Хүн төрөлхтөнд өөрчлөгдөхөд нь зориулж энэ цаг үед асар их ач Ивээл өгөгдсөн бөгөөд бид зайлшгүй өөрчлөгдөх ёстой, ингэснээр бидний дэлхий байх ёстой байсан веган диваажин болж хувирах болно.

Малайзаас Мохсиний малай хэлээр илгээсэн сэтгэлийн үгийг одоо хүргэе:

Эрхэм Хамгаас Хайрт Их Багш аа, Диваажин миний Их Багшийг үргэлж, харж хамгаалаан, анхаарал тавиасай гэж би залбирдаг. Олон жилийн өмнө би Тантай учрахаасаа өмнө Тора, Библи, Коран судар ... уншсан. Тэд бүгд зүгээр л зааварчилгаа, зам заасан зүйл гэдгийг би ойлгосон. Гэвч тэдний зааж буй Гэрэл нь өөр газар буюу – илүү эртний, илүү гүн, нэргүй газар – хүмүүс хэнийх нь зөв, буруу гэж маргахгүй, зүгээр л сонсох гэж толгойгоо бөхийлгөдөг газар.

Тэр цагаас хойш би дотоод руугаа хандаж мөн биеэ цэвэрлэсэн. Цээжин дотор минь цусны хурц үнэртэй хоол идэх болгонд үргэлж хөдөлж сэргэдэг энергийн бүс газар байдаг гэдгийг би ухаарсан. Энэ нь бие махбодын харшлийн урвалтай холбоотой биш, харин миний сүнс үүнийг хүлээн авч чадахгүй байсан учраас юм. Би чимээгүйхэн өөрийгөө бусад амьд төрөлтнүүдтэй харьцуулан зүйрлэв. Би хоол боловсруулах фермент, шүдний хэлбэр, ходоодны хүчил, мэдрэлийн системийг харьцуулж үзээд хүмүүс үхсэн цогцосыг идэхээр бүтээгдээгүй гэдгийг ойлгосон. Тэгээд би амьтан-хүний мах, загас, өндөг, үнээ-хүний сүү, зөгийн балыг хасч... зөвхөн хүнсний ногоо, цэвэр ус хэрэглэж эхэлмэгц, урьд өмнө нь хэзээ ч мэдэрч байгаагүй тайвшрал, амар амгаланг мэдэрсэн. Дараа нь би Тантай учирч, Арьяабалын бясалгалыг сурсан. Сүүлийн үед би Суприм Мастер ТВ-ийг дагаж, илүү хэрэгтэй ойлголт, мэдлэгийг олж авч байна.

Эрдэмтэд уур амьсгалын өөрчлөлтийн талаар маргалдах үед, олон хүн чулуужсан түлшийг буруутгадаг. Гэвч амьтан-хүний аж ахуйн салбар гол буруутан нь гэдэг үнэнийг хэлж зүрхлэх, зоригтой хүн ховор, цөөхөн байдаг. Хүн төрөлхтөн байгаль орчны есөн хил хязгаарын долоог нь хэтрүүлэн давсан. Хэрэв бид 2026 оноос өмнө эрс өөрчлөлт хийхгүй бол Дэлхий эргэж буцах боломжгүй шат руу орох болно. Хүмүүс – угтаа, байгалиас заяаснаараа – ургамлан тэжээлтэн. Хэрэв бид байгалийн жам ёс руугаа эргэн буцвал цар тахал, устал мөхөл, ой хээрийн түймэр, далайн түвшин нэмэгдэх, өлсгөлөн, үер, мөс хайлах зэрэг бүх томоохон гамшгаас зайлсхийж чадна. Хүн төрөлхтөн амьдралын хэв маягаа өөрчлөхгүй л бол юу ч өөрчлөгдөхгүй.

Оройн Дээд Бурхан Их Багшаар дамжуулан бидэнд амьд үлдэх цорын ганц замыг зааж өгсөн: хүн төрөлхтний 96% нь веган амьдралын хэв маягт шилжих ёстой. Энэ бол үнэхээр хэцүү гэдгийг би ойлгож байна. Учир нь хүн төрөлхтөн тоо томшгүй олон үл үзэгдэх утсаар холбогдсон байдаг – соёл, уламжлал, итгэл үнэмшил, тэр ч байтугай ... хоол хүнсээр хүртэл. Гэвч Их Багш Та хайр болон хүн төрөлхтний авралын төлөөх тууштай тэмцлийг удирдаж байна. Таны талд байгаа минь нэр төрийн хэрэг бөгөөд гүнээ талархаж байна. Малайзаас Мохсин

Зарчимч Мохсин, сэтгэлийн үгээ илэрхийлсэнд баярлалаа.

Их Багш өөрийн зүрх сэтгэлээс танд дараах захиасыг хуваалцаж байна: “Ухамсарт Мохсин, надтай ижил Гэгээрлийн замаар хамт алхаж, тууштай, тогтвортойгоор урагшилж байгаад нь баярлалаа. Та бол Бурханаас заяасан оюун ухаанаа ашиглаж, Диваажингийн замыг таньж мэдсэн, Амьдралын Мөн Чанар болон Бурханы хүслийн дагуу хэрхэн амьдрах ёстой талаар ухаалаг дүгнэлтэд хүрсэн гүн гүнзгий сэтгэгч юм. Таны дурдсан үл үзэгдэх утсыг таслах нь тийм ч амар зүйл биш юм; гэсэн хэдий ч үүнийг хийх ёстой. Хүн төрөлхтөнд өөрчлөгдөхөд нь зориулж энэ цаг үед асар их ач Ивээл өгөгдсөн бөгөөд бид зайлшгүй өөрчлөгдөх ёстой, ингэснээр бидний дэлхий байх ёстой байсан веган диваажин болж хувирах болно. Хэрэв бид хамтдаа үүнийг хийж чадвал, бид хувь хүний түвшинд болон хамтдаа бидний төсөөлөхийн аргагүй тийм гүн гүнзгий өөрчлөлтийг мэдрэх болно. Энэ нь Бурханы хүслийн дагуу биелэх болтугай! Танд болон Малайзын сүнслэг ард түмэнд өдөр бүр Диваажингийн Адислал бууж байхыг хүсэн ерөөе. Хайртай, хайртай.”