ӨДӨР ТУТМЫН МЭДЭЭ-ний гол тойм – 2026 оны 2-р сарын 10

АНУ, ОХУ нь Орос-Украин (Урейн)-ы дайныг зогсоох зорилгоор [Арабын Нэгдсэн Эмират Улс] Абу Даби хотод болсон энхийн хэлэлцээрийн үеэр сүүлийн дөрөв гаруй жилийн хугацаанд анх удаа цэргийн өндөр түвшний яриа хэлэлцээрийг сэргээхээр тохиролцлоо. (Ассошиэтед Пресс)

АНУ Кубын ард түмэнд нэмэлт 6 сая ам.долларын хүмүүнлэгийн шууд тусламж олгох болсноо мэдэгдэж, [АНУ-ын] Майами хотоос урьдчилж бэлтгэсэн тусламжийг орон нутгийн сүмийн салбаруудаар дамжуулан хүргэхийн тулд Католик сүм болон Каритас байгууллагатай хамтын ажиллагаагаа өргөжүүлсэн бол Куба улсын засгийн газарт тусламжийн түгээлтэд саад хийхгүй байхыг анхааруулжээ. (АНУ-ын Төрийн департамент)

АНУ, Аргентин улс худалдаа, хөрөнгө оруулалтын өргөн хүрээтэй хэлэлцээр байгуулж, татварыг бууруулах, эсвэл тэглэх АНУ-ын төрөл бүрийн бараа бүтээгдэхүүнийг Аргентины зах зээлд нээхээр болжээ. Үүнд АНУ-ын аюулгүй байдал, зохицуулалтын стандартыг хангасан барааг импортлохыг зөвшөөрөхөөс гадна чухал ашигт малтмал, дижитал худалдаа, экспортын хяналтын чиглэлээр хамтын ажиллагааг өргөтгөхөөр тусгажээ. Хэлэлцээрийг Аргентины Конгресст хянан хэлэлцэхээр шилжүүлсэн байна. (Фокс Бизнес)

АНУ, Унгар улс дарлагдсан Христийн шашинтнууд болон бусад шашны цөөнхийг, ялангуяа Ойрх Дорнод, Сахарын цөлөөс өмнөд бүсийн Африк дахь шашны цөөнхийг дэмжих хамтарсан хүчин чармайлтаа өргөтгөх санамж бичигт гарын үсэг зурж, дэлхийн шашин шүтэх эрх чөлөөг дэмжих хоёр улсын амлалтаа баталгаажуулжээ. (АНУ-ын Төрийн департамент)

АНУ-ын Ерөнхийлөгч Дональд Трамп 2026 оны 5-р сарын 17-нд Вашингтон хотын Үндэсний цэцэрлэгт хүрээлэнгийн талбайд залбирлын томоохон арга хэмжээ зохион байгуулахаа мэдэгдэж, үүнийг Америк улсын 250 жилийн ойтой холбож, улсын сургуулиудад залбирах эрхийг хамгаалах холбооны шинэ удирдамжийг танилцуулж, итгэл үнэмшил, бодлого болон Өөрийн засаг захиргааны талаар өргөн хүрээний илтгэл тавьжээ. (Нью-Йорк Пост)

2026 оны 5-р сарын 17-нд улс орны өнцөг булан бүрээс америкчуудыг Үндэсний цэцэрлэгт хүрээлэнгийн талбайдаа нэг дор цуглаж, залбирч, талархал өргөхийг урьж байгаагаа мэдэгдэхэд таатай байна. Бид Америкийг Бурхны ивээл доорх нэг үндэстэн хэмээн дахин зориулан тунхаглах болно.

[АНУ-ын] Луизиана мужийн ерөнхий прокурор Лиз Мёррилл холбооны шүүхэд [АНУ-ын] Калифорни, Нью-Йорк мужуудын захирагч нарыг шүүхэд өгч, [АНУ-ын] Луизиана мужийн оршин суугчдад үр хөндөлтийн эм илгээсэн хэрэгт буруутгагдсан нэг нь Калифорнийн, нөгөө нь Нью-Йоркийн хоёр эмчийг шилжүүлэн өгөхийг шаардлаа. (Вашингтон Таймс)

Цагаан ордон эмийн томоохон компаниудтай байгуулсан үнийн гэрээнүүдийн хүрээнд хөнгөлөлттэй жороор олгодог эм санал болгодог, төрийн удирдлагатай цахим портал TrumpRx-ийг нээлээ. Засгийн газрын удирдлага уг сайтыг даатгалын шимтгэл өсөж, эмийн хүртээмжийн асуудал үргэлжлэх хандлагатай байгаа энэ үед эмийн үнийг бууруулах өргөн хүрээтэй хүчин чармайлтынхаа нэг хэсэг болгон сурталчилж байна. (Индепендент)

Үр хөндөлтийн эсрэг байр суурьтай Америкийн нөхөн сэргээх сангийн шинэ тайланд Байдены үеийн Хүнс, эмийн захиргааны бодлого нь теле-эрүүл мэндийн үйлчилгээгээр дамжуулан үр хөндөлтийн эмийг жор бичиж, шуудангаар илгээхийг зөвшөөрснөөр өдөрт химийн аргаар 500 гаруй үр хөндөлт хийгдэх болж, улс даяар үр хөндөлтийн тоо өсөхөд хүргэж байгааг баталж, АНУ-ын Ерөнхийлөгч Трампын засаг захиргаа уг бодлогыг буцаах эрх мэдэлтэй гэж үзэж байна. (Фокс Ньюс)

Камбожийн Эх Хатан Нородом Монинеат Сианук тус улсын Мина цэвэрлэх төвд 100,000 ам.доллар хандивлаж, улс даяарх мина болон дэлбэрээгүй сум, хэрэгслийг цэвэрлэх ажлыг дэмжиж, энгийн иргэдийг хамгаалж, сүүлийн мөргөлдөөнд өртсөн хилийн бүсийн аюулгүй тариалангийн газрыг сэргээх хүчин чармайлтад туслах зорьж байна. (Cambodianess)

АНЭУ [Арабын Нэгдсэн Эмират Улс] 2030 он гэхэд Гана улсад голын харалган (онхоцеркоз) өвчнийг устгах санаачилгыг эхлүүлж, Noor Dubai байгууллагатай хамтран өргөн хүрээний эмчилгээ, олон нийтийн эрүүл мэндийн хяналт, орон нутгийн эмнэлгийн ажилтнуудын сургалтыг хэрэгжүүлэхээр болжээ. Уг хөтөлбөр нь 7 сая хүнд шууд хүрч, цаашлаад 35 сая хүний эрүүл мэндийн тогтолцоог бэхжүүлнэ гэж үзэж байна. (Персийн булангийн мэдээ)

Каролинска Институтийн 2.7 сая швед хүнийг хамарсан судалгаагаар аутизмын тархалт хүйсийн хувьд тэнцүү байж болзошгүйг тогтоожээ. Хөвгүүд ихэвчлэн бага насанд нь насанд нь оношлогддог бол охид өсвөр насанд нь “гүйцэж”, 20 нас хүрэхэд эрэгтэй хүмүүстэй ижил оношлогдсон түвшинд хүрдэг байна. (Дэйли Мэйл)

Алхалт, иог, тай чи зэрэг эрчим багатай дасгал нь ходоодны шархны шинж тэмдгийг үр дүнтэй бууруулж, эдгэрэлтийг дэмждэг. Өвчтөнүүд дасгалыг 45 минутаас хэтрүүлэхгүй, өндөр ачааллын дасгал хийхгүй байх, мөн цадсан үедээ дасгал хийхээс зайлсхийснээр хоол боловсруулах эрхтний эрүүл мэндээ аюулгүй сайжруулна. Тэнцвэртэй хооллолт, стрессийн хяналт, эмчийн заасан эмчилгээтэй хавсран хэрэгжүүлбэл эдгээр зөөлөн дасгалууд өвчин дахих эрсдэлийг мэдэгдэхүйц бууруулж, биеийн төрөлх эдгэрэх үйл явцыг түргэсгэдэг. (Бао Сүк хое & Дой сон)

Хүйтэн, чийгтэй, бохирдол ихтэй цаг агаар нь хамрын дархлааг сулруулж, өвчин үүсгэгч нэвтрэх боломж олгосноор синуситийг өдөөдөг. Битүүрэх, нүүр орчмоор өвдөх зэрэг нийтлэг шинж тэмдгийг эмчлүүлэхгүй бол чихний халдвар зэрэг хүндрэлд хүргэж болзошгүй. Мэргэжилтнүүд дулаан байж, давсны уусмалаар хамраа зайлах, хэрэв шинж тэмдэг 10 хоногоос дээш хугацаагаар үргэлжлэх, өндөр халуурах, гэрээр арга хэмжээ авсан ч ойр ойрхон давтагдвал эмчид хандах хэрэгтэй гэж зөвлөж байна. (Бао Сүк хое & Дой сон)

[ИБУИНВУ-ын] Цаг уурын алба 2-р сарын 10-ны мягмар гарагаас 2-р сарын 11-ний лхагва гараг хүртэл Шотландын ихэнх хэсэгт цасны шар түвшний сэрэмжлүүлэг гаргажээ. Өндөрлөг газарт 8 инч [ойролцоогоор 20 см] хүртэл цас орох төлөвтэй байгаа бөгөөд ИБУИНВУ даяар өвлийн шуурга үргэлжилж буйтай холбоотойгоор зорчих хөдөлгөөн тасалдах, эргийн бүсэд нөлөөлөх, зарим газарт үерлэх эрсдэлтэйг анхааруулжээ. (Үдшийн Стандарт)

[ИБУИНВУ-ын] Ньюкаслын Их Сургуулийн судалгаагаар үхэлд хүргэж болзошгүй гэнэтийн үерээс өмнө илэрдэг, атмосферийн тодорхой шинж тэмдгүүд, түүний дотор агаар мандлын “MAUL” [Чийгтэй абсолют тогтворгүй давхарга]-ыг илрүүлжээ. Агаарын чийгийн ханалт, тогтворгүй байдлыг хянах замаар эрдэмтэд эрт сэрэмжлүүлгийг сайжруулж, уур амьсгалын өөрчлөлтийн улмаас даамжирч буй туйлын ноцтой шуургыг илүү сайн таамаглах боломжтой юм. (Earth.com)

[Өмнөд Африкийн] Этеквини хотод үргэлжилж буй халуун давлагаа нь усны хэрэгцээг тун аюултай түвшинд хүргэж, хэд хэдэн усан санг ширгээжээ. Хотын захиргаа халалтад өртсөн бүс нутгуудад усны нөөцлүүр байршуулж, системийг тогтворжуулахын тулд оршин суугчдаас хэрэглээгээ бууруулахыг уриалжээ. (Ийст Коост Радио)

Халуун орны Пенха шуурга Филиппин улсыг дайрч, Минданао, Висаясын арлуудад олон удаа буужээ. Аадар бороо, цагт 90 км-ийн хурдтай шуурга нь бүс нутаг даяар ноцтой үер, хөрсний нуралт үүсэж болзошгүй анхааруулга гаргахад хүргэжээ. (Уотчерс)

6,000 гаруй бүртгэлийг хамарсан дэлхийн хэмжээний тоймоор, дэлхийн гол мөрөн, эрэг, голын цутгалан бүс, мангро ойн 46% нь “бохир”, эсвэл “туйлын бохир” гэж ангилагдаж буйг тогтоожээ. Хог хаягдлын урсгалд хуванцар болон тамхины иш давамгайлж буй бөгөөд тусгай хамгаалалттай бүсүүд хүртэл, ялангуяа зах хэсгээрээ бохирдолд өртөмтгий хэвээр байна. (Earth.com)

Дэлхийн байгаль хамгаалах сан 2026–2030 онд Монгол улсын дөрвөн аймгийн 22 суманд цоохор ирвэс-хүмүүсийг хамгаалах байгаль хамгааллын төслийг эхлүүлж, өмнөх ажлууддаа тулгуурлан, шинэ суурь судалгаагаар дэмжүүлэн хэрэгжүүлэхээр болжээ. Тус улс энэ оны сүүлээр үндэсний хэмжээний тооллогын судалгаа хийхээр бэлтгэж байна. (Казинформ)

Индонезийн Green Rebel компани Азийн амттай веган махан бүтээгдэхүүнээ өргөжүүлэхээр 12.5 сая ам.доллар босголоо. Энэхүү санхүүжилт нь бүс нутгийн тэлэлт болон Starbucks, Pepper Lunch зэрэг томоохон брэндүүдтэй хийх стратегийн түншлэлийг дэмжихэд зарцуулагдана. (Азийн Технологи)

[АНУ-ын] холбооны шүүгч Техас мужийн хууль нь веган, цагаан хоолны бүтээгдэхүүнд “махгүй” гэсэн шошго заавал тавихыг шаардсан хуулийг хүчингүй болгож, Үндсэн хуулийн Нэгдүгээр нэмэлт өөрчлөлтөөр [үзэл бодлоо чөлөөтэй илэрхийлэх эрх] хамгаалагдсан эрхийг зөрчсөн гэж үзжээ. Шүүх одоогийн шошго нь хэрэглэгчдийг төөрөгдүүлдэггүй гэж дүгнэсэн байна. (Грийн Куин)

2026 онд “БОШ! Илүү их ургамал: 30 минутад хийх ургамлан хоол”, “Аятайхан веган: Ургамлын гаралтай, амтат аятай хоолны жорууд” хэмээх зах веган хоолны номууд зээлийг тэргүүлж байна. Эдгээр шинэ бүтээлүүд нь нийтлэг хандлагын өөрчлөлтийг илтгэн, гэр бүл, тамирчид, эрүүл хоолны тогооч нарт зориулсан төрөл бүрийн жорыг санал болгож байна. (ПЕТА)

[Ау Лак (Вьетнам)-ын] Тхань Хоа хотын цэвэрлэгээний ажилтан Нгуень Ти Түет гудамжнаас олсон гар цүнхийг цагдаад хүлээлгэн өгчээ. Цүнхэнд бэлэн мөнгө болон хадгаламжийн дэвтэр байсан ба нийт дүн нь бараг 55,500 ам.доллартой тэнцэж байжээ. Цүнхний эзний дараа нь олж тогтоожээ. (24H)

[Ирландын] Донегал мужийн сайн дурын ажилтнууд Баллинтрагийн нэгэн эзгүйрсэн барилгад гацсан муур-хүнийг тусгай налуу зам хийж амжилттай аварчээ. Энэхүү бүтээлч шийдэл нь аюултай цахилгааны шугамуудыг тойрон гарсан тул орон нутгийн иргэд олноороо сайшаасан байна. (Донегол Лайв)

Animal Rescue Corps [ARC] байгууллага Теннесси мужийн ДеКалб тойргийн нэгэн үржүүлэгчийн эзэмшлийн газраас хүйтэнд даарсан нөхцөлд байсан 42 нохой-хүн болон гөлөгнүүдийг аварчээ. Гадаа, усгүй орхигдсон байхад нь олсон амьтан-хүмүүс одоо Нэшвилл орчмын ARC төвд эдгэрч байна. (WSMV)

Өдрийн саруул ухааны эшлэл: “Ганцаардал бол бие даасан байдал.” Герман-Швейцарын нэрт яруу найрагч, зохиолч Херманн Хессе (BrainyQuote)

Америкийн хоккейчин Билли Гараффа 2022 оны тоглолтын үеэр зүрх нь 16 минут зогссон тухай хуваалцаж байна. Хоккейн тоглолтын үеэр Билли өөрийнх нь хувьд урьд нь тохиож байгаагүй нэг зүйлийг, мөсөн дээр хамтрагчидтайгаа хамт залбирал үйлдсэн нь төд удалгүй амьдралыг нь өөрчилсөн үйл явдал өрнөхийн өмнөх мөч болжээ. Тоглолтын үеэр түүний зүрхний хэм алдагдаж, тэрээр мөсөн дээр ухаан алдан унасан байна. Эмч нарын хэлснээр Билли 16 минутын турш зүйл ёсоор нас барсан ажээ.

Би мөсөн дээр байсан. Би төдийлөн ихийг санахгүй байна. Гэхдээ зүрх минь V-fib [зүрхний амь насанд аюултай хэм алдагдал]-д орж, би зүгээр л мөсөн дээр ухаан алдан унаснаа мэдэж байна. Гэхдээ надад огт үхсэн мэт санагдаагүй, учир нь би Гэрэл дотор зогсож байсан. Би Бурхантай хамт зогсож байсан бөгөөд өмнөх хэзээ ч байгаагүйгээрээ илүү амьд мэт санагдаж байлаа. Ингэж хэлэхэд, энэ нь яг одоогийнхоос ч илүү бодит мэт санагдсан. Тийм байсан.

Билли нэгэн хөөсийг харж, Бурхан болон Ариун Сүнсийг тодорхой мэдэрчээ. Бурхан түүнд хамгийн чухал хоёр зарлигийн талаар ярьсан байна. Бурхан надтай ярьж байгааг би мэдэрсэн. Тэр надад хамгийн чухал хоёр зарлигийг хэлж байсан. Тэр надаас: “Есүс хамгийн чухал зарлиг юу гэж хэлсэн бэ?” гэж асуусан. Тэр нь Бурхнаа бүх оюун ухаан, бүх сэтгэл, бүхий л зүрх сэтгэлээрээ хайрлах, мөн хөршөө өөртэйгөө адил хайрлах гэсэн зарлиг байсан. Тэр үүнийг хэлэхэд бүх зүйл бүрэн утга учиртай болсон. Энэ нь бүх зүйлийг маш энгийн болгосон ч бид заримдаа өөрсдөө үүнийг хэт төвөгтэй болгодог.

Дараа нь Ариун Сүнс миний мөрөн дээр хүрч, намайг тэр хөөсний байсан газар буюу Гэрлийн яг гаднах хэсэг рүү дагуулж явж буй мэт санагдсан. Алхах үед минь байсан энэ гайхамшигтай Гэрлийг би хэнд ч тайлбарлаж чадахгүй. Учир нь хэзээ ч харж байгаагүй сохор хүнд цэнхэр өнгийг тайлбарлахтай л энэ адилхан. Буцаад алхаж явахад сүүдэр зүгээр л сарнин алга болж, хөөс гэрэлтсэн. Энэ бол Ариун Сүнс гэдгийг эргэлзээгүйгээр би мэдэж байсан ба Тэр намайг бие рүү минь буцаан хөтөлж байв. Биеэ харах үедээ би бүр өөрийгөө гэж таньж чадаагүй. Учир нь тэр мөчид өөр юу ч чухал биш байсан. Гэхдээ энэ нь би өөрөө гэдгийг ухаарах үедээ сэрсэн.

Сэрсний дараа Билли яагаад Бурхан, Ариун Сүнсийг харсан атлаа Эзэн Есүс Христ (цагаан хоолтон)-ийг харсангүй вэ гэж эргэлзэн боджээ. Учир нь ижил төстэй тохиолдлыг үзэж туулсан олон хүн Түүнийг харсан гэж ярьдаг. Билли Эзэн Есүс Христэд залбирч, Тэр хаана байсан талаар асуужээ. Дараа нь, түүний өглөөний залбирлын үеэр Бурхан түүнд нэг ахуй ойлголт харуулжээ.

Би сэрээд, зүгээр л орондоо хэвтэж байв. Тэнд суугаад, жаахан зүүдлэх мэт болдог доо. Бурхан намайг үнэхээр тэр мөч рүү буцаан аваачсан. Би тэнд суугаад, хөөсийг харж байхдаа, нэвт харж чадсан бөгөөд хөөсөн дотор Есүсийг харсан. Тэр миний биеийн ойролцоо зогсож, өвдөг сөгдөн, намайг амьдруулахын тулд зөв зүйлсийг хийж байсан бүх хүнийг үнэхээр чиглүүлж байсан. Надад AED [хөндлөнгийн автомат дефибриллятор] хэрэглэж байсан хүмүүс, надад CPR [зүрх-уушгины сэхээн амьдруулах арга] хийж байсан хүмүүс— Тэр тэнд байсан. Эхнэр минь тэр мөчид Есүсийн нэрийг хэлэн залбирч чадсан учраас Тэр хөөсөөр дамжин гарч ирээд, миний хажууд байж, амийг минь аварсан. Есүсгүйгээр би өнөөдөр энд байхгүй байх байсан.

Биллийн туршлага нь түүнийг сүсэг бишрэлдээ туйлын итгэлтэй болгож, үнэнийг эрж буй бусад хүмүүст зориулан захиас үлдээжээ. Ямар ч эргэлзээгүйгээр би Түүнийг оршдог гэдгийг мэднэ. Есүс Христ бол миний Эзэн, Аврагч билээ, Эзэн минь, Танд би залбирч байна. Хэрэв та Түүнийг эрж хайвал, Түүнийг олно. Баталгаатай. (Фокс Ньюс)