Хүчирхийллийг сонгосны сөрөг үр дагавар болон тайван веган амьдралыг дагаснаар ямар эерэг үр дагавар, шагналтай болохыг энд маш сайн сануулж байна.

Хятадаас Мин-Ю-гийн мандарин хятад хэлээр ирүүлсэн сэтгэлийн үгийг одоо хүргэе:

Хайрт Төгс Гэгээрсэн Их Багш Чин Хай, Суприм Мастер ТВ-ийн багт, Би Арьяабалын бясалгалын дараа саяхны дотоод ахуй ойлголтын үеэр харсан өргөлт болон шүүлтийг хуваалцахыг хүсэж байна.

Дотоод ахуй ойлголтдоо би тэнгэрт зогсоод, газрыг дээрээс нь ширтэж байсан. Гэнэт би хурдтай унаж, мөн хүмүүс над шиг хаа сайгүй бөөн бөөнөөрөө унаж байхыг харлаа. Удалгүй бүгд далайн эрэг дээр буусан, тэрхүү эрэг бүхэлдээ хүмүүсээр дүүрсэн бөгөөд нүдээр харж чадах алс хол хүртэл үргэлжилж байв. Яг тэр мөчид шороо тоос татуулсан догшин салхи олны зүгт хүчтэй үлээсэн. Салхи өнгөрсний дараа тэдэнд янз бүрийн өөрчлөлт гарсан. Зарим нь тоос болж үлээгдээд, хийсэж алга болов. Далай улаан болж хувирав; аварга том давлагаа босож, хүчтэйгээр эрэг рүү чиглэв. Хүмүүс сандран ухарч гүйлдсэн боловч давлагаа тэднийг гүйцэж, олны дээрээс нөмрөн унаж цохисон. Далайн давлагаа намдан, эргэж татрахад олон хүн далай руу урсгагдан одов.

Тэгтэл нэгэн дуу хоолой надад ийн хэлэв, “Энэ бол хүмүүсийг устгадаг Тэнгэр юм. Тоос болж хийссэн (устсан) хүмүүс хамгийн их зовдог. Учир нь тэд амьд байхдаа дэндүү олон амьтан-хүнийг хөнөөсөн, эсвэл дайн өдөөхөд оролцсон, эсвэл амьтан-хүмүүсийг ашиг хонжооны төлөө үржүүлэхийг дэмжиж байсан. Тэд маш хүнд үйлийн үртэй. Тэдний сүнс салхинд сарнин бутарсан бөгөөд дараа нь тоо томшгүй олон үе өнгөртөл дахин эргэн нэгдэхгүй. Далайн давалгаанд автаж нас барсан хүмүүсийг мөн тохирох там руу илгээж, үйлийн үрийнх нь дагуу шийтгэдэг. Үлдсэн хүмүүсийн дийлэнх нь Төгс Гэгээрсэн Их Багш Чин Хайн шавь нараас гадна, Их Багшийн сургаалыг даган, веган хооллож, буян үйлдэн, залбирдаг хүмүүс юм.”

Тэнгэрээс долоон өнгийн Гэрлийн туяа цацарсан бөгөөд тэдгээрийн хэлбэр дүрс, өнгө нь Их Багшийн бүтээсэн “Тэнгэрийн гүүр 2” хэмээх С.М Тэнгэрийн үнэт эдлэлийг асар том, үлэмж хэмжээнд томруулсан мэт адилхан харагдаж байв. Долоон өнгийн Гэрлийн туяаг даган тэдгээр хүмүүс дээшээ нисэж, өөр өөр ертөнцөд үлдэхийн тулд зогссон. Олон хүнийг Их Багшийн Шинэ Ертөнцөд аваачсан. Дуу хоолой ийнхүү хэлэв, “Шинэ Ертөнц рүү явж байгаа хүмүүс бол Их Багшийн сургаалыг дагаж, чин сэтгэлээсээ наманчилан, веган хооллолтонд шилжиж, залбирч, буян үйлдсэн хүмүүс юм. Зарим нь хангалттай бясалгаж мөн Их Багшийн удирдамжийг бүрэн дагаж мөрдсөн манай авшигтнууд юм. Өөр өөр ертөнцөд үлдсэн хүмүүс, бүгд түр хугацаагаар дээд ертөнцөд очиход тохиромжгүй болгосон ямар нэг дутагдалтай байсан.

Энэ дотоод ахуй ойлголтоор дамжуулан, би бүх хүн веган байж, сайн үйлс хийснээр гэр бүлээ болон өөрсдийгөө аврахын тулд жижигхэн шураг нь байгаасай гэж залбирч байна. Төгс Гэгээрсэн Их Багш Чин Хай болон Эргэн Нэгдсэн Хамгаас Хүчирхэг Гурвын хүчин чармайлтаар Веган Дэлхий, Энх тайван Дэлхий заавал, гарцаагүй цогцолж мөн хүн төрөлтөн бие биетэйгээ болон амьтан-хүмүүстэй эв найртай амьдраасай гэж залбирч байна! Их Багшдаа аюулгүй байдал, эрүүл энхийг хүсэн ерөөе! Хамгийн Хүчирхэг Гурвалаас соёрхсон Хайр, Тусламжийн төлөө би талархаж байна. Таны Алдрыг Магтъя! Авшигтан Мин-Ю, Хятад улсаас

Ачлал буянт Мин-Ю, Дотоод ахуй ойлголтоо дүрсэлсэн сэтгэлийн үгэнд тань баярлалаа. Хүчирхийллийг сонгосны сөрөг үр дагавар болон тайван веган амьдралыг дагаснаар ямар эерэг үр дагавар, шагналтай болохыг энд маш сайн сануулж байна. Мөн хүмүүс бие биетэйгээ болон амьтан-хүмүүстэй эв найртай амьдрах цагийг бид тэсэн ядан хүлээж байна. Та болон ухаалаг Хятад улс хөгжил цэцэглэлт, аюулгүй байдлаар адислагдах болтугай, Суприм Мастер ТВ-ийн хамт олон

Жич. Их Багш хайр дүүрэн хариугаа танд зориулж байна: “Мэдлэгтэй Мин-Ю, бүх нийтийн өндөр ёс суртахуунд нийцэн амьдардаггүй мөн амьтан-хүн гэх мэт бусад бүтээгдсэн оршихуйнд хор хөнөөл учруулдаг хүмүүсийн сүнсэнд юу тохиолдож болохыг дэлгэрэнгүй тайлбарласан танд баярлалаа. Таны үнэнч, тууштай Арьяабалын бясалгал нь бидний сонголтын үр дагавар болон амар амгалан, наманчилсан мөн халамжтай хүн байхын чухлын талаар тодорхой ойлголт өгчээ. Таны итгэл, үнэнч байдал, чин сэтгэл болон хайранд баярлалаа. Та болон хамтран ажиллах чадвартай Хятадын ард түмэн амар амгалан, билиг ухаанаар ивээгдэх болтугай. Бүх зүгээс танд Хайр илгээгдэж байна!”