Sharing Positive Experiences at Sharjah International Book Fair

Сириэс Каримийн ирүүлсэн сэтгэлийн үгийг одоо хүргэе:

Эрхэм Их Багш аа, Шаржагийн Олон Улсын Номын Үзэсгэлэн 2024-т оролцсон туршлагаасаа би хуваалцахыг хүсэж байна. Их Багшийн хэвлэлийн газар “Хайр цорын ганц шийдэл нь” хэмээх Их Багшийн шинэ номоор үзэсгэлэнд оролцоно гэж авшигтан ах эгч нар надад мэдэгдсэний дараа бид тодорхой зохицуулалт хийсэн бөгөөд байгальд- ээлтэй бэх, цаас зэрэг ном хэвлэхэд шаардлагатай ургамлын-гаралтай материал хайж олоход Таны Адис ерөөл, Бурханы Өршөөл үргэлж бидэнтэй хамт байсан. Дараа нь би гурван долоо хоног дараалан амралтын өдрөөрөө үзэсгэлэн үзэх, номын танилцуулгын лангуунд оролцох хүндтэй боломжтой болсон юм. Ах, эгч нарын анх удаа бэлдсэн лангууг хараад би Хайр, Адисын асар их энергийг мэдэрч, Араб улсад байсан болохоороо бүр ч их баярласан.

Үзэсгэлэнгийн зочид Их Багшийн номуудыг үзэж, тэдгээрийн талаар сонирхон асууж байв. Бид янз бүрийн насны болон амьдралын замналтай хүмүүстэй уулзахад тэдний зарим нь цагаан хоолтон гэдгээ бидэнд хэлсэн. Зочид “Хайр бол цорын ганц шийдэл нь” ном дахь Их Багшийн захиасыг биширч байгаагаа илэрхийлж, “Хямралаас Энх тайванд”, “Шувууд миний амьдралд” болон бусад номуудыг үзэж, судлахыг уриалан, дэмжиж байв. Тэд Төгс Гэгээрсэн Их Багш Чин Хай-д талархлын үгс бичсэн.

Манай дэлхий дэх, хамгийн том номын үзэсгэлэнгийн нэгэнд Их Багшийн хайр энэрэл, амар амгалан, гэгээлэг сэдвүүдийн тухай өгүүлсэн номууд тавигдаж, ялангуяа манай гарагт тулгарч буй нөхцөл байдалд, эдгээр сэдвийн чухал ач холбогдолд хүмүүсийн анхаарлыг хандуулж байгаа нь үнэхээр гайхалтай байлаа. Ойрх Дорнодод ийм Адисал болон хайр, энх тайвны энерги маш их хэрэгтэй байгаа тул Эрхэм Их Багшдаа болон энэхүү агуу ажлыг хийж дуусгахад хувь нэмрээ оруулсан бүх хүнд зүрх сэтгэлийнхээ гүнээс талархаж байна.

Үзэсгэлэн дуусахад зөөлөн хэлбэлзэл дагуулсан Адисын маш сайхан мэдрэмж намайг бүрхэж, ийм ажилд оролцсоноор амьдралынхаа ердийн хүрээнээс багахан ч атугай гарч, илүү өргөн цар хүрээтэй, эрхэм ариун ертөнц рүү хөл тавьсан юм. Веган Дэлхий, Энх тайван Дэлхийг бид харах хүртэл Их Багшийн утга зохиол, урлагийн бүтээлүүд манай Арабын ертөнцөд улам бүр танилцуулагдан, түгсээр байх болно гэдэгт би чин сэтгэлээсээ найдаж байна. Сириэс Карим

Талархалтай Карим, Сэтгэлийн үгэнд тань баярлалаа. Шаржагийн Олон Улсын Номын Үзэсгэлэнд оролцсон таны эерэг туршлагыг сонсоход таатай байна.

Их Багш танд ийм хайр дүүрэн хариуг хуваалцаж байна: “Энэрэнгүй Карим, таны эерэг, аз жаргалтай тэмдэглэлд баярлалаа. Сүр жавхлант Ойрх Дорнодод сургаал номлолууд, үнэ цэнтэй веган мэдээлэл болон миний Хайрыг түгээхэд тусалж буй ажилд тань танд болон ах эгч нарт нь баярлалаа. Энэ эрхэм ариун ажил үйлс, эдгээр зүтгэл нь манай гарагийн байдал, амьтан-хүмүүсийн зовлон зүдүүрийн үнэнийг олж мэдэхэд нь олон хүний зүрх сэтгэлийг сэрээж, мөн бид нандин дэлхийгээ ач тустай веган хооллолтоор хэрхэн аварч болохыг харах болтугай. Та болон таны хамт оршин суугч итгэл дүүрэн Сирийн ард түмэн Аллахын өршөөлт Ивээлийн Гэрэлд үүрд алхах болтугай. Танд мөн танай сайхан эх оронд хайраа илгээе.”