Эмэгтэй хүнийг өргөмжлөхгүйгээр хүн төрөлхтөн дээш өргөгдөж чадахгүй гэдгийг хүн бүр ойлгох цаг болжээ.

Одоо бид Канад улсаас Жэйдийн илгээсэн сэтгэлийн үгийг хүргэе:

Хүндэт, Хайрт Төгс Гэгээрсэн Их Багш Чин Хай болон Суприм Мастер ТВ-ийн хамт олон, Саяхан Суприм Мастер ТВ-ийн Шуурхай мэдээгээр "Эмэгтэй хүн байхын бишрэм тал” нэвтрүүлэг гарсан нь надад маш их урам зориг өгсөн. Их Багш Өөрийгөө өмнө нь Важраиогини Бурхан байсан гэдгийг илчилсэн нь Их Багшийн Нигүүлсэл, Мэргэн ухаанд улам бишрэхэд хүргэсэн. Их Багш Махасидда Шри Наровагийн тухай түүхийг ярьж буйг сонссон маань Төвөдийн Буддын шашны сургаалыг гүн гүнзгий сонирхон судлахад хүргэсэн.

Эртний Энэтхэгт Важраиогини Бурхан Хүндэт Махасидда Шри Наровагийн өмнө олон удаа гарч ирж, Түүнд хүч чадал хайрлаж, энэ Аргыг зааж байжээ. Нарова тэнгэрт дэвшсэний дараа Важраиогини Бурханы оюун санааны бясалгалын үнэт Арга болон “Наровагийн Зургаан Дээдийн Ном”-ыг уламжлан үлдээсэн. Эдгээр сургаал одоо ч өргөн дэлгэр түгсээр байна. Нэмж дурдахад, "Мял Богдын гүр дуулал"-д Важраиогини Бурхан Mял Богдод биечлэн авшиг хүртээсэн түүхийг бичсэн байдаг. Богд Зонхов хүртэл Важраиогини Бурханыг өөрийн нууц Ядам (Сүнслэг Оршихуй) хэмээн үзэж байсныг бүр ч илүү дурдах нь зүйтэй.

Важраиогини Бурханы хөшөөний ард байдаг Пражнагийн Гал нь бие, сэтгэлийг ариусгах чадвартай дотоод энергийг илэрхийлдэг. Өсөн нэмэгдэж буй кундалини нь биндуг шатааж, асар их гэрэл үүсгэдэг. Түүний сүх нь бүх санаа зовнил, мунхаглалыг тасалдаг, тэнгэрийн очирт таяг нь Бодь сэтгэлийн цаглашгүй дээд төлөвийг бэлгэддэг бол гартаа барьсан цусаар дүүрэн гавлын яс нь амьтай бүхний шуналыг устгадаг цусыг ууж буйг бэлгэддэг.

Түүний гүн гүнзгий харц нь сүнслэг бясалгагч бүрд “Би энд таныг үргэлж хүлээж байна. Та хүсэх л юм бол миний удирдлага дор онгон дагшин Ариун Орон руу явж болно." гэж сануулж буй мэт. Энэ нь Их Багшийн биднийг гэсэн энэрэнгүй амлалттай нийцэж буй бөгөөд бүх оюун санааны жинхэнэ бясалгагчдад урам зориг өгдөг билээ. Их Багш бол биднийг гэтлэгдэх замд хөтлөх хамгаас хүчтэй түшиг тулгуур билээ. Канад улсаас Жэйд

Мэдлэгтэй Жэйд, сэтгэгдэл илгээсэнд баярлалаа. Төвөдийн Буддын сургаалд оюун санааны билиг ухаан их байдаг. Үүнийг судалж, хуваалцсан зүйлдээ талархаж байгаад бид баяртай байна. Амьд гэгээрсэн Их Багшаас шууд суралцах нь хамгийн сайн нь бөгөөд бид Төгс Гэгээрсэн Их Багш Чин Хай бидний Их Багш байгаа нь үнэхээр хувьтай хэрэг юм. Та болон бүхнийг багтаагч Канад улс Диваажингийн ивээлийг өдөр тутмын амьдралдаа мэдрэх болтугай, Суприм Мастер ТВ-ийн баг

Жич: Их Багшийн танд уламжилсан захиаг хүргэе: Талархалтай Жэйд, манай дэлхийд эмэгтэй хүний ​​чанарыг зохих ёсоор өргөмжлөөгүй бөгөөд энэ нь олон асуудалд хүргэдэг. Энэхүү айлдварын зорилго бол энэ байдлыг арилгахад туслах явдал байсан бөгөөд олон хүн үүнийг ойлгосон гэж найдаж байна. Эмэгтэй хүнийг өргөмжлөхгүйгээр хүн төрөлхтөн дээш өргөгдөж чадахгүй гэдгийг хүн бүр ойлгох цаг болжээ. Тийм ч учраас энэ насандаа Бурхан эмэгтэй бие лагшныг эрин үеийн Их Багшаар сонгосон байх. Удахгүй дэлхий дээрх бүх эмэгтэйчүүдтэй зүй ёсны хүндлэл бишрэлтэй харьцана гэж найдаж байна. Та болон Канадын соёлт ард түмэн өдөр тутмын амьдралдаа Диваажингийн мөнхийн хайрыг эдлэх болтугай. Танд эрч хүчтэй Хайр, чин сэтгэлийн тэврэлтээ илгээе!"