Өө Их Багш аа, сүр жавхлантай, гайхалтай шүлгүүдээ хуваалцсан Танд баярлалаа. Тэдгээр нь Таны Ивээлээр гэрэлтдэг.

Францаас Ромигийн франц хэлээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Эрхэм Хайрт Оройн Дээд Их Багш, Орчлонгийн Аврагч, мөн Суприм Мастер Телевизийн нийт хамт олонд мэндчилж байна. Таны гайхалтай Урлагын ертөнцөөр аялахуй: хөтөлбөрийн шоу нэвтрүүлгүүд, “Төгс Гэгээрсэн Их Багш Чин Хай (веган)-н дуу, хөгжим, яруу найраг, бүтээлүүд, ялангуяа “Эртний Хайр”-ын олон хэсэгт цувралын 18-р хэсэг надад маш их таалагддаг. Энэ надад гүнзгий сэтгэгдэл төрүүлсэн. Энэ бол гайхалтай, сэтгэл татам шоу нэвтрүүлэг юм. Би үүнийг олон удаа үзсэн. Шидэт дагинасын бүжиг, үзэсгэлэнтэй дуу, сайхан хөгжим намайг алс холын аялалд аваачдаг. Энэ шүлэг – Үгс нь зөөлөн урсаж, зүрхний минь судал бүрт нэвчин орж, гүн гүнзгий дурсамжийг сэргээж байна. Үүнийг үзэх бүрд нүдэнд минь нулимс цийлгэнэдэг.

“...Бүх хаант улсыг захирч байна гэж зүүдлэх түр зуурын мөрөөдлөөс Цайз, бэхлэлтүүд нуран унаж, гуниг ийнхүү шилжин дамжжээ. Харамсалтай нь, энхрий хайр нь түргэн, ширүүн салхи, салан задрах үүлсийн завсарт уусан алга болж, Алс, холын намрын толгод дээр хэврэг цэцэгс хатан, гандаж байв. Нэгэн цагт чи надад хайртай байсан, Залуу нас, гоо сайхнаа амттайгаар хуваалцсан, одоо бүх зүйл хоосон. Мөнхийн зүүднээс аажмаар сэрсэн Гэнэт гэрэлтэн, бидний жинхэнэ мөн чанарыг дахин нээсэн.”

Амьдрал нь гайхалтай хуурмаг, гоё зүүд эсэхээс үл хамааран түр зуурын хэвээр үлддэг. Бүх зүйл цагийн эрхэнд үгүй болдог. Романтик шүлэг нь өнгөрсөн цаг үеийг ч эдгээх чадвартай нэгэн төрлийн эмчилгээ байж болно гэж би хэзээ ч бодож байгаагүй.

Өө Их Багш аа, сүр жавхлантай, гайхалтай шүлгүүдээ хуваалцсан Танд баярлалаа. Тэдгээр нь Таны Ивээлээр гэрэлтдэг. Шүлгийн мөр бүр нь рашааны ундарга мэт, зөөлнөөр ухамсарт минь нэвчин, мөнхийн хайрын зам мөр дээр сүнсийг минь сэрээнэ. Одоо, Их Багш аа, би Таны энгүй Адислалд амьдарч байгаадаа маш их баяртай байна, Бурханы Хайр болон Их Багшийн Хайр миний чихэнд цуурайтаж байна. Бүх талархал, хайр энэрэл, энхрийллийнхээ хамт. Францаас Роми

Хайрлам Роми, Хайрт Их Багшийн маань гүн бодолтой, хүчирхэг яруу найрагт хариу болгон мэдрэмж, сэтгэлээ илэрхийлсэнд тань баярлалаа. Их Багшийн бүтээлч чадвар бол бид бүгдэд соёрхсон бэлэг юм. Та болон уран бүтээлч Франц улс ямагт Тэнгэрээс урам зориг авах болтугай. Сансрын гайхамшгаар, Суприм Мастер ТВ-ийн хамт олон

Жич: Их Багшийн энэ хариу зөвхөн танд зориулагдлаа: “Таны захидлыг уншихад үнэхээр сэтгэл хөдөлгөм байна, уяхан-сэтгэлт Роми. Энэ шүлгийнхээ гүн мэдрэмжийг хуваалцсанд баярлалаа. Та романтик үг хэллэг, яруу найрагчийн сэтгэлгээгээр бичжээ. Энэхүү хуурмаг бодит байдлын хатуу ширүүн байдал нь бүх сүнсэнд зарим үед маш хэцүү, өвдөлттэй байж болно. Бүх оршихуй, мэргэн ухаан, Аз жаргалын ганц эх сурвалж болох Оройн Дээд Бурханыг л зөвхөн танин мэдэх замаар, манай дэлхийд амар амгалан оршиж, Түүний бүтээлийн гоо сайхантай нэгдэж, бидний Бурханлаг зорилго жинхэнэ утгаараа бодит болно. Үүнгүйгээр бид маяагийн-хуурамч намагт төөрсөн хэвээр үлдэнэ. Таны эдгэрсэн зүрх сэтгэлд би баяртай байна. Та болон уран яруу Франц ард түмэн жижигхэн зүйлсээс баяр баяслыг олж– навчин дээрх нарны гэрэл, эрвээхэй, тоглон наадах амьтан-хүмүүсийг ажиглан– бүх амьд оршихуйг Орчлонгийн жаргалд энэрэн тэтгэх болтугай. Танд үүрд Хайртай.”