Хамгаас Хүчирхэг Гурвалын Адислалын Хүч цугларалтыг амжилттай болгожээ, учир нь та бууж өгөхийн оронд Адислалын Хүч таныг удирдаж, танаар дамжин ажиллахыг та зөвшөөрсөн.

Вьетнам буюу Ау Лакаас Донг Нгигийн аулак (вьетнам) хэлээр ирүүлсэн сэтгэлийн үгийг олон хэлний хадмал орчуулгатай одоо хүргэж байна:

Хүндэт Их Багш аа, Хайрт Багшдаа хязгааргүй талархлаа ямар үгсээр илэрхийлэхээ бид мэдэхгүй байна. Буалой хар салхины гэнэтийн бөгөөд урьдчилан таамаглахын аргагүй үүслийг үл харгалзан Хуэ хотод хийсэн манай веган хоолны арга хэмжээг ер бусын гайхамшигтай амжилттай зохион байгуулсанд бид Эргэн Нэгдсэн Хамгаас Хүчирхэг Гуравт чин сэтгэлээсээ талархал илэрхийлье.

2025 оны Вьетнам-Солонгосын соёлын өдрийг тохиолдуулан бид Хуэ хотын Ардын иргэдийн хороотой хамтран Хуэ болон Ау Лак (Вьетнам)-ын соёл, аялал жуулчлал, хоолны туршлагын орчныг сурталчлах хүрээнд хоёр өдөр үргэлжилсэн веган хоолны хөтөлбөр зохион байгуулсан. Гэсэн хэдий ч, арга хэмжээний эхний өдөр гэнэт Буалой хар салхи аюултай байдлаар Хуэ руу ойртов. Шуурганаас хамгаалах бэлэн байдлыг хангах, олон нийтийн зорчих хөдөлгөөнийг хязгаарлахын тулд эрх баригчид бүх гаднах талбайн арга хэмжээг татан буулгахыг шаардсан яаралтай зааварчилгаа гаргасан. Зөвхөн манай веган хоолны буфет хэсэгт орон нутгийн удирдлагууд тусгай дэмжлэг үзүүлсэн бөгөөд тэд бидэнд олон нийтийн үйлчилгээний барилгад аюулгүй доод давхрыг олгосон бөгөөд бид ийнхүү арга хэмжээгээ шилжүүлэн үргэлжлүүлэх боломжтой болсон.

Таныхаа Ивээл дор бидний нэгдмэл хамтын ажиллагаа, чин хүсэлт мөн манай веган баатаруудын зоригтой сэтгэлийн ачаар ердөө гурван цагийн дотор бүх гадна талбайн веган арга хэмжээ бороо шороотой шуурганы дунд аюулгүй газар шилжүүлэгдсэн. Бид олон тооны Супрем Mастер Телевиз Максын дэлгэцнүүд, Таны уншсан Хамгийн Хүчирхэг Өдөр Дутмын Залбирал бүхий хязгааргүй залбирлын уншлага дамжуулж буй төхөөрөмжүүд, мөн танхимыг бүхэлд нь цацарсан гэрлээр гэрэлтүүлдэг Их Багшийн зохион бүтээсэн 30 Тэнгэрлэг Дэнлүүг суурилуулсан. Гайхамшигтайгаар, арга хэмжээний энэ хоёр өдөр, буфетний цаг болох бүрт олон тооны зочид салхи, бороог үл ажран баяр хөөр, догдлол дүүрэн нэгдсэн. Албаныхан болон зохион байгуулагчдын төсөөлж байснаас ч илүү танхим дүүрсэн байв.

Арга хэмжээ дуусахад бид, хар салхи чиглэлээ өөрчилж, урьдчилсан мэдээтэй харьцуулахад хүч нь хавьгүй суларсан гэсэн мэдээ хүлээн авсан. Ийм яаралтай нөхцөл байдалд сүнслэг дадлаа хөгжүүлэх, хариу үйлдэл үзүүлэх, сайжруулах үнэт боломжийг бидэнд бэлдсэнд Их Багш Тандаа талархаж байна. Бид бүгд Таны хүчирхэг Адислалын хүчийг гүн гүнзгий мэдэрсэн. Ажлын багийн нэг хичээнгүй эгч тэр өдөр манай веган арга хэмжээ болсон барилга дээр гайхамшигтай, хүчтэй мөн гялалзсан өндөр Гэрлэн Багана цутган бууж байхыг харсан гэж хуваалцсан. Энэ нь зөвхөн Та л байж чадна гэдгийг бид мэднэ — бүх зүйл Танаар зохицуулагдаж, адислагдаж, хамгаалагдсан. Бид Танд мөнхийн талархал, магтаалаа өргөж байна! Ау Лак (Вьетнам)-аас Донг Нги

Үнэнч Донг Нги болон танай багынханд, Та бүхний веган арга хэмжээ гайхамшигтай өрнөсөн тухай сонсоод бид үнэхээр их баяртай байна. Их Багш танд зриулсан талархлын үгсээ хүргэж байна:

“Чин сэтгэлт Донг Нги болон танай багынханд, та бүхэнд Бурханы үнэнч шавь нар байсанд мөн хүнд хэцүү нөхцөлд ч гэсэн та эрхэм зорилготой хөтөлбөрөө бууж өгөлгүй үргэлжлүүлсэнд баярлалаа. Хүнд нөхцөл байдалд ч танд ямар боломж олгож байгааг та анзаарсан нь сайн хэрэг. Энэ дэлхий хуурмаг боловч энэ нь тодорхой зорилготой байдаг ба хатуу, сорилттой нөхцөл нь бидний зүрх сэтгэл, оюун ухаанд үнэхээр юу байгааг харах боломжийг олгодог. Тиймээс цаг агаарыг үл харгалзан олон хүн гарч ирсэн нь та болон арга хэмжээг зохион байгуулсан бусад хүмүүс чин сэтгэлтэй, цэвэр сэтгэлтэй мөн шантрашгүй байсан учраас юм. Хамгаас Хүчирхэг Гурвалын Адислалын Хүч цугларалтыг амжилттай болгожээ, учир нь та бууж өгөхийн оронд Адислалын Хүч таныг удирдаж, танаар дамжин ажиллахыг та зөвшөөрсөн. Бид Бурханд бууж өгөх үед ямар гайхамшгууд боломжтой байдгыг та харжээ. Та болон Ау Лак (Вьетнам)-ын хөгжилтэй ард түмэн өдөр тутмын амьдралдаа Бурханлаг урам зоригоор бялхаж байх болтугай. Миний Хайр Таныг үргэлж жинхэнэ Өөр рүү тань хөтөлдөг.”