రేకును కూడా ఉంచడం వంటి వాటికి బదులుగా దీనిని ఆచరించండి. అయ్యో దేవుడా! బుద్ధ విగ్రహాలు దేనికోసం ఉన్నాయని మీరు అనుకుంటున్నారు? మీరు వారికి లంచం ఇవ్వాలనుకుంటున్నారా? మీరు మీ హృదయంలో బుద్ధుడిని నిజంగా గౌరవించి, విశ్వసిస్తే, మీరు ఆయనకు ఏమీ ఇవ్వనవసరం లేదు. మీరు క్వాన్ యిన్ బోధిసత్వునికి ఏమీ ఇవ్వనవసరం లేదు. మీరు ఏ బోధిసత్వునికి గానీ, ఏ బుద్ధులకు గానీ ఏమీ ఇవ్వనవసరం లేదు. మీరు యేసు క్రీస్తుకు గానీ లేదా ఏ గురువుకు గానీ దేనితోనూ లంచం ఇవ్వనవసరం లేదు. వారికి ఏమీ అవసరం లేదు. కానీ వారికి ఒక విషయం మాత్రం కావాలి: మీరు జ్ఞానోదయం పొందాలి, అప్పుడే మీరు బాధల నుండి విముక్తి పొంది, నరకానికి చాలా, చాలా, చాలా దూరంగా ఉండగలరు. వారికి కావలసింది అదే.

కాబట్టి, మీరు ఒక గురువును పొంది, నిజమైన జ్ఞానోదయం పొందగలిగితే, అది మీరు బుద్ధులకు, ఏసుక్రీస్తుకు, మరియు గత, వర్తమాన, భవిష్యత్తులోని ఇతర పుణ్యాత్ములందరికీ ఇవ్వగల అత్యుత్తమ బహుమతి, గొప్ప బహుమతి అవుతుంది. మీరు మీ గత తరాల వారిని ఎందరినో కాపాడటమే కాకుండా, భవిష్యత్ తరాలను కూడా ఆశీర్వదించగలరని చెప్పనవసరం లేదు. మరియు మీ యోగ్యతతో ప్రపంచాన్ని కూడా ఆశీర్వదించండి, ఎందుకంటే మీరు ప్రపంచ ప్రజలతో కలిసి పనిచేస్తారు. మీరు ఉత్పత్తులను కలిపి ఉపయోగిస్తారు. మీరు అదే ప్రపంచంలో ఉన్నారు. మీరు పీల్చే గాలి ఒకటే, తినే ఆహారం ఒకటే, ఉపయోగించే సౌకర్యవంతమైన వస్తువులు అవే. కాబట్టి మీరు నిజంగా అత్యంత జ్ఞానోదయం పొందినవారైతే, మీకు తెలిసినా తెలియకపోయినా, వారికి తెలిసినా తెలియకపోయినా, మీరు వారందరికీ సహాయం చేస్తారు. విశ్వంలో అలాగే ఉంటుంది. మీరు బైబిల్ అంతా చదివినా, లేదా గురువుగారు మాట్లాడటం విన్నా, ఇది కూడా అలాంటిదేనని మీకు తెలుస్తుంది. ఒక్క వ్యక్తికి జ్ఞానోదయం కలిగితే – కనీసం తొమ్మిది తరాలు కూడా నరకం నుండి విముక్తి పొంది, రక్షించబడతాయి. కాబట్టి, మీ ప్రియమైనవారు క్షేమంగా ఉన్నారా, ఆధ్యాత్మికంగా మంచి స్థితిలో ఉన్నారా లేదా అనేది మీపై ఆధారపడి ఉంటుంది.

ఇక నా పని అయిపోయిందని అనుకుంటు న్నాను. పొద్దున్నే మొదలైనప్పటి నుండి రాత్రి 10 గంటల వరకు, పని చేస్తూనే మధ్యలో కొద్దిగా ఆహారం తీసుకోవడం తప్ప, రోజంతా నాన్-స్టాప్ గా పని చేయడం వల్ల నేను కొంచెం అలసిపోయాను. లేకపోతే, నేను పని చేస్తూనే ఉంటే, తినడానికి సమయం ఉండదు. కొన్ని రోజులు అలా ఉంటాయి. ఇప్పుడు నేను మీకు వీడ్కోలు చెప్పాలనుకుంటున్నాను, అంటే భౌతికంగా. ఆధ్యాత్మికంగా మనం ఎల్లప్పుడూ కలిసే ఉంటాము. అందుకే, నేను ఇప్పుడు కొంచెం అలసిపోయాను. నేను కాసేపు విశ్రాంతి తీసుకుంటాను, ఆ తర్వాత పని కొనసాగించాలి. ఎందుకంటే నిన్న దేవుడిని కలుసుకోవడం కోసం నేను ముందుగానే పని ఆపేశాను, అందుకే పని పేరుకుపోయింది. ఆ తర్వాత నా పనిని మరింత సమర్థవంతంగా చేయడానికి, నేను కాసేపు విశ్రాంతి తీసుకోవాలి.

దేవుడు మీ అందరినీ ఆశీర్వదించుగాక, దేవుడు మీ అందరినీ ప్రేమించుగాక, మరియు దేవుడు మీ అందరినీ రక్షించుగాక. మన ప్రపంచం సురక్షితంగా ఉండాలి. ప్రజలు తమ వైఖరిని మార్చుకుని, తాము మరలా దైవ స్వరూపులమని గుర్తించుదురు గాక, ఎందుకంటే మనం దేవుని నుండి వచ్చాము. కనీసం మనలోనైనా దైవాంశ కొంతైనా ఉండాలి. మీరు ఒక బిడ్డకు జన్మనిచ్చినా కూడా, ఆ బిడ్డలో మీలోని కొంత భాగం, మీ వంశంలోని కొంత భాగం, మీ డీఎన్ఏలోని కొంత భాగం, మీ స్వభావంలోని కొంత భాగం ఉంటాయి. అలాగైతే, దేవుడే మనకు జన్మనిస్తే ఇంకెంత గొప్పగా ఉండేది? మనకు మరియు ఈ ప్రపంచంలోని ఈ సృష్టి అంతటికీ జన్మనిచ్చిన దేవుడు ఒక్కడే లేకపోతే, అవి ఎక్కడి నుండి వచ్చాయని మీరు అనుకుంటున్నారు? అవి శూన్యం నుండి ఉద్భవించలేవు. కూరగాయలు కొంత నీటితో, మరికొన్ని ఇతర మూలకాలతో తయారవుతాయని మీరు చెప్పినా సరే, అసలు వీటన్నింటినీ మొదట ఎవరు సృష్టిస్తారు? కాబట్టి దేవుడు మనకు జన్మనిచ్చాడంటే, మనలో ఏదో ఒక దైవిక గుణం తప్పక ఉంటుంది – మనం దానిని గుర్తించినా, గుర్తించకపోయినా, ఎందుకంటే మనకు విషం పెట్టబడింది, మనల్ని మత్తుమందులతో మరుగయ్యేలా చేశారు. కానీ దానివల్ల ఆ గుణం కోల్పోయినట్లు కాదు.

ఉదాహరణకు, ఒక యువరాజు నిజంగా రాజవంశానికి చెందినవాడై, రాజభవనంలో జన్మించినప్పటికీ, అతన్ని అపహరించి వేరొక బిడ్డతో మార్చేశారనుకోండి. కానీ రక్త సంబంధం ప్రకారం అతను రాజు కుమారుడే, మరియు అతని రక్త వర్గం కూడా రాజు రక్త వర్గమే. ఈ రోజుల్లో వాళ్ళు దాన్ని నిరూపించగలరు, చూశారా? కాబట్టి మన సాధారణ మానవ జీవితంలో కూడా, మన తల్లిదండ్రులతో ఒకే రక్త సంబంధాన్ని కలిగి ఉండవచ్చు. సర్వోన్నతుని నుండి వచ్చిన దేవుని వంశాన్ని మనం ఎలా కాదనగలం? దాని గురించి ఆలోచించుకోవడానికి నేను మీకు సమయం ఇస్తాను, మీరు ఎవరో మీకు మీరే గుర్తుచేసుకుని, దేవుని బిడ్డగా మీ ఆధ్యాత్మిక రాజవంశపు స్థానానికి తిరిగి రావడానికి ప్రయత్నించండి. మీరు ఎంత గొప్పగా ఉండగలరు? మీరు దేవుని ఆస్థానపు రాకుమారుడు. మీరు సర్వలోకాలచే గౌరవించబడే యువరాజు. మీరు గొప్పవారు, కాబట్టి ఇతరులను కూడా గౌరవించండి. వారికి దీక్ష ఇవ్వకపోయినా, అది వారి నష్టమే. కానీ వారిలో దేవుడు ఉన్నాడని మనకు తెలుసు. వారిలో ఆత్మ ఉంది. బుద్ధుడు చెప్పినట్లుగా, వారిలో బుద్ధ స్వభావం ఉంది.

సరే, ఈ విషయంతో మీ అందరికీ నా శుభాకాంక్షలు. సేవ చేసే ఈ అవకాశాన్ని ఇచ్చినందుకు దేవునికి కృతజ్ఞతలు. మీరందరూ సమృద్ధిగా ఆశీర్వదించబడాలని మరియు మీ సంపూర్ణ హృదయశుద్ధితో దేవునికి సేవ చేస్తూ ఉండాలని కోరుకుంటున్నాను. ఆమెన్. ధన్యవాదాలు, అయ్యా. నా ప్రభూ, మీకు ధన్యవాదాలు. మీరు కూడా క్షేమంగా ఉండాలని కోరుకుంటు న్నాను. మీ పిల్లలు తప్పుడు మార్గంలో వెళ్లడాన్ని చూసి మీరు ఎక్కువగా బాధపడకుండా ఉందురు గాక. వారిని నీ దగ్గరకు తిరిగి తీసుకురావడానికి నేను చేయగలిగినదంతా చేయడానికి నా శాయశక్తులా ప్రయత్నిస్తున్నాను. నేను దీన్ని వేర్వేరు పద్ధతుల్లో చేస్తున్నాను. నేను అలా కొనసాగించడానికి మీరు అనుమతిస్తారా? మీ కోసం పనిచేయడానికి మమ్మందరినీ ఆశీర్వదించండి. ఓ దేవా, పాపులందరినీ క్షమించి వారిని ఉన్నత స్థితికి తీసుకురా. ఆమెన్, అయ్యా. ఆమెన్. ఆమెన్. నా ప్రభూ, మీకు ధన్యవాదాలు. సర్వోన్నతుడైన దేవా, నీకు ధన్యవాదాలు. అత్యంత శక్తిమంతుడైన దేవా, నీకు ధన్యవాదాలు. ఓ దేవా, అత్యంత క్షమించేవాడా, అత్యంత దయగలవాడా, అత్యంత కరుణామయుడా, నీకు ధన్యవాదాలు. ధన్యవాదాలు, అయ్యా. మీరు క్షేమంగా ఉండండి. మీరు ప్రేమించబడాలి. మీరు పూజనీయులు అగుదురు గాక. మీకు స్తుతి కలుగుగాక.

Photo Caption: “వినయంగా కృతజ్ఞతలు తెలుపుతూ, దైవదత్తమైన జీవితాన్ని ఆనందించండి”

ఫోటో డౌన్లోడ్ చేయండి