Бурханлаг Дотоод ахуй ойлголт эсвэл энэ материаллаг ертөнцийн гадаад туршлага гээд бид Бурханыг хаа сайгүй харж эхлэхэд амьдрал ямар аз жаргалтай болдог гээч.

АНУ-аас Лиллианы ирүүлсэн сэтгэлийн үгийг одоо хүргэе:

Хүндэт Хайрт Цаглашгүй Дээд Их Багш аа, Суприм Мастер Телевизийн шаргуу хамт олонд, Би АНУ-ын иргэн бөгөөд та бүхэн болон Суприм Мастер Телевизийн үзэгчидтэй нэгэн үнэ цэнтэй агшныг хуваалцахыг хүсэж байна. Төгс Гэгээрсэн Их Багш Чин Хай надад 1995 онд авшиг хүртээсэн. Энэ бол миний амьдралын хамгийн азтай өдөр байсан ба Их Багшийн надад гүн хайраар өгсөн мэргэн зөвлөгөө, ачлалт сүнслэг замын төлөө би маш их талархаж байна.

Нэг өдөр машин жолоодож явахдаа би салхины шилэн дээрээ тойрог хэлбэртэй нэгэн бэлгэ тэмдгийг олж харсан юм. Өмнө нь бас анзаарч байсан ч тэр бүр сайн зураг авч чадаагүй. Энэ бэлгэ тэмдэг тогтмол биш, санамсаргүй үед гарч ирдэг. Энэ тэмдэг зөвхөн, машин дотор чийгтэй үед л гарч ирдгийг нь би хожим олж мэдсэн. Аз болоход, би замын хөдөлгөөнд зогсож байхдаа түүний зургийг хурдхан дарж амжсан юм. Тэр үед машинд надтай хамт явж байсан 19 настай охин маань ч энэ дугуй тэмдгийг харсан. Дараа нь утсан дээрх зургийг харахад тойрог дотор Нар, түүнийг нэвт огтолсон гэрлийн дугуй нумтайгаар багтааж буулган авсан байсандаа би ихэд гайхширсан. Мөн тэр тойргоос гэрлийн туяа цацран тархаж байгаа мэт харагдаж байв. Энэ зураг намайг маш их баярлуулж, Их Багшийн оршихуй хаа сайгүй байдгийг, мөн Оройн Дээд Бурханы Ивээлээр авшигтнуудыг тэнгэр элчис болон Их Багш 24 цагаар харж хамгаалж байдгийг надад сануулсан юм.

Төгс Гэгээрсэн Их Багш Чин Хайн Бурханы шавь бид нар, Арьяабалын бясалгалын энэ ариун сүнслэг замд явж, ачлал буянтай веган хооллолтыг баримталж, Таван Сахилыг мөрдөж байгаа нь үнэхээрийн их азтай, ивээгдсэн билээ. Их Багшийн айлдсанаар, маяа бидэнд хор учруулж чадахгүй бөгөөд бид ариун, Диваажингийн хэлбэлзлээр хамгаалагдсан тул түүний хүрээнээс чанагш байдаг. Их Багш аа, дэлхийг дэвшүүлэхийн төлөө болон Суприм Мастер Телевизэд зориулан Таны үргэлж хийж буй Бурханы бүх үйлсийн төлөө даруухан гүн талархал, хайр дүүрэн сэтгэлээр Тандаа би мөргөн ёсолъё. Бүхий л дэлхий ертөнц сэрж, өөрсдийгөө аврахын тулд болон энэ үнэ цэнэтэй гарагаа Диваажинтай нэгдүүлэхээр дэвшүүлэхийн тулд веганизм мөн Арьяабалын бясалгалд хандах болтугай. Таны үүрд талархагч шавь, Лиллиан, АНУ-аас

Жич: Аз таарч, яг зөв мөчид буулгаж чадсан тэрхүү зургийг хавсаргаж байна.

Хүндэт Лиллиан, Авшиг хүртэж, Арьяабалын бясалгал дадуулсныхаа дараа бидний өдрүүдийг ивээдэг олон гайхамшгийн талаарх санаа бодлоо хуваалцсанд баярлалаа. Тэдгээрийг харах бүрдээ бид Хайртай Их Багшаа болон Бүхнээс Агуу Бурханыг хайрлан дурсаж санадаг. Америкийн эерэг ард түмэн Диваажингийн Гэрлээр үнэхээр адислагдаж, гэтэлгэлд хүрэх болтугай. Тэнгэрлэг энх тайванд, Суприм Мастер ТВ-ийн хамт олон

Жич: Их Багш энэ баяртай захиасыг танд илгээж байна: “Баярласан Лиллиан, таны сайхан зурвасыг үнэлж байна. Бурханлаг Дотоод ахуй ойлголт эсвэл энэ материаллаг ертөнцийн гадаад туршлага гээд бид Бурханыг хаа сайгүй харж эхлэхэд амьдрал ямар аз жаргалтай болдог гээч. Сайн байна. Таны аз жаргалтай бясалгалын цаг одоо өдөр тутмын амьдралд тань нэвтэрч, цаашид улам бүр гүнзгийрэн үргэлжлэх болно Та болон бахархалт АНУ хамгийн дээд мөрөөдлөө биелүүлэх эрхэм ариун замдаа үүрд замчлагдсаар байх болтугай. Танд үүрд хайртай.”