Энэ замбараагүй цаг үед, ялангуяа дайны хөлд өртсөн улс орнуудад олон хүн бэрхшээлд дарагдаж, ганцаардлыг мэдэрч байгаа энэ үед бусдын төлөө анхаарал халамж тавих нь маш чухал юм.

Нидерландаас Зое-ийн ирүүлсэн сэтгэлийн үгийг одоо хүргэе:

Миний Хайрт Их Багш Тим Ко Тү, 6-р сарын 19-нд болсон Дэлхийн Энх тайвны бясалгалын эхэнд би Иранд байдаг, миний таньдаг нэг авшигтан ахтай хамт байхыг хүсэж, Бурханд залбирсан юм. Тэгээд Бурхан надад Тэр (Тэнгэр Эцэг) түүнийг Өөрийн Хуяг дуулгаар хамгаалсан ба тэрээр өдөр бүр, өдрийн турш Гурвалсан Бурхантай байнга холбоотой байх ёстой гэж хэлсэн. Тэр бусадтай хэт их холбогдох ёсгүй. Мөн эргэн тойронд нь олон хүн байгаа ч, тэр хаана ч байсан, Гурвалсан Бурхантай холбоотой байх ёстой. Энэ нөхцөлд гэр бүлийн бусад гишүүн ба газар нутаг аюулгүй байх болно, учир нь Тэнгэрлэг Гэрэл түүгээр дамжин урсах болно. Дараа нь Их Багш “Түүнд маш их хайртай гэж хэлээрэй.” гэхийг сонссон.

Интернэт хаагдсан болохоор гадаадад амьдардаг эгч рүү нь үүнийг илгээж, түүнтэй холбогдохдоо энэ мессежийг хуваалцахыг хүссэн. Өнөөдөр 6-р сарын 20-нд, тэр эгч интернет холболт түр зуур байсан тул тэр үүнийг хүлээж авсан гэж хэлэв. Хэрэв хүмүүс интернет ашиглавал шоронд орж мэднэ гэж тэр хэлсэн. Энэ богинохон мөчийг ахад соёрхсон Бурхан, Тим Ко Тү, Цаглашгүй Дээд Их Багшид би талархаж байна.

6-р сарын 20-ны Дэлхийн Энх айвны бясалгалын эхэнд би цагаан үүл/утаагаар хүрээлэгдсэн том хүрэн уулыг харав. Уул гэнэт хавтгайран, улмаар том гүн нүх болон хувирч, тэндээс хар бараан урсгал агаарт өндөрт хөөрч, түүнийг нь цагаан үүлс барьж аван, бүрхэв. Дараа нь тэр нүх рүү хүмүүс унаж байхыг би харсан, дараа нь хаагдсан. Цөмийн бүх материал устгагдаж, Ираны ард түмэн удахгүй эрх чөлөөтэй болно гэж найдаж байна. Иранд буй хүмүүсийг Бурхан ивээг! Би бүхий л хайр, хүндлэлээрээ Бурхан, Тим Ко Тү, Бурханы Цорын Ганц Хүү, Цаглашгүй Дээд Их Багшид мөргөж байна. Таны бяцхан дайчин, Нидерландын Зое

Бодлоготой Зое, Сэтгэлийн үгээ бидэнтэй хуваалцсанд баярлалаа.

Их Багш танд бодлоо илэрхийллээ: “Зөөлөн сэтгэлтэй Зое, Арьяабалын бясалгалын үнэнч, тууштай бясалган, дадуулагч байгаад баярлалаа. Иран дахь авшигтан ахдаа хайр халамжаа хуваалцаж, санаа тавин дотоодын Их Багшаасаа түүнд Хайрын захиасыг дамжуулсанд баярлалаа. Энэ замбараагүй цаг үед, ялангуяа дайны хөлд өртсөн улс орнуудад олон хүн бэрхшээлд дарагдаж, ганцаардлыг мэдэрч байгаа энэ үед бусдын төлөө анхаарал халамж тавих нь маш чухал юм. Хэрэв бид бүгдээрээ ийм нэгдмэл сэтгэлтэй бол дэлхий маань хурдан энэрэнгүй газар болон хувирч, Веган Дэлхий, Энх тайван Дэлхий ийм эерэг сэтгэлгээний жам ёсны үр дүн байх болно. Энэ гараг дээрх хамаг төрөлтөн удахгүй хор хөнөөлөөс айхгүйгээр амьдрах эрх чөлөөтэй болж, эцэст нь бид Дэлхий дээрх амьдралын талаарх Бурханы хэтийн зорилгыг ухамсарлаж чадна гэж найднам. Энэ нэн даруй биелэх болтугай. Үүнийг хэрэгжүүлэхэд хувь нэмрээ оруулсанд баярлалаа. Та болон Нидерландын дэвшилтэт сэтгэлгээт ард түмэн Дэлхий дээр амьдарч байхдаа Диваажингийн жаргалыг эдлэх болтугай. Танд их Хайраа илгээе!"