Хүний ухаан дахь бодол санаа ихэвчлэн хэрэггүй зүйлс байдаг ба Бурханыг таньж мэдэхэд саад болдог.

Одоо бид Индонезын Тулунгагун мужаас Сарийн илгээсэн сэтгэлийн үгийг хүргэе:

Төгс Гэгээрсэн Их Багш Чин Хайн амгаланг айлтгая. Би мусульман шашинтан. Би үе үе мацаг барьж, цээр үйлдэн, тахажжуд залбирал хийдэг ч сэтгэл минь дундуур байдаг байлаа. Залбирч байхдаа би уйлсан. Би Бурханд хандан “Би юу хийх ёстой вэ?” гэж залбирсан. Найз маань надад багшийн ногоон хавтастай жижиг ном бэлэглэлээ. Их Багш Тайланд хувцас өмссөн байсан, харин би Их Багшийн хувцсыг хараад би Түүнийг ийм хувцас өмссөнд нь гайхсан. Учир нь мусульман шашинтан эмэгтэйчүүд гивлүүр зүүж, хижаб өмсөх ёстой. Би уг номыг хойш тавиад зургаан сар болов. Гэсэн ч би Үнэнийг олохыг хүссэн учраас үүнийг уншлаа. Уншсаны дараа агуулга нь надад сайхан санагдав. Исламын жинхэнэ мөн чанар болох макрифат, тасавуф (суфизм) гэсэн сургаалууд үүнд байлаа.

Би Их Багшийн өөр номыг олох гэж оролдсон бөгөөд найз маань надад зээлүүлсэн. Тэр номд Жинхэнэ Их Багшийн тухай тайлбарласан байсан бөгөөд хайж байсан зүйл маань энэ мөн мөн гэдгийг би ойлгосон. Дараа нь би Багшийн номын 2, 3-р ботийг худалдаж авлаа. Гэвч би Курбан баяраар голдуу амьтан-хүнээр тахил өргөдөг байсан ч номд энэ тухай дурдаагүй байсан тул надад зөрчилтэй санагдав. Эцэст нь би Исламын ном уншив. Тэнд би амьтан-хүмүүсийг золиослох шаардлагагүй, харин би өөрийгөө, тухайлбал би үзлээ устгах ёстойг олж мэдсэн. Эцэст нь би өргөл өргөөгүй бөгөөд сэтгэл хангалуун болсон. Гэр бүлийнхэн маань намайг маш их дарамтад оруулж байлаа. Тэдэнд би гаж санагдсан тул эрүүл мэндийн улмаас веган боллоо гэж хэлсэн. Гэхдээ Их Багш намайг үнэнч байх ёстой гэсэн болохоор би хүмүүсийн гэрт очихдоо өөрийгөө веган гэж хэлдэг боллоо.

Их Багш ямар ч шашныг ялгадаггүй учраас би эцсийн шийдвэрээ гаргав. Индонез маягийн хувцас өмссөн Их Багштайгаа би өөрийн дотоод ахуй ойлголтдоо дахин уулзаж, яагаад ийм байдалд ингэж удаан гацсан юм бэ гэж Их Багшийн хөлд бөхийн уйлан асуулаа. Их Багш хариуд нь “Чи хэтэрхий их юм боддог учраас тэр. Бодол санаа хуурамч шүү. Бид сүсэг бишрэлтэй байх ёстой." гэлээ. Би дахин дотоод ахуй ойлголтдоо Их Багш болон Арьяабалын эмэгтэй элчтэй уулзлаа. Надаас авшиг хүртсэн эсэхийг асуув. Миний гарыг ажиглаж, тосоор тосолсон ба сэрэхдээ би энэ үнэхээр жинхэнэ болсон гэдгийг мэдэрсэн. Эцэст нь би илүү итгэлтэй болж, 2000 оны 6-р сарын 11-нд авшиг хүртсэн.

Заримдаа өөрийгөө Их Багшийн шавь хэвээрээ байна уу, үгүй ​​юу гэж гайхахад тэр даруйд Их Багш миний өмнө, миний дотор дотоод ахуй ойлголтод орж ирээд би тайвширдаг. Их Багш аа, бүх зүйлсийн төлөө, энэ хорвоод залран буйд Тань баярлалаа. Улам олон хүн веган болно гэж би найдаж байна. Индонезийн Тулунгагунгаас Сари

Итгэлтэй Сари аа, Их Багшийг хэрхэн олж, авшиг хүртсэн тухай түүхийг тань сонсоод бид баяртай байна.

Их Багш танд тайвшруулах үгс илгээлээ: “Тууштай Сари, Арьяабалын Зам мөрд үнэнч байгаад баярлалаа хайр минь. Олон саад бэрхшээлийг даван туулсан тэвчээр тань биширмээр юм. Та дотоод болон гадаад бүх эсэргүүцлийг даван туулж, гэртээ харих замаа олжээ. Авшиг хүртэх нь хамгийн үнэтэй бэлэг юм. Таван Сахилаа даган мөрдсөнөөр Бурханы Хүч тантай үүрд хамт байж, гэртээ харих замд тань чиглүүлсээр байх болно. Хэт их юм бодохгүй байх дотоод Багшийн зөвлөгөөг авсан тань сайн хэрэг. Хүний ухаан дахь бодол санаа ихэвчлэн хэрэггүй зүйлс байдаг ба Бурханыг таньж мэдэхэд саад болдог. Арьяабалын Аргаар үргэлжлүүлэн бясалгаж, эцэст нь та өөрийнхөө хэн болох Үнэнийг ухаарах болно. Та болон Индонезийн баясгалант ард түмэн өдөр тутмын амьдралдаа Тэнгэрлэг аз жаргалыг мэдрэх болтугай. Таныг үүрд мөнхөд хайрлана.”