ӨДӨР ТУТМЫН МЭДЭЭ-ний гол тойм – 2026 оны 2-р сарын 17

Их Британи, Малайз улсууд [Малайзын] Куала-Лумпур хотод анхны “Ногоон тээврийн яриа хэлэлцээ”-гээ хийж, Малайзад тогтвортой, уялдаа холбоотой хөдөлгөөнийг хөгжүүлэхийн тулд бодлого, төлөвлөлт, технологийн туршлагаа хуваалцлаа. (Gov.uk)

Ираны ерөнхийлөгч тус улс цөмийн хяналт шалгалт болон хөтөлбөрийнхөө аливаа баталгаажуулалтад бэлэн, цөмийн зэвсэг эрэлхийлдэггүй гэж мэдэгдлээ. (VTV)

НҮБ-ын энхийг сахиулагчид Конгогийн засгийн газар ба AFC [Конго мөрөн холбоо]/M23 [Марш 23 хөдөлгөөн] босогчдын хооронд Катарын зуучлалтай байгуулсан гал зогсоох хэлэлцээрийг дэмжихээр [Бүгд Найрамдах Ардчилсан Конго Улсын] Увира руу тагнуулын нислэг хийхээр бэлтгэж байна. (Ройтерс)

АНУ, Тайвань (Формоса) харилцан худалдааны хэлэлцээрээ эцэслэн баталж, Тайванийн импортод АНУ-ын 15%-ийн татвар тогтоон мөрдүүлэхийн зэрэгцээ Тайванийн АНУ-ын бараанд ногдуулдаг олон татварыг бууруулах буюу тэглэж, мөн 2029 он хүртэл эрчим хүч, нисэх онгоц, өндөр технологийн тоног төхөөрөмж зэрэг АНУ-ын бүтээгдэхүүний худалдан авалтыг эрс нэмэгдүүлэх үүрэг хүлээлээ. (Чаннель Ньюс Азиа)

[АНУ-ын] Мичиган мужид холбооны их тангарагтны шүүх [АНУ-ын] Дэлхийн Бурханы Хаанчлал сүмийн гурав дахь удирдагчийг олон муж дамнасан албадан хөдөлмөрийн хуйвалдаанд буруутгаж, удирдлагууд хандив татах нэрээр хувийн зорилгоор ашигладаг дуудлагын төв ажиллуулан олсон мөнгөө хувийн үл хөдлөх хөрөнгө, аялал, тээврийн хэрэгсэл болон бусад тансаг зардалд зарцуулсан гэх ял тулгажээ. (АНУ-ын Хууль зүйн яам)

Израилын Боловсролын сайд АНУ-ын Ерөнхийлөгч Дональд Трампыг 4-р сард Израил улсад айлчлахыг урьж, Израил улс болон еврейчүүдэд насан туршийн онцгой хувь нэмэр оруулсны төлөө Израилын Шагналыг гардуулах санал тавьжээ. Энэ нь тус шагналыг анх удаа гадаадын удирдагчид олгож буй тохиолдол болж байна. (Нью-Йорк Пост)

Энэтхэгийн нисэхийн зохицуулах байгууллага Эйр Индиа компанид нислэгийн аюулгүй байдлын хүчин төгөлдөр гэрчилгээгүй Airbus A320 онгоцоор зорчигч тээврийн найман нислэг үйлдсэн үндэслэлээр 110,350 ам.долларын торгууль ногдуулж, энэ алдаа нь системийн доголдлыг илтгэн, агаарын тээврийн аюулгүй ажиллагааны шаардлага хангах чадварт олон нийтийн итгэлийг улам алдагдуулсан гэж мэдэгджээ. (Чаннель Ньюс Азиа)

Малайзын хог хаягдлын эсрэг чангатгасан хуулийн дагуу [Малайзын] Куала-Лумпур хотод анхны зөрчил гаргагчид нийтийн үйлчилгээний ажил хийх ял оноожээ. 25 настай эр олон нийтийн газарт тамхины иш хаясныхаа дараа торгуулж, хот даяарх шүүхийн даалгасан гудамж цэвэрлэгээний ажилд бусад зөрчил гаргагчидтай хамт оролцох ялаар шийтгүүлсэн байна. (Чаннель Ньюс Азиа)

Казахстан улсад 2026 он эхэлснээс хойш улаанбурхан өвчний бараг 2,000 тохиолдол бүртгэгдсэн бөгөөд халдвар Астана, Алматы хотууд, Жамбыл, Атырау мужуудад төвлөрч байна. (Казинформ)

[АНУ-ын] Сайлент Спринг Хүрээлэнгийн өргөн хүрээтэй судалгаагаар хүний үсээр хийсэн төрлүүдийг оруулаад түгээмэл хэрэглэгддэг, үс уртасгах 43 бүтээгдэхүүний бараг бүгдэд нь хорт хавдар үүсгэх, дааврын үйл ажиллагааг алдагдуулахтай холбоотой олон арван аюултай химийн бодис агуулагддаг нь тогтоогдож, зохицуулалтын шинэ уриалга гаргахад хүргэжээ. Судлаачид галд тэсвэр бодис, фталат, пестицид, органотин [хүний гараар бүтсэн нэг төрлийн химийн бодис] нь зарим тохиолдолд олон улсын аюулгүй байдлын хязгаараас давсан түвшинд байгааг илрүүлжээ. (СкайТехДэйли)

Эрүүл мэндийн мэргэжилтнүүд удаан суух нь зүрхний өвчин, чихрийн шижин, хугацаанаас өмнө нас барах эрсдэлийг эрс нэмэгдүүлдэг гэж анхааруулж байна. Ийм хөдөлгөөнгүй байдал нь бодисын солилцоог удаашруулж, инсулины тэсвэртэй байдлыг нэмэгдүүлдэг бөгөөд тогтмол дасгал хөдөлгөөн ч үүнийг бүрэн нөхөж чадахгүй байж болзошгүй юм. Мэргэжилтнүүд ерөнхий эрүүл мэндээ хамгаалахын тулд 30–60 минут тутамд босож зогсох, босоо ширээ ашиглах, завсарлах үеэр идэвхтэй хөдөлж, удаан хугацааны хөдөлгөөнгүй байдлыг тасалдуулахыг зөвлөж байна. (Ilkha.com)

Уур амьсгалын өөрчлөлт даамжирч буй энэ үед гэрийн жижиг өөрчлөлтүүд ахимаг насны австраличуудад эрс тэс цаг агаарыг даван туулахад тусалж байна. Нас ахихад биеийн дулаан зохицуулалт буурдаг тул мэргэжилтнүүд дулаалгын чигжээс, хөшиг, сэнс зэрэг боломжийн өртөгтэй шийдлүүдийг ашиглахыг зөвлөж байна. Эдгээр зардал багатай сайжруулалт болон ус сайн уух, улирлын хүнс хэрэглэх зэрэг илүү зөв дадлууд нь зүрхний болон сэтгэцийн эрүүл мэндийг сайжруулна. [Австралийн] Мельбурны Их Сургуулийн судлаачид эмнэлэгт хандах давтамж, нас баралтыг бууруулахад чиглэсэн эдгээр төсөвт ээлтэй, чухал шийдлүүдийг үргэлжлүүлэн судалж байна. (МедикалЭкпресс)

[Энэтхэгийн] Баруун Бенгалын 25 настай сувилагч Нипа вирусийн хүндрэлээс шалтгаалсан зүрхний шигдээсээр нас баржээ. Тэр саяхан шинжилгээгээр сөрөг гарсан ч хүчтэй хоёрдогч халдварууд нь аминд хүрсэн байна. Тус мужийн сүүлийн үеийн түүхэнд Нипа вирустэй холбоотой анхны нас барагч нь энэ эмэгтэй болжээ. Эрх баригчид цаашид идэвхтэй тохиолдол үлдээгүйг баталж байна. (VTV)

Нилс шуурганаар Франц, Испанид гурван хүний амиа алдаж, олон мянган хүн цахилгаангүй болжээ. Хүчтэй аадар бороо, салхинд модод унан, бүс нутаг даяар зорчих хөдөлгөөн саатсан байна. (Vietnam.vn)

[АНУ-ын] Хойд Каролина, Виржини мужуудад хүчтэй ган гачиг даамжирч, саяхан цас орсон ч гол мөрний түвшин ер бусын доод түвшинд хэвээр байгаа бөгөөд гидрологичид удаан үргэлжилсэн хуурайшилт орон нутгийн экосистемд аюул учруулж байна гэж анхааруулжээ. (WXII 12 Грийнсборо-Уинстон-Салем)

Гезани хар салхи ойртож буйтай холбоотойгоор Мозамбикийн Иньямбане хотын оршин суугчид гэр орноо бэхжүүлж байна. Тус хар салхины улмаас Мадагаскарт дор хаяж 40 хүн амиа алдаж, дэд бүтцэд хохирол учирчээ. Мозамбик улс сүүлийн хэдэн долоо хоногт болсон өмнөх хүчтэй үерийн сэргээн босголтоо үргэлжлүүлсээр байна. (Ройтерс)

Мэргэжилтнүүд Португал дахь аюултай үерийн хохирол дордсонд хот төлөвлөлт муу, бетонжилт нягтарсан хөгжлийн бодлого буруутай гэж үзэж, ус зайлуулах болон ногоон байгууламж дутмаг байх нь шуурганд өртөмтгий байдлыг нэмэгдүүлж байна гэж анхааруулжээ. (Евроньюс)

Европын Төв банк Кредит Агрикол банканд уур амьсгалын эрсдэлийг ангилан тооцоолоогүй [ирээдүйн уур амьсгалын үйл явдлаас болж банкны багцын хэр хэмжээ эрсдэлд орохыг тооцоолоогүй] үндэслэлээр 7.55 сая еврогийн торгууль ногдуулж, банкны зохицуулалтад илүү хатуу хяналт, заавал биелүүлэх шийтгэлд шилжиж байгааг илтгэж байна. (Ройтерс)

Их Британийн Байгаль орчны агентлаг усны бохирдлын эсрэг хяналт шалгалтын ажиллах хүчээ бараг тав дахин нэмэгдүүлж 195 орон тоонд хүргэжээ. Энэ нь зохицуулалтыг чангатгах бодлогын хүрээнд түүхэн дээд тооны шалгалт хийх, усны компаниудад олон мянган сайжруулалтын арга хэмжээ авхуулж, мөн 2025 оны “Ус (Тусгай арга хэмжээ)”-ны хуулиар хяналт, шийтгэлийг бэхжүүлэх эрх мэдэл хэрэгжүүлэх боломж олгож байна. (Gov.uk)

[АНУ-ын] Мичиганы Их Сургуулиар ахлуулсан дэлхийн мета-дүн шинжилгээгээр хүний үүсгэдэг дуу чимээ 160 гаруй зүйлийн шувуу-хүмүүсийн зан үйл, физиологи үржилд саад учруулдгийг тогтоожээ. Гэхдээ нөлөөллийн хэв шинжүүдийг урьдчилан таамаглах боломжтой тул барилга байгууламжтай орчинд чиглэсэн дуу чимээ бууруулах арга хэмжээ хэрэгжүүлснээр хохирлыг үр дүнтэй багасгаж чадна гэж судлаачид үзэж байна. (Phys.org)

[Ау Лак (Вьетнам)-ын] Хо Ши Мин хотод Вьетнамын шуудан болон СТ UAV компанитай хамтран нам өндөр дэх логистикийн шинэ сүлжээний хүрээнд зөвшөөрөлтэй дроны нислэгээр 12 км маршрутыг ойролцоогоор 15 минутад туулан жижиг илгээмж тээвэрлэдэг, Кан Зё, Вунгтауг холбосон Ау Лак (Вьетнам)-ын анхны тэнгис дээгүүрх шуудангийн UAV [жолоочгүй нисэх тээврийн хэрэгсэл буюу дрон]-ы чиглэлийг нээжээ. (Түөй Трэ)

Барбадос улс Данийн Wavepiston компанитай харилцан ойлголцлын санамж бичиг (MoU) байгуулж, тэнгисийн хөдөлгөөнт давлагааны энергийг уян хатан хавтангаар барьж авч, цахилгаан болон давсгүйжүүлсэн ус үйлдвэрлэдэг шинэ давлагааны эрчим хүчний технологид суурилсан 50 мегаваттын туршилтын генератор хөгжүүлэхээр болжээ. Энэ нь уг системийг анх удаа арилжааны хэмжээгээр нэвтрүүлэх үе шат болж байна. (Интерестин Инженерин)

Линда МакКартни Фүүдс компани өөрийн онцлох Vegemince веган бүтээгдэхүүний найрлагыг бүрэн цавуулаг, өндөггүй болгон шинэчиллээ. 2026 оны 2-р сард танилцуулсан шинэ жор нь Их Британийн сургуулиудад харшил үүсгэгчийн шаардлага нэмэгдэж буй нөхцөлд нийцүүлэхэд туслахын зэрэгцээ долоо хоногт 3 ба түүнээс дээш өдөр санал болгох сүүний бус уургийн төрлийн талаарх засгийн газрын стандартыг хангахад чиглэсэн байна. (ФүүдБев Медиа)

[АНУ-ын] Охайо Мужийн Их Сургуулийн судлаачид веган (ургамлын гаралтай) уургийн амт, үнэрийн таагүй өнгө аясыг 99% хүртэл арилгах хоёр алхамт исгэх процесс боловсруулжээ. Фүүдс сэтгүүлд нийтлэгдсэн нээлт нь шар буурцаг, вандуй, ангаахай шош болон бусад уургийн бүтээгдэхүүнээс хэрэглэгчдийг ихэвчлэн үргээдэг “буурцгийн” юм уу “өвсний” үнэрийг арилгадаг байна. (Мираж Ньюс)

Америкийн бялдаржуулах спортын веган тамирчин Торре Вашингтон 2026 оны Mr. Olympia [бодибилдингийн хамгийн нэр хүндтэй тэмцээн]-д шалгарсан анхны бүрэн веган, байгалийн аргаар бэлтгэл хийдэг тамирчин болж түүх бүтээлээ. 1998 оноос хойш веган амьдралын хэв маяг баримталж ирсэн, 51 настай залуухан, Олон улсын бодибилдинг, фитнесийн холбооны мэргэжлийн тамирчин тэрээр сүүлийн хоёр тэмцээнд Эрчүүдийн бие цогц ангилалд давамгай ялалт байгуулснаар эрхээ баталгаажуулжээ. (Эрчүүдийн сэтгүүл)

[АНУ-ын] Массачусетс мужийн хөлдсөн нуурын мөс цөмрөн, унасан нэг нохой-хүн аврагджээ. Цагдаа, гал сөнөөгчид 10 минут орчим хугацаанд мөстэй усанд ажиллаж, түүнийг ноцтой гэмтэл бэртэлгүйгээр гэр бүлийнхэнд нь эсэн мэнд хүлээлгэн өгчээ. (Tag24)

Горетти шуурганы үеэр өөртөө засах Жерси мужийн нутагт хүйтний цочролд орсон, ховор тохиолддог далайн яст мэлхий-хүн олдож, яаралтай тусламж үзүүлэхээр авч явжээ. Дараа нь түүнийг нөхөн сэргээхээр Их Британийн Уэймут хот руу онгоцоор хүргэх бөгөөд хавар болоход байгальд нь буцаан тавина. (BBC)

[Ау Лак (Вьетнам)-ын] Хоабинь аймагт нэг оршин суугч цэцэрлэгт нь ирсэн 1.5 кг жинтэй шувуу найзыгаа олж, хамгаалсны дараа нэн ховордсон мөнгөн гургуул-хүнийг байгальд нь буцаан тавьжээ. Эрх баригчид эрүүл шувуу-иргэнийг Туон Тьень байгалийн дархан цаазат газарт буцаан тавьсан байна. (Бао Фү То)

Өдрийн гэгээрүүлэх эшлэл: “Харах нүдгүй хүмүүсийг сохор гэж нэрлэдэггүй. Ай Нанак минь, Эзэнээсээ холдон төөрсөн хүмүүс л сохор билээ.” – Хүндэт Гэгээрсэн Их Багш Гүрү Ангад Дев Жи (цагаан хоолтон) Сикхийн хоёр дахь Гүрү (Ritiriwaz.com)

Өмнө нь, Дуглас Нэйкийн клиник үхлийн тохиолдлын 2-ын 1-р хэсэгт Дуглас менингококкт менингитээр ухаан алдан унаж, урьд нь огт мэдэрч байгаагүй гүн харанхуйд сэрснээ ярьсан. Аймшигтай төрөлтнүүд түүн рүү яаран ирсэн ч тэр айдсын дунд танил дуу хоолой харанхуйг нэвтлэн: “Бүү ай. Би чамтай хамт байна.” гэж хэлжээ. Тэгээд Дуглас яг Хэн болохыг нь тодорхой таньснаа ойлгосон байна. Одоо 2-ын 2-р хэсэгт түүний учрал үргэлжилнэ.

Бурхан тэгж хэлмэгц бүх зүйл туйлын үзэсгэлэнтэй болсон. Үнэхээр гялалзсан. Диваажингийн суурь гэнэт ил гарч ирсэн. Диваажин үнэхээр асар том. Аварга том. Өнөөдөр ч гэсэн би тэр өнгөнүүд яг ямар байсныг танд хэлж чадахгүй. Би тэднийг харж чадсан ч тайлбарлаж чадахгүй. Бүр яаж дүрслэхээ ч мэдэхгүй байна. Тэр нь тунгалаг атлаа бас хатуу биетэй мэт байсан. Мөн олон янзын өнгийг агуулж байсан. Дараагийн миний мэдэж буй зүйл гэвэл би Диваажингийн гудамжаар маш хурдтай явж байлаа. Би барилгачин хүний нүдээр эдгээр барилгуудыг хараад, эдгээрийг хараад, “Хөөх, ямар гайхамшигтай вэ” гэж бодож байсан.

Дараа нь би ногоон зүлэгтэй довцог дээр сууж байлаа. Би тэнд зүгээр л сууж байтал гэнэт Бурхан миний нэрийг дуудаж, “Даг, чиний сонголтууд юу бүтээж, юу хийж, хаашаа хүрдгийг чи ойлгодог уу?” гэж асуусан. Гэнэт нэг цөөрөм үзэгдэж, хаанаас ч юм гараад ирсэн. Ус урсах чимээ сонсогдож, усны мандал дээгүүр манан нүүдэллэж байгааг харж байсан. Би энэ бүхнийг харж байлаа. Тэгээд Тэр нуур руу нэг жижиг чулуу шидээд, “Чи тэр долгионуудыг харж байна уу?” гэж хэлсэн. Тэр: “Тэр долгионууд бол чиний сонголтууд” гэв. Тэд зүгээр л үргэлжилсээр байдаг. Хүрсэн газар бүрдээ нөлөөлсөөр байлаа. Тэгээд Тэр: “Чи хүмүүст ингэж нөлөөлдөг. Чиний сонголтууд хүмүүст ингэж нөлөөлдөг.” гэж хэлсэн.

Бурхан Дугласт сэтгэл хөдлөл дагалдсан кино шиг тод, гурван өөр зураглалыг үзүүлж, түүний сонголтууд юунд хүргэж болохыг харуулжээ. Дараа нь Бурхан түүнийг буцааж илгээнэ гэж хэлсэн байна. Би Түүнээс гуйсан. Би: “Хараач, би буцаад явахыг хүсэхгүй байна” гэж хэлсэн. Би: “Энэ газар үнэхээр гайхамшигтай.” гэж хэлсэн. Би: “Би амьдралдаа ийм амар амгалан, хайрыг огт мэдэрч байгаагүй.” гэсэн. Би: “Энэ бол надад тохиолдсон хамгийн сайхан зүйл.” гэж хэлсэн. Харин Тэр надад: “Хараач, чамд хийх зүйл бий. Би чамайг буцааж илгээж байна.” гэж хэлсэн. Тэгээд л би эмнэлгийн орон дээр сэрсэн.

Дуглас комоос сэрж эхлэх үед мэдрэлийн эмч түүнээс энгийн асуултууд асуусан ч тэр нүүрнийх нь нэг тал унжиж, баруун гар нь хяналтгүй чичирч, баруун чих нь бүрэн сонсголгүй болж, цус харвасан хүн шиг харагдаж байлаа. Гэхдээ хамгийн цочирдом шинж тэмдэг нь ой санамжаа алдсан явдал байв.

Тухайн үед би 50 настай байсан. Би 30 жилийн ой санамжаа алдсан. Тэр надаас одоо хэдэн он бэ гэж асуухад би 1969 он гэж хэлсэн. Дараа нь тэр: “Ерөнхийлөгчийг хэн гэдэг вэ?” гэж асуусан. Би: “Никсоны ерөнхийлөгч” гэж хэлсэн. Тэгээд би өөрийгөө захиалгат байшин барьдаг хүн юм уу гол брокер гэдгээ, тэдгээрийн алийг нь ч мэдэхгүй байсан. Хачирхалтай нь охин маань өрөөнд орж ирээд надад CD өгсөн чинь би харчхаад, “Энэ чинь юу вэ?” гэв. Тэр “CD шүү дээ, аав аа. Хөгжим тоглуулдаг.” гэсэн. Би “Үгүй ээ, хар өнгөтэй, ийм хэмжээтэй байдаг винил пянз байдаг” гэж хэлсэн.

Дуглас эхнэр нь хэн болохыг огт мэдэхгүй байв. Мэдрэлийн эмч надаас орны хажууд сууж байгаа энэ эмэгтэйг таньж байна уу гэж асуухад, би түүн рүү хараад л, аль хэдийн толгой сэгсэрч, үгүй гэсэн. Би: “Хараач, та сайхан хатагтай байна. Гэхдээ би таныг хэн болохыг огт мэдэхгүй” гэж хэлсэн. Тэгэхэд түүний нүүрэн дээгүүр том том нулимс бөмбөрөн урссан.

Эмнэлэгт гурван долоо хоног хэвтсэний дараа Дуглас гэртээ харьсан ч алхаж, хувцсаа өөрөө өмсөж чадахгүй, ой санамжийн хүнд алдагдал, танин мэдэхүйн доройтолтой байжээ. Эхнэр нь түүнд бүхнийг, бүр компьютер гэж юу болохыг хүртэл дахин заах хэрэгтэй болжээ. Тэгэхээр тэр дэлгэцийн тагийг нээгээд, асаах товчийг дарсан. Асахад нь гэрэл нь асдаг даа? Би түүнд: “Өө, энэ чинь зурагт юм байна.” гэж хэлсэн. Тэр: “Үгүй ээ, зурагт биш. Энэ бол чиний компьютер” гэсэн. Тухайн үед миний богино хугацааны ой санамж маш муу байсан бөгөөд тэр намайг авч шүршүүрт оруулах үед би үсээ өөрөө угааснаа мартчихдаг байсан тул таван удаа угаачихдаг байлаа.

Гэртээ ирснээс хоёр сарын дараа Дуглас гэр бүлийн зургуудаа харж байтал нэг зүйл өөрчлөгдөв. Би тэнд суугаад энэ бүх зургийг харж байгаад: “Хөөх, энэ эмэгтэй олон зураг дээр байна шүү.” гэж бодсон. Гэнэт л асар хүчтэй сэтгэл хөдлөл дотор минь цутгаад ирэх шиг болсон. Түүнийг гэсэн хайр, хүсэл тэмүүллийн мэдрэмж намайг хүчтэй цохисон. Тэгээд эцэст нь энэ хүн бол миний эхнэр гэдгийг ойлгосон. Би босож чадсан, тавилга, хана руу түшээд, гал тогооны өрөө рүү очиж, эцэст нь түүнд: “Би чамайг хэн болохыг мэдлээ.” гэж хэлсэн. Тэр над руу харахад, би: “Чи бол миний эхнэр. Би чамайг эхнэр минь гэдгийг дөнгөж сая саналаа.” гэж хэлсэн. Тэр миний нүүрийг хоёр гараараа түшээд, “Бид үүнийг давна. Бид үүнийг давна.” гэж хэлсэн.

Дуглас сэргэж, мэргэжлээрээ дахин суралцахад олон жилийг зарцуулж, Бурхан яагаад түүнийг буцаасан талаар дотроо тэмцсээр байв. Тэр клиник үхлийн тохиолдлоо дөрөв, таван жилийн турш нууцалж, аав нь өөрийг нь голсон шиг Бурханд ч гологдсон мэт мэдрэмжтэй тэмцэж байлаа. Эцэст нь эхнэр нь түүнтэй нүүр тулан ярилцжээ. Тэр надад: “Чи ямар онцгой хүн гэдгээ мэдэх үү?” гэж хэлсэн. Би түүнд: “Үгүй, би өөрийгөө ямар онцгой гэдгээ огт мэдэхгүй.” гэж хэлсэн. Тэр: “Хараач, Бурхан нас барсан сая сая хүний дундаас чамайг сонгож, буцааж илгээж, Түүний төлөө ямар нэг зүйл хийлгэхээр явуулж.” гэсэн. Тэр “Чи сонгогдсон” гэж хэлсэн.

Тэр яриа түүний үзэл бодлыг өөрчилж эхэлсэн байна. Тэгээд би хандлагаа бүрэн өөрчилсөн, эсвэл Бурхан миний хандлагыг өөрчилсөн гэж хэлэх нь зөв байх. Тэгээд би өөрийн түүхээ, өө Бурхан минь, магадгүй 150, 200 хүнд ярьсан байх. Бурхан намайг хэн нэгэнтэй яриулахыг хүсэх үед би үргэлж мэддэг. Яг л орчин өөрчлөгдөх шиг, тэгээд Тэр надад энэ хүнтэй ярилцах хэрэгтэй гэж хэлдэг.

Өөрийнхөө өвдөлтийн талаар бодохоо болих тэр түвшинд хүрэх хэрэгтэй. Туулсан бүхнээ бодохоо түр зогсоож, өөр хүний тухай бодож эхэлдэг. Учир нь тэр хүн гацчихсан байдаг. Тэр хүн эрэгтэй ч бай, эмэгтэй ч бай, эвдэрч, гацсан байдаг. Тэд өөрт нь тохиолдож буй зүйлийн цаана хэрхэн гарахаа мэддэггүй. Тиймээс би бусад хүмүүс юунд гацсан байдгийг ойлгох нь надад үнэхээр чухал.

Дуглас аврал ба өөрчлөлтийн талаар эргэцүүлэх үед түүний түүх итгэл бишрэлийнх нь суурь руу Есүс Христийн золиос, түүнд үнэхээр ямар үнэ төлөгдсөн талаарх итгэл рүү нь эргэн очжээ. Мужаан хүний хувьд би гартаа хадаас зоочихсон удаа бий, тэр бол Түүний биед зоосонтой харьцуулахад юу ч биш. Түүнийг загалмайд хадахад яг л төмөр замын хадаас шиг том зүйл хэрэглэсэн. Есүсийн үхэл, Түүний хийсэн бүхэн нь Бурханыг алдаршуулахын төлөө байсан. Тэр Бурханыг алдаршуулахын төлөө бүхнийг хийсэн, тэгснээр Түүний үхлээр [дамжуулан] бид Бурхан руу буцах замыг олсон. (Жэни ДюВаллтай хамт Бурхантай уулзсан учралууд)