ӨДӨР ТУТМЫН МЭДЭЭ-ний гол тойм – 2026 оны 2 сарын 4

АНУ-ын Ерөнхийлөгч Трамп Иран улс цөмийн гэрээг шинэчлэх АНУ-ын нөхцөлийг Тегеран хэдийн хүлээн авсан гэж мэдэгджээ. Вашингтон хот Ираны ойролцоо цэргийн хүчээ өргөжүүлж, Ираныг цөмийн үйл ажиллагаагаа хумьж, жагсагчдыг хөнөөхөө зогсоохыг анхааруулжээ. (Фокс Ньюс)

Мьянмарын мөргөлдөөн тав дахь жилдээ орж, буйтай холбогдуулан ЕХ [Европын Холбоо] хүмүүнлэгийн тусламжид 63 сая еврог хуваарилж, Мьянмар дахь дүрвэгсдийн хүнс, орон байр, эрүүл мэнд, боловсролд санхүүжилт олгож, Бангладеш дахь 1.2 сая орчим рохинжа дүрвэгчид дэмжлэг үзүүлэн, Энэтхэг, Индонез, Малайз, Тайланд дахь дүрвэгчдэд нэмэлт тусламж үзүүлнэ. (Европын Хороо)

Герман, Швед, Словак улсууд Украин (Урейн)-ы эрчим хүчний сүлжээг бэхжүүлэх зорилгоор цахилгаан станц, генератор, батарейн систем нийлүүлж, Киев, Чернигов болон бусад хотын эмнэлэг, зайлшгүй үйлчилгээний байгууллагуудыг дэмжлэг үзүүлжээ. “Украинд дулаан” аян нь тус бүс нутаг даяар өргөжиж, Европ тив даяар өвлийн турш Украин (Урейн)-тай эв санааны нэгдэлтэй байгааг харуулж байна. (Инкорр)

АНУ-ын Ерөнхийлөгч Дональд Трамп Өөрийнх нь бодлого нэг жилд 18 их наяд ам.долларын шинэ хөрөнгө оруулалт татсан гэж мэдэгдэж, өмнөх засаг захиргааны үед эдийн засаг суларсан гэж Түүний тодорхойлж байсантай харьцуулахад одоо АНУ-ын эдийн засаг инфляц багасаж, бодит орлого өссөнөөр хүчтэй өсөж байна гэж нотолж байна. (Бао Дань Три)

ИБУИНВУ-ын Засгийн газар “Дулаан гэрийн хөнгөлөлт” хөтөлбөрөө 2030/2031 он хүртэл сунгаж, шаардлага хангасан 6 сая, түүний дотор Шотландын илүү олон өрхөд жил бүр 150 фунт.Стерлингийн эрчим хүчний төлбөрийн буцаан олголт олгохын зэрэгцээ зардлыг бууруулж, хүртээмжийг сайжруулах зорилготой илүү өргөн арга хэмжээг хэрэгжүүлнэ. (Gov.uk)

[ИБУИНВУ-ы] Итгэмжит хадгаламж банк дурлалын залилан огцом нэмэгдэж байгааг анхааруулжээ. Уг хэргийн тохиолдол 37%-иар өсөж, хохирогчид олон удаагийн төлбөрт дунджаар7,500 фунт.Стерлинг алдсан байна. Залилагчид цахим орчинд хүмүүсийн итгэлийг олдог бөгөөд 2025 оны эхний хагаст нийт 20.5 сая фунт.Стерлингийн алдагдалд хувь нэмэр оруулжээ. (Бирмингхэм Мэйл)

Татвартай холбоотой хууль ёсны компани мэт дүр эсгэсэн луйварчид татварын улиралд америкчуудыг улам ихээр онилж, тэднийг татварын өртэй, хууль эрх зүйн яаралтай арга хэмжээ авна гэж сүрдүүлэн, мөнгө хурдан шилжүүлэхийг шаарддаг бөгөөд [АНУ-ын] Better Business товчоо хэмээх зах зээлийн ашгийн бус ёс зүйн группээс энэ чиг хандлагаар улс даяар бараг 6 сая ам.доллар завших оролдлого гарсан гэж мэдээлжээ. (KOMO Ньюс)

Эрдэмтэд нойр дутуу байх нь анхаарал төвлөрлийг сүйтгэж, тархины бор гадаргад дурсамж хадгалах үйл явцыг хаадаг гэж анхааруулжээ. 7–9 цагийн хангалттай нойр авахгүй байх нь гиппокампын үйл ажиллагааг алдагдуулдаг бол архаг нойргүйдэл нь Альцгеймертэй холбоотой хорт уургийн хуримтлалыг өдөөдөг. Мэргэжилтнүүд тогтмол унтах хуваарь баримтлах, кофеин зэрэг сэргээшний хэрэглээг хязгаарлан, танин мэдэхүйн чухал эрүүл мэнд, сэтгэцийн тогтвортой байдлаа хамгаалахыг уриалж байна. (ВнЭкспресс)

Хятадад 30 настай хүн 3–4 жилийн турш цустай өтгөнөө шамбарам гэж андуурсны улмаас бүдүүн гэдэсний хорт хавдрын 4-р шатанд орж хүндрэн нас баржээ. Эмч нар залуу насанд хүрэгчдэд хавдрын тохиолдол нэмэгдэж буй тул 2 долоо хоногоос дээш хугацаанд дараах шинж тэмдэг илэрвэл эмчид яаралтай үзүүлэх шаардлагатайг анхааруулж байна. Үүнд: -Цустай өтгөн

-Өтгөн гаралтын хэв маяг өөрчлөгдөх (суулгах эсвэл өтгөн хатах)

-Өтгөн нарийсах

-Шалтгаангүй жин буурах, цус багадалт

-Хэвлийн хөндийд тэмтрэгдэх зангилаа, эсвэл удаан үргэлжлэх өвдөлт

(ВьетнамНет)

Мөөг нь арьсыг гэрэлтсэн байлгахад шаардлагатай уураг, шим тэжээлийг өгдөг. Хоол зүйчид мөөг нь өндөр чанартай веган уураг, В аминдэм, коллагены нийлэгжилт, арьсны эсийн нөхөн төлжилтийг идэвхжүүлдэг үл исэлдүүлэгчээр баялаг гэж онцолж байна. Мөөгөнд агуулагдах бета-глюкан болон полисахаридууд нь элгийг хоргүйжүүлж, дархлааг дотроос нь дэмждэг. Хаан хясаа мөөг, шиитаке мөөг зэрэг төрөл нь арьсны уян хатан чанарыг хадгалахын зэрэгцээ хоол боловсруулалтын асуудлаас үүдэлтэй батга гарахаас сэргийлэхэд тустай. (aFamily)

Бүгд Найрамдах Ардчилсан Конго Улсын зүүн хэсэгт колтан [металлын хүдэр] олборлодог уурхайд их бороо орсны улмаас хөрсний гулсалт үүсэж, наанадаж 227 хүн амиа алджээ. Аврагчид шаварт дарагдсан хохирогчдыг эрэн хайж байна. (Гардиан)

[Индонезийн] Баруун Жавад өнгөрсөн долоо хоногт их борооны дараа үүссэн хөрсний гулгалтын улмаас амиа алдсан хүний тоо 49 болж өсжээ. Аврагчид сураггүй болсон 15 хүнийг эрэн хайж, эрх баригчид онц байдлын ажиллагааг дахин нэг долоо хоногоор сунгалаа. (Ройтерс)

Афганистаны зүүн Нангархар мужид орсон аадар бороонд нэг байшин нурж, нэг ээж, зургаан хүүхэд амиа алджээ. 2026 оны 1-р сарын сүүлчийн ширүүн цаг агаарын улмаас улс даяар 61 хүн нас барж, зуу гаруй хүн бэртсэн байна. (Три түк & Куок сон)

Азербайжаны Хажигабул дүүрэгт шавар галт уул дэлбэрчээ. Газар хөдлөлийн шинжтэй 13 минут үргэлжилсэн уг үзэгдэл газар доорх 3 км-ийн гүнээс эхтэй бөгөөд хохирол, бэртэл гэмтэл бүртгэгдээгүй гэж албаныхан мэдээлжээ. (News.Az)

Дэлхийн томоохон тойм судалгаагаар арлууд дээрх газрын эмгэн хумс-хүмүүс асар хурдтайгаар устаж буй бөгөөд галт уулын бүсийн өндөрлөг арлуудад ихэвчлэн 30–80% нь устсаныг тогтоожээ. Амьдрах орчны алдагдал, гаднын махчин амьтад, хүний үйл ажиллагаа нь дэлхийн биологийн олон янз байдлын хамгийн ноцтой сүйрлийн нэгийг өдөөж буй бөгөөд АНУ-ын Хавай болон Номхон далайн бусад арлууд хамгийн их өртсөн байна. (Earth.com)

[АНУ-ын] Сан-Диего хотын Калифорнийн Их Сургуулийн шинэ судалгаагаар нефтийн гаралтай бичил хуванцар нь хэвийн үед замгийг хяналтад барьж байдаг зоопланктон (усанд хөвөгч бичил амьтан-хүмүүс)-ийг хөнөөн, хорт замгийн ургалтыг эрчимжүүлж, усан орчны хүнсний сүлжээг тогтворгүй болгодог байж болзошгүйг харуулжээ. Харин биологийн задралд ордог хуванцар нь ийм нөлөө үзүүлдэггүй аж. (Earth.com)

Америкийн Ютүбэр, “Sarah's Vegan Kitchen” сувгийн үүсгэн байгуулагч, Сара Салливан (веган) нь өвлийн улиралд тохирох дөрвөн аятайхан, веган шөлөө хуваалцжээ. Эдгээр нь: “Өтгөн жигнэсэн төмс”, “Шарсан улаан лоольтой сэвэг зарам”, “Нимбэг, ангаахай шошийн орзо”, “Лууван цагаан гаа” гэсэн шөлнүүд юм. Эдгээр энгийн веган жор нь гал тогоонд байдаг гол хүнсийг ашиглаж, нэмэлт орцоо уян хатан сонгож болдог бөгөөд хүйтний улиралд завгүй ажлын өдрүүдийн орой дулаан илч өгч, дурсамж төрүүлэх амтыг мэдрүүлнэ. (Ургамалд суурилсан мэдээ)

Кембриж хот нь [АНУ-ын] Массачусетс мужийн дэлхий даяар веган хүнсний тогтолцоонд шилжихийг зорьдог Plant Based Treaty-ийг дэмжсэн анхны хот боллоо. Хотын удирдлагууд тогтвортой хүнсний боловсролоор дамжуулан ялгаруулалтыг бууруулж, олон нийтийн эрүүл мэндийг сайжруулахыг зорьж байна. (Boston.com)

[АНУ]-ын Өмнөд Калифорнийн Jasmine's Skin Care нь арьсны өнгө төрхийг сайжруулах 100% ургамлын гаралтай Green Power Energy Peel бүтээгдэхүүнээрээ веган гоо сайхныг онцолж байна. Ёс зүй ба үр дүнг хослуулсан тус студи тогтвортой, харгислалгүй, арьс арчилгааны мэргэжлийн үйлчилгээний огцом өсөж буй эрэлтэд үүнийг нийцүүлжээ. (KTLA 5)

Animal Rescue Corps байгууллага [АНУ-ын] Миссури мужийн өвлийн шуурганд гадаа байсан 18 нохой-хүнийг аварчээ. Тэдний дунд хээлтэй нохой эх байсан бөгөөд дараа нь тэдний асрах газарт аюулгүй төрсөн байна. Хүчин мөхөстсөн эзэд нь амьтан-хүмүүст тусламж хүссэний эцэст тэдгээр нь зохистой асаргаа авч, үрчлэгдэх боломжтой болжээ. (Сайн мэдээний сүлжээ)

Чандра шуурганаас зугтсан далайн хавын балчир зулзага [Их Британийн] Корнуоллд эргээс ойролцоогоор 100 метрийн зайд хуурай газар руу төөрөн орж, жирийн айлын цэцэрлэгт очжээ. Аврагчид тэнд түүнийг эрүүл байгааг тогтоож, далайн эргийн илүү дээр газарт аюулгүй буцаан тавьжээ. (Дэйли Мэйл)

АНУ-ын зэрлэг амьтдын гарцууд нь авто ослыг 90-ээс дээш хувиар бууруулж, жил бүр 10 тэрбум гаруй ам.долларын зардал хэмнэж, олон зуун хүний амийг аварч, гүүрэн гарц, нүхэн гарц, хашлагаар дамжуулан амьтан-хүмүүсийн амьдрах орчныг дахин холбож байна. (Pew)

[АНУ-ын] Охайо мужид цас түрэгчийн жолооч Ивонн Каудилл өвлийн томоохон шуурганы дараа гүн цасан хунгараасДрифт нэртэй муурын зулзагыг аварчээ. Одоо Файетт бүсийн хүмүүнлэгийн нийгэмлэгт эдгэрч буй уг зулзага амьд үлдсэн нь эрс тэс цаг агаарын үед олон нийтийн хамтын ажиллагааны ач холбогдлыг онцлон харуулжээ. (10TV)

[Энэтхэгийн] Жайпур хотод Масуум Кэйр санг үүсгэн байгуулагч, аврагч Лакхан Хоххар хэт халуунд ус хайж яваад гөлгөр ханатай бетон сувагт гацсан тогос-хүнийг аварчээ. Ядарч туйлдсан шувуу найзыг тэрээр аюулгүй гаргасны дараа, тэнхэрч, зэрлэг амьтдад ээлтэй хотын дэд бүтэц нэн шаардлагатай байгааг тодотгож байна. (theBetterIndia)

Өдрийн уран сэтгэмжийн эшлэл: “Би гантиг чулуун доторх тэнгэр элчийг харсан, тэгээд түүнийг чөлөөлөх хүртлээ сийлсэн.” Их сэргэн мандалтын үеийн Италийн нэрт уран барималч, зураач, архитектор, яруу найрагч Микеланжело (BrainyQuote)

Энэ бол тун баяр баясгалантай зүйл байсан. Учир нь гэнэт биет ертөнцөд хүлэгдэхээ болих нь асар их эрх чөлөө өгсөн… Америкийн дохионы хэлний орчуулагч, сургагч Денис Спайт хоёр өдрийн турш хэрхэн дахин дахин биеэсээ гарч, бид Бүхэн рүү гэртээ харьж, хэдийнээ мэддэг байсан бүхнээ санаж, зорилготой, баяр баясгалантай амьдрах учиртайг ойлгосон тухайгаа хуваалцаж байна.

31 настайдаа Денис цөсний хүүдий авхуулахаар эмнэлэгт очжээ. Цөсний сувгийг шалгах дурангийн ретроград холангиопанкреатограф хэмээх эмнэлгийн дагалдах ажилбарын үеэр сувилагчид түүнийг рентген ширээн дээр бэхлэхээ мартсан байна. Тайвшруулах эмийн нөлөөнд орсны дараа Денис ширээнээс өнхөрч унаад, дотор гэмтэл авсан ч дүрс оношилгоонд илрээгүй аж. Түүнийг гэр лүү нь явуулсан ч дотоод цус алдалт үргэлжилсээр бие нь маш хүндэрч, яаралтай тусламжийн өрөө рүү буцаан хүргэгджээ.

Намайг яаралтай тусламжийн өрөө рүү буцаан хүргэсэн. Би маш, маш хүнд байдалтай эмнэлэгт буцаж ирсэн бөгөөд хамгийн түрүүнд санаж буй зүйл маань түргэн тусламжийн өрөөнд эмч нар миний биеийг эмчилж байгааг ажигласан явдал байлаа. Би над дээр ажиллаж байсан эрэгтэй сувилагчийг санаж байна. Тэр шингэн залгахын тулд дусал залгуур (IV)-ын зүүг гар луу минь хатгах гэж ихэд хичээн оролдож байсан. Тэр том зүүгээр дахин дахин хатгаж байсан тул би ихэд түгшиж, стресст орсноо санаж байна. Би өдөр бүр гараа ашигладаг, зөвхөн ажил мэргэжилдээ ч биш, охин минь сонсголгүй болохоор гар, шуугаа гэмтээчих вий гэж маш их айж байсан. Тэгэхээр би түүнтэй харилцаж, өдөр тутамдаа дохионы хэл ашиглахын тулд гар маань ажиллах хэрэгтэй байсан. Намайг анх удаа сэхээн амьдруулахад би ихэд бухимдаж, тэр талаар даруй ярьснаа санаж байна. Тэр үед ажилтнууд надаас ямар нэгэн аман хариу гарна гэж огт бодоогүй байсан тул ихэд цочирдсон.

Дараагийн хоёр өдрийн турш Денис ойролцоогоор найман удаа биеэсээ гарсан байна. Эхэндээ тэр явдал нь ажиглагч байдлаар, бие махбодтойгоо холбоотой байсан ч аажмаар улам холдож, тэнд болж буй зүйлд бага санаа зовдог болжээ. Энэ явдлаас өмнө Денис ямар ч сүнслэг итгэл үнэмшилгүй, “үхвэл үхнэ” гэсэн үзэлтэй байжээ.

Эцэст нь намайг угтан авсан хүн бол миний нагац эгч Кэти байсан. Тэр яг л миний бие махбодтойгоо холбоотой байдлаас салж, тийшээ нэвтрэх замыг минь зөөллөхөөр ирсэн мэт санагдаж, намайг аюулгүй, энэ нь тохиолдох ёстой зүйл, үүнийг мэдрэх нь зүгээр, айх хэрэггүй, энэ нь эрсдэлтэй, аюултай зүйл ч биш, би буруу зам руу орж байгаа ч юм биш гэдгийг ойлгуулсан. Тэр тэнд богинохон хугацаанд байсан. Биеэсээ гарах үеүдийн дунд, магадгүй, хэд хэдэн удаад нь тэр байсан гэж бодож байна. Тэр нь тун тод мэдрэгдсэн, бараг л сүнслэг байдлаараа гараас минь хөтөлсөн мэт байсан. Тэгээд биеийнхээ танил зүйлстэй холбоотой байсан хэрэгцээнээсээ давмагц тэр мэдрэмжээс ч цааш холдсон.

Денис өөрийнх нь хэлснээр шилжилтүүдийг мэдэрч, сүнс нь биет ертөнцөөс орчлон ертөнц рүү шилжсэн байна. Түүний нагац эгч Кэти нь Мэрилэндийн Ларримор Пойнт буюу Кэтигийн амьдарч байсан, мөн оршуулагдсан газарт түүнтэй хамт үзэгдсэн байна.

Би үүнийг зүгээр гэдгийг ойлгож эхлэх үедээ би одоо эргээд бодоход “Үүнийг л итгэлийн үсрэлт гэдэг бил үү?” гэж бодож байснаа санаж байна. “Би энэ хаднаас үсрээд, энэ гарагийг орхино” гэсэн мэдрэмж төрснөө санаж байна. Магадгүй миний өөрийн сүнс намайг түлхэж, “Үнэхээр зүгээр ээ. Чи энэ хаднаас үсэрч болно, чи унахгүй. Чи очих ёстой газраа очно.” гэж хэлүүлсэн байх. Одоо эргээд харахад ч энэ бол тун баяр баясгалантай зүйл байсан. Учир нь гэнэт биет ертөнцөд хүлэгдэхээ болих нь бүрэн эрх чөлөө, бүхэл бүтэн байдлын мэдрэмж төрүүлж, “дэлхийн оршихуй”, “өөрийн оршихуй”-гаас илүү “орчлон ертөнцийн оршихуй” гэсэн мэдрэмж рүү тэлсэн нь асар их эрх чөлөө өгсөн. Тэр орон зай руу шилжих тусам би өөрийн би үзлээ, Денис гэх өөрийн дүр төрхөө тавин явуулахад улам бэлэн болж, гэртээ буцаж буйгаа илүү тод ойлгохыг хүсэж байлаа.

Денис хувь хүний би гэх мэдрэмжээ орхих үед бүхнийг мэдэж, санаж буй гүн гүнзгий мэдрэмж төржээ. Яг л та өөрийгөө зөвхөн “та” байхаа болихыг зөвшөөрөх мөчид, аль хэдийн мэдэж байсан бүхнээ санахыг өөртөө зөвшөөрч байгаа мэт. Та дахин дүүргэгдэх, дахин нэгдэх, Бүхэл рүү буцаан цутгагдахыг өөртөө зөвшөөрдөг. Энэ дэлхий дээр миний мэдэрч байсан энэ аяга би буцаан цутгагдсан. Бүхэлтэй дахин нэгдэхэд бүх зүйл аль хэдийн тэнд байсан. Энэ нь харилцахаас илүү “мэдэхүй” байсан. Надад суралцаж байна гэж огт мэдрэгдээгүй. Харин санаж байна гэдгээ л мэдрэх мэт байсан. “Та хийх ёстой” эсвэл “би хийх ёстой юу” гэх мэдрэмж байгаагүй. Харин “Мэдээж, энэ л байна. Мэдээж, энэ бол таны мэддэг зүйл. Мэдээж, энэ бол үнэн.” гэсэн мэдрэмж л байв. Тэр бүрэн мэдлэгийг хүлээн зөвшөөрөхийн тулд, бүрэн шингээж авахын тулд гэмээр санагдаж байна, миний холбоотой үлдсэн өчүүхэн зүйлс хүртэл бүрэн тавигдах ёстой байсан. Тэнд би хувь хүн байгаагүй. Би Бүхэл рүү буцаан цутгагдсан.

Тэр үүнийг энгийн зургаар – яг л нэг аяга усыг хувин руу буцаан асгахтай адил тайлбарлажээ. Чи тэр аягатайг асгаад, хувин доторх усанд тэр аяга ус нь өөрөө аяга ус хэвээр үлдэнэ гэж байхгүй. Зүгээр л Бүхэнд нийлж уусна. Бүхэнтэй дахин нэгдсэн мэт санагдах, бүхнийг мэдэгч энэ төлөв дотор Денис оюун санааны зорилгоороо амьдраагүйгээ ойлгоход, биедээ буцах эсэх сонголтыг түүнд өгчээ.

Миний биеэсээ гарсан ойлголтын хамгийн төгсгөлд, би гарцаагүй “сонголт өгөгдсөн” гэдэг үгийг хэрэглэж байна. Учир нь энэ л миний хэлж мэдэх миний мэдэх хүний хэл шүү— гэхдээ надад бие махбоддоо буцах эсэх сонголт байсан. Сонголт нь бие махбоддоо буцах, эсвэл буцахгүй байх гэсэн үнэхээр энгийн байсан. “Би буцаж чадна” гэхээсээ илүү, бие махбод руу дахин орж болох байсан. Гэхдээ бие махбод магадгүй дийлэхгүй, ухаангүй хэвтрийн хүн болж үлдэх ч магадгүй, хүний амьдралынхаа үлдсэн хугацааны туршид ургамал болж болзошгүй, эсвэл ямар нэг байдлаар хөгжлийн бэрхшээлтэй болж болох нь маш тод ойлгогдож байсан. Гэхдээ зорилготой амьдрахын үнэ цэнэ үүнээс хавьгүй өндөр байсан.

Миний зорилгын том хэсэг буюу зорилгын маань өөрт хамаарах хэсэг нь бид бүр өөр өөрийн орших шалтгаантай, та ямар нэг зүйлийг авчирна, ямар нэгийг авна гэж би хэлдэг дээ. “Ямар нэг зүйлийг авчрах” нь хором бүрд чадлынхаа хэрээр баяр хөөртэй амьдарч, бусдад ч мөн тэгэхэд нь туслахад оршино. Миний авчрах, авах зүйл энэ. Ээж хүний өнцгөөс харвал, хүүхдүүддээ ч гэсэн түүнийг хийх арга замыг олоход нь туслах явдал юм.

Тиймээс эцэст нь энэ биед эргэж ирэхийг сонгох нь эргэлзээгүй зүйл байсан. Тэр хүртэл буцахгүй байх маш, маш, маш хүчтэй боломж байсаар байсан. Учир нь хэн бүхнийг мэдэхийг хүсэхгүй гэж? Хэн бүх зүйл оршдог тэр газарт байхыг хүсэхгүй гэж? Та бүгдийг мэднэ. Та асуулт тавихгүй. Өвдөлт гэж байхгүй. Гэмшил, буруу зүйл хийсэн мэт мэдрэмж гэж байхгүй. Бүрэн бүхэл мэдрэмж л оршдог: “Би Бүхэлтэй хамт байна. Би байх ёстой газраа байна. Би бүхнийг уучилсан. Надад шаналал ч, өвдөлт ч үгүй.” Би зөвхөн биеийн шаналал, өвдөлтийг яриагүй. Сэтгэлийн шаналал, өвдөлтийг, бусадтай харилцахдаа бидний өөрсдөдөө үүрүүлдэг тэр жинг ярьж байна. Тэр цэг хүртэл би үнэхээр, бүрмөсөн буцаж ирнэ гэж бодоогүй.

Эргэлтийн цэг нь ямар ч ачаа тээш чухал биш, биеийн өвдөлт чухал биш болж, зөвхөн зорилготой байх л хамгийн чухал болсон мөч байсан. Тэгээд мэдээж тийм байхад та буцаж ирнэ. Учир нь түүнийг хийхийн тулд та энд байх хэрэгтэй, түүнийг хийхийн тулд та энд байх хэрэгтэй, “энд” л миний буцаж ирэх ёстой газар байсан. Тиймээс би энд ирсэн. (КҮТ Видео)