Их Багшдаа болон Суприм Мастер Телевизийн Гэрэл түгээгчдэд талархлын захиа

Монгол улсаас нэгэн шавийн илгээсэн сэтгэгдлийг одоо хүргэе:

Их Багшдаа болон Суприм Мастер Телевизийн Гэрэл түгээгчдэд талархлын захиа:

Хайрт Их Багшдаа, мөн Таны Энэрэл, Хайрыг дэлхий даяар түгээж буй Суприм Мастер Телевизийн гэрэлт хамт олонд, зүрх минь, сүнс минь, бодол бүхэн минь Тантай хамт байдаг. Та бидний дэргэд байх үед – бид Гэрэлд алхаж, Та хол байх үед – Таны Хайр л бидний замыг гэрэлтүүлдэг.

Суприм Мастер Телевизийн дамжуулж буй нэг бүрчлэн мессеж, бичлэг, хөгжмийн аялгуу, Багшийн дуу хоолой нь энэ дэлхийд Гэрэл мэт тусаж, хүмүүсийн сэтгэлийн хаалгыг нээж, амьтан-хүмүүсийг энэрэх, байгаль дэлхийг хайрлах шинэ сэтгэлгээг сэргээн тэлж байна. 

Та бидэнд амьдралын утга учрыг, жинхэнэ энэрэл гэж юуг хэлдгийг заасан. 
Их Багш минь, Таны Гэрэл бидний сэтгэлд асаж, 
Таны үгс итгэл болон цуурайтаж, 
Таны Хайрын долгион дэлхийн бүх зүрхэнд хүрэх болтугай. 

Энэ 6 сараас 11 сар хүртэлх цаг хугацаанд хүн төрөлхтөн сэрж, амьтан-хүмүүстэй эв найртай амьдрах шинэ соёл дэлгэрч, улмаар хүн бүхэн веган амьдралын утгыг ойлгож эхлэх болтугай. 
Та бол бидний урам зоригийн эх булаг. Та бол дэлхийн зүрх. Та бол Гэрэл. Танд бид үүрд талархаж байна.

Эв найрамдалтай, энэрэнгүй хүн төрөлхтөн дахин сэргэж, Дэлхий Ээж маань амгалан дуугаа бидэнд эгшиглүүлж, амьтан-хүмүүс, хүн, байгаль нэгэн эгнээнд зэрэгцэн амьдрах тэр цаг мөч яг одоо ирж байна. Хайр, итгэл, энэрэл дүүрэн мэндчилгээ дэвшүүлж, энэ захиаг өргөн барья. Зүрх сэтгэлээсээ, Монгол улсаас нэгэн шавь тань

Урлаглаг авшигтан номын ах аа, таны уран яруу, хайр дүүрэн сэтгэлийн үгэнд баярлалаа! Түүний Хайр, Суу алдар хүн төрөлхтнийг хайраар дүүрэн, нигүүлсэнгүй, веган үндэстэн болгон хувиргаж байгаа учир энэ цаг үед бид Дэлхий дээр Багштай хамт байгаадаа маш их талархаж байна. Эх дэлхийн төрөлтөн бүр удахгүй амар амгалан амьдрах болтугай хэмээн хүсэн ерөөе. Та болон хүчирхэг Монголын ард түмэн Будда нарын баяр баясгалан, амар амгаланг мэдрэх болтугай, Суприм Мастер ТВ-ийн баг

Жич: Их Багш танд халуун дотно захиагаа илгээлээ: “Бурханы сэтгэл татам шавь минь, Арьяабалын хичээнгүй бясалгагч байж, гэгээрсэн төрөлтний хайр дүүрэн, энэрэнгүй арга замд бүрэн нийцэж байгаад баярлалаа. Таны итгэл найдварын сайхан үгс, Эх дэлхийн амгалан байдлын тухай сайхан алсын хараа тань үнэхээр сэтгэл хөдөлгөж байна. Бид бүгд амар амгалан ирээдүйг цогцлооход анхаарал хандуулах учиртай. Та болон халамжит Монгол Улс бүгдийг хамарсан энх тайвны замаар зорилготойгоор алхах болтугай. Танд болон таны хайртай бүхэнд Гэрэлт Хайраа илгээе!"