ӨДӨР ТУТМЫН МЭДЭЭ-ний гол тойм – 2026 оны 7-р сарын 13

АНУ пүрэв гарагт Иран улсыг байлдааны ажиллагааг түр зогсоосон АНУ-Ираны харилцан ойлголцлын санамж бичгийг зөрчсөн гэж буруутгасан ч дипломат шийдэлд хүрэхийн төлөө хэвээр байгаагаа мэдэгджээ. (Фокс Ньюс)

Катар, Пакистан, Турк, Египет, Саудын Араб зэрэг бүс нутгийн зуучлагчид хурцадмал байдлыг намжааж, АНУ-Ираны цөмийн хэлэлцээрийг сэргээхээр ажиллаж байна гэж Аксиос агентлаг пүрэв гарагт мэдээлжээ. (Фокс Ньюс, Аксиос)

Пакистаны ерөнхий сайд Шехбаз Шариф Иран, АНУ болон бусад талуудад өнгөрсөн сард Пакистаны зуучлалаар байгуулсан АНУ-Ираны харилцан ойлголцлын санамж бичгийн үүргээ биелүүлэхийг шаарджээ. Ерөнхий сайд Шариф Ираны ерөнхийлөгч Масуд Пезешкиан, Катарын Эмир Шейх Тамим бин Хамад Аль Танитай тус тус утсаар ярьж, бүс нутгийн энх тайван, тогтвортой байдлыг хадгалахын тулд тэвчээртэй байж, дипломат ажиллагаагаа үргэлжлүүлэхийг уриалсан байна. (Анадолу)

АНУ-ын Ерөнхийлөгч Трамп баасан гарагт АНУ Иран улстай хэлэлцээрээ сэргээхээр зөвшилцсөн ч гал зогсоох дэглэм дууссаныг дахин мэдэгджээ. “Исламын Бүгд Найрамдах Иран Улс биднээс ‘хэлэлцээр’-ээ үргэлжлүүлэхийг хүссэн. Бид зөвшөөрсөн ч гал зогсоох дэглэм ДУУССАН гэдгийг АНУ тэдэнд хоёрдмол утгагүйгээр мэдэгдсэн!” гэж ноён Трамп олон нийтийн Truth сүлжээнд нийтэлжээ. (Фокс Ньюс)

Трампын засаг захиргаа Иран улсаас олон нийтэд Ормузын хоолой дахь худалдааны хөлөг онгоц руу хийх халдлагаа бямба гараг гэхэд зогсоохоо амлахыг шаардсан бөгөөд эс бөгөөс тодорхойгүй үр дагавар хүлээхийг анхааруулсан гэж Аксиос мэдээлжээ. АНУ Иранаас стратегийн ач холбогдолтой усан зам нээлттэй байгааг хүлээн зөвшөөрч, хөлөг онгоцнууд руу халдахаа зогсоон, бүх усан зам хураамжгүй нээлттэй хэвээр байгаа гэдгийг хүлээн зөвшөөрөхийг шаарджээ. (Фокс Ньюс, Аксиос)

Ираны албаны хүмүүс Ормузын хоолой дахь худалдааны хөлөг онгоцнуудад халдсан нь “алдаа” байсан бөгөөд хэлэлцээрийг үргэлжлүүлэх хүсэлтэй байгаагаа Трампын засаг захиргааны зөвлөхүүдэд хувиараа мэдэгдсэн гэж CBS News АНУ-ын өндөр албан тушаалтнуудын эш татан мэдээлжээ. “Тэд хэлэлцээрийн ширээнд эргэн ирээд, ‘Бид буруу зүйл хийжээ. Бид алдаа гаргасан байна. Яриагаа үргэлжлүүлье.’ гэсэн” гэж АНУ-ын нэгэн албан тушаалтан CBS-д ярилцлага өгчээ. АНУ-ын Ерөнхийлөгч Трамп дэд ерөнхийлөгч Жэй Ди Вэнс, тусгай элч Стив Уиткофф, Төрийн нарийн бичгийн дарга Марко Рубио, тусгай элч Жаред Кушнер нарт бямба гарагт Оманд болох төлөвтэй байгаа хэлэлцээрийг явуулахыг үүрэг болголоо. (Фокс Ньюс, CBS Ньюс)

Их Британийн Далайн худалдааны байгууллага баасан гарагт Ормузын хоолойн аюулгүй байдлын заналхийллийн түвшин “НОЦТОЙ” хэвээр байгааг анхааруулжээ. Зөвлөмжид худалдааны хөлөг онгоц руу саяхан өдөөн хатгалгагүй халдсаныг дурдсаны зэрэгцээ хоолойн өмнөд хэсгээр өргөтгөсөн чиглэл бүх хөдөлгөөнд нээлттэй хэвээр байгааг бататгажээ. Далайчдыг НАТО [Умард Атлантын гэрээний байгууллага]-гийн Усан тээврийн тэнгисийн цэргийн хамтын ажиллагаа, удирдамжийн албатай холбоотой байж, тэсрэх бөмбөгөөс сэрэмжлэхийг уриалжээ. Пүрэв гарагт газрын тос тээвэрлэгч хоёр онгоцыг оруулаад 22 хөлөг уг чухал усан замаар нэвтэрсэн байна. (Фокс Ньюс)

НҮБ-ын Олон улсын далайн байгууллага 176 гишүүн орондоо баасан гарагт Иран улсын Ормузын хоолойг захирах эрхтэй гэсэн мэдэгдлийг няцаахыг уриалжээ. ОУДБ-ын удирдах зөвлөл хоолойн хөдөлгөөнийг хянах зорилготой аливаа байгууллагыг Иран байгуулах ёсгүй гэж үзэж, улс орнуудад Ираны зарласан бүрэн эрх болон хөлөг онгоцны хөдөлгөөнд саад хийх аливаа оролдлогыг хүлээн зөвшөөрөхгүй байхыг уриалсан байна. (Фокс Ньюс, Ройтерс)

АНУ-ын Тэнгисийн цэргийн төв командлал [NAVCENT] баасан гарагт Ормузын хоолойд хариуцдаг өмнөд дамжин өнгөрөх зурвасыг “өргөтгөсөн бөгөөд бүх хөдөлгөөнд нээлттэй хэвээр байгаа” гэж мэдэгджээ. “Ормузын хоолойг хаах, хянах эрх аль ч улсад байхгүй.” гэж NAVCENT Их Британийн Далайн худалдааны байгууллагаар дамжуулан гаргасан мэдэгдэлдээ дурджээ. “АНУ-ын хүчин заналхийллийг таслан зогсоох, чөлөөтэй зорчих эрхийг хамгаалах, хууль ёсны хөдөлгөөнд саад хийх аливаа оролдлогод шийдэмгий хариу өгөхөд бүрэн бэлэн байна.” гэжээ. (Фокс Ньюс)

Израил улс АНУ-тай Иран улс АНУ-ын Ерөнхийлөгч Трампыг хөнөөх шинэ төлөвлөгөө боловсруулсныг харуулсан тагнуулын мэдээллийг хуваалцсан гэж Уолл Стрийт сэтгүүлд мэдээлжээ. Тус сэрэмжлүүлэг нь 2020 онд Исламын хувьсгалт гвардын корпусын генерал Касем Солейманиг хөнөөсөн АНУ-ын цохилтын хариуг авна гэсэн Ираны олон жилийн заналхийллийг улам хурцатгажээ. (Уолл Стрийт Журнал, Фокс Ньюс)

Баасан гарагт шилжих шөнө Украин (Урейн)-ы дроны цохилтоор ОХУ-ын Краснодар мужийн Ильскийн газрын тос боловсруулах үйлдвэр болон хөрш Ростов мужийн хоёр агуулах, газрын тосны терминал зэрэг түлшний байгууламжид гал гарчээ. (Дойче Велле)

ОУУЗХ [Олон Улсын Улаан Загалмайн Хороо]-ны ерөнхийлөгч Мирьяна Сполярич Орос-Украин (Урейн)-ы мөргөлдөөнтэй холбоотой хүмүүнлэгийн асуудлаар өндөр албан тушаалтнуудтай хэлэлцээр хийхээр ОХУ-д айлчилжээ. Тэрээр олон улсын хүмүүнлэгийн хуулийг сахих, энгийн иргэд болон нэн чухал дэд бүтцийг хамгаалах, ОУУЗХ-нд дайны олзлогдогсодтой тогтмол уулзах боломж олгох нь улс орнуудын үүрэг гэдгийг онцолсон байна. ОУУЗХ фронтын шугамын хоёр талд тусламж хүргэхээр үйл ажиллагаа явуулж, талуудын хооронд төвийг сахисан зуучлагчаар ажиллаж байна. (Олон Улсын Улаан Загалмайн Хороо)

Их Британи, Нидерланд улсууд Нидерландын загвараар Их Британийн усан онгоцны үйлдвэрүүдэд үйлдвэрлэх шинэ десантын тээврийн хөлгөөр зэвсэгт хүчнээ хангах 2.4 тэрбум фунт.Стерлингийн тэнгисийн түншлэлийн гэрээ байгууллаа. Ерөнхий сайд Кир Стармер, Роб Йеттен нар [Туркийн] Анкара хотод болсон НАТО [Умард Атлантын гэрээний байгууллага]-гийн удирдагчдын уулзалтын үеэр уг гэрээнд гарын үсэг зурж, үүнийг НАТО-гийн тогтоон барих чадавх болон хямралд шуурхай хариулах чадварыг үлэмж нэмэгдүүлнэ гэж тодорхойлжээ. (Gov.uk)

Украин (Урейн)-ы дроны халдлагын улмаас Оросын хамгийн том үйлдвэрлэгчид зэрэг томоохон боловсруулах үйлдвэрүүд зогсож, Оросын бензиний үйлдвэрлэл зуны эрэлтийн 65 орчим хувьтай тэнцэх хэмжээнд хүрч буурчээ. Орос улс бензин, дизель, онгоцны түлшний экспортыг хориглож, Беларусь, Энэтхэг улсуудаас авах импортоо нэмэгдүүлэн, нөөцөө ашиглаж байна. ОХУ-ын Шадар сайд Александр Новак түлшний нөхцөл байдал хүнд хэвээр байгаа бөгөөд энэ нь олон нийтийн санааг зовоож байна гэжээ. (Ройтерс)

Ормузын хоолойн тээвэр хэсэгчлэн сэргэснээр 6-р сард дэлхийн газрын тосны нийлүүлэлт, нөөц өсөж, нийлүүлэлт өдөрт 4.1 сая баррелиар нэмэгдэн, 98.8 сая баррель болсон гэж ОУЭА [Олон улсын эрчим хүчний агентлаг] мэдээллээ. (Фокс Ньюс)

[АНУ-ыг] Тафтсын Их Сургуулийн судлаачид 185 орны хүүхдүүдийн төрсөн цагаас эхлээд 19 нас хүртэлх хооллолтыг судалж, хүүхэд, өсвөр үеийнхэн жимс, хүнсний ногоо, самар, үр, шош, буурцагт ургамал бага хэрэглэдгийг тогтоожээ. Судалгаагаар АНУ-ын хүүхдүүд эхэн үедээ ургамлын гаралтай хүнс харьцангуй их хэрэглэдэг ч 2 наснаас хойш хэрэглээ нь огцом буурдгийг харуулсан байна. (ЭврикАлерт)

Эрүүл мэндийн мэргэжилтнүүд хүн орхоодойг өдөр бүр хэрэглэх нь хүн бүрд тохиромжтой байдаггүй, энэ нь хорт хавдраас сэргийлэх, архаг өвчнийг эдгээх үйлчилгээгүй болохыг анхааруулжээ. Энэ нь ядаргаа тайлах, дархлаа дэмжих, зарим хүний танин мэдэх чадварыг сайжруулах ач тустай ч хэтрүүлэн удаан хэрэглэвэл толгой өвдөх, нойргүйдэх, эмийн аюултай харилцан үйлчлэл үүсгэдэг. Мэргэжилтнүүд нэмэлт бүтээгдэхүүнийг өдөр тутам хяналтгүй хэрэглэхийн оронд эмчийн заавраар зохих тунгаар хэрэглэхийг зөвлөж байна. (Бао Сүк хое ва Дой сон)

Сэтгэл гутрал, түгшүүр нь ихэвчлэн залхуурал, эсвэл хүсэл зориггүй байдал гэж буруу ойлгогддог өвчин тул шаардлагатай эмчилгээг цаг алдахад хүргэдэг гэж сэтгэцийн эрүүл мэндийн мэргэжилтнүүд онцолж байна. Тамирдах, сандралд автах зэрэг хүнд шинж тэмдэг өдөр тутмын ажлыг давахын аргагүй болгодог. Аулак (Вьетнам)-ийн хүүхдүүдийн ойролцоогоор 12 хувь нь сэтгэцийн эрүүл мэндийн эмгэгтэй бөгөөд эмчилгээ шаардлагатай байна. Мэргэжилтнүүд гэр бүл, ажлын хамт олон анхааруулах шинж тэмдгийг таньж, шүүмжлэхийн оронд ойлгон дэмжиж, мэргэжлийн тусламжийг эрт авахад урамшуулахыг уриалж байна. (ВнЭкспресс)

Хятадын өмнөд хэсэгт Майсак халуун орны шуурганы улмаас болсон үерийн улмаас 39 хүн амиа алдсан ихэнх нь далан сэтэрч, Наньнин хот усанд автсанаас болж нас баржээ. Бүс нутгийн 130 мянга орчим оршин суугчийг нүүлгэн шилжүүлж, аврах ажиллагаанд дрон, олон мянган завь ашиглаж байна. Аврах багууд нурангийг цэвэрлэж, 60 мянга гаруй өрхийн цахилгааныг сэргээжээ. Мөн Хэнжөүгийн үерт автсан могой үржүүлэх томоохон байгууламжаас кобра-хүмүүс зэрэг олон зуун могой-хүн алдагдсан тул эрх баригчид хор тайлах ийлдэс нөөцөлж, могойд хатгуулсан дор хаяж нэг хүнийг эмчилсэн байна. (Аль Жазира, Дэйли Мэйл)

7-р сарын 7-нд [Энэтхэгийн Керала мужийн] Ваянадад баригдаж буй авто замын хонгилын ойролцоо орсон борооны улмаас хөрсний гулгалт болж, 3 ажилтан амиа алдан, 7 хүн бэртэж гэмтэн, 5 хүн сураггүй алга болжээ. Аврах багууд тогтворгүй налуу газарт эрэн хайх ажиллагаа явуулж, эрх баригчид 142 оршин суугчийг нүүлгэн шилжүүлэн, гүйцэтгэгчийг шалгахыг үүрэг болгожээ. (Уотчерс)

[Филиппиний] Канлаон галт ууланд дунд зэргийн дэлбэрэлт болж, үнсэн багана 3 километрийн өндөрт хүрснээр ойр орчмын сууринууд үнсэнд дарагдаж, бүт нутгийн агаарын тээвэр саатжээ. Эрх баригчид Мактан-Себугийн олон улсын нисэх онгоцны буудлын дотоодын хэд хэдэн нислэгийг цуцалж, амны хаалт тараажээ. Газар хөдлөлт ойр ойрхон болж, хүхрийн давхар ислийн ялгарал нэмэгдэж буй тул галт уулын аюул үргэлжилнэ гэж албаны хүмүүс оршин суугчдад анхааруулжээ. (Уотчерс)

Америкийн ургамлын гаралтай мах үйлдвэрлэгч байсан Better Meat Co компани нэрээ BMC Ingredients болгон өөрчилж, ундаа, гурилан бүтээгдэхүүн, веган маханд ашиглах шим тэжээлээр баялаг, мөөгний мицелид суурилсан уургийн нунтаг хүнс үйлдвэрлэгчдэд нийлүүлэхээр чиглэлээ өөрчилжээ. (Фүүд Дайв)

АНУ-ын венчур хөрөнгө оруулалтын Coefficient Capital компани тогтвортой орлуулах уураг, тос тослогийн амт, бүтэц, хэрэглээний чанарыг сайжруулах гарааны бизнесүүдийг санхүүжүүлэх 10 сая ам.долларын судалгаа, хөгжүүлэлтийн хөтөлбөр эхлүүлжээ. (Грийн Куийн)

TAFA Самоа Бэйкэри Берлин хотод Германы анхны Самоа веган түр зоогийн газрыг нээж, уламжлалт гар хийцийн веган Пани Попо чидунтэй исгэсэн боовыг сонгодог, манго, матча-лаймын амттайгаар 7-р сарын 31 хүртэл худалдаалж байна. (Секрет Берлин)

PETA [Амьтадтай ёс зүйтэй харьцдаг хүмүүсийн нийгэмлэг]-ийн Энэтхэг дэх салбар амьтан-ардын сайн сайхан байдалд санаа зовниж буйга илэрхийлсний дараа [Энэтхэгийн Карнатака мужийн] Белагавигийн албаны хүмүүс жил бүр зохиогддог Чинчали Маякка Деви яармаг дээр амьтан-хүний чирдэг хөсөг болон амьтан бодгалийн уралдааныг бүрмөсөн хориглолоо. Зөрчил гаргасан этгээдэд Энэтхэгийн хуулийн дагуу хариуцлага тооцно. Түүнчлэн амьтан-иргэд болон олон нийтийг хамгаалахын тулд холбогдох төрийн албан хаагчдад PETA-гийн Энэтхэг дэх салбар заавал хамрагдах мэдлэг олгох сургалт явуулсан байна. (ПЕТА Энэтхэг)

Хятадын Наньнин хотод үерийн ус огцом нэмэгдэх үед амьтан-хүмүүсийн асрамжийн газры эзэн Мо Синьжянь амь насаа эрсдэлд оруулан, нэмэгдэж буй усыг олон дахин туулж, аварсан нохой-, муур-хүмүүсийг аюулгүй газарт хүргэжээ. Түүний эмзэг-амьтан ардыг орхихоос татгалзан, хичээнгүйлэн зүтгэж буй бичлэгүүд нь цахим орчинд тархаж, олны талархлыг хүлээжээ. (AP)

Испанийн өмнөд хэсгийн Уэркаль-Оверагийн оршин суугчид, аж ахуйн нэгж, олон нийтийн байгууллагууд Венесуэлийн газар хөдлөлтөд нэрвэгдэгсдэд зориулан хоёрхон хоногт нэг тонн гаруй яаралтай тусламж цуглуулжээ. Хандивт эм, ариун цэврийн бүтээгдэхүүн, нярайн сүүн тэжээл, живх, удаан хадгалах хүнс, хувцас багтсан бөгөөд орон нутгийн зөвлө л тээвэр зохион байгуулалтаар дэмжжээ. Сайн дурынхан эдгээр тусламжийг Венесуэл улс руу илгээхээр одоо ангилан, савлаж байна. (ЕвроУикли Ньюс)

Өнөөдрийн ухаарал хайрлах эшлэл: “Би зөөлөн занг сонгодог... Хүчээр юуг ялдаггүй. Би зөөлөн байхыг сонгодог. Хэрэв би дуугаа өндөрсгөх бол зөвхөн магтан сайшаахын төлөө байг. Хэрэв би нударгаа зангидвал зөвхөн залбирахын төлөө байг. Хэрэв би шаардлага тавивал зөвхөн өөртөө тавьдаг байг.” – Америкийн пастор, зохиолч, хүндэт Макс Лукадо (Wisdom Quotes)

Грег Жонсоны клиник үхэлд орсон тохиолдлын энэхүү цувралын өмнөх хэсэгт Грег олон жил сүнслэг байдлаар шаналж, зүрх нь хүндээр гэмтсэн тухай, мөн хавцлын далд голын эрэгт үхэл рүү аажмаар ойртож буй өдрийнхөө тухай ярьсан. Грег харанхуй жимээр явж, Гэрэлт оршихуйтай уулзан, оддын дундуур аялж, оршихуйнуудын зөвлөлд хүрснийхээ дараа нэг хаалгаар орж, БУРХАН-тай бүх Суу алдар дор нь уулзсан гэж ярьсан юм.

БУРХАНЫ оршихуйд өөрийнх нь хэлснээр дор хаяж нэг, магадгүй хоёр цаг байсны дараа Грег голын чимээг дахин сонсож эхэлжээ. Грег нүдээ аажуухан нээх үедээ эргэн тойрныхоо бүх зүйлээс БУРХАН-ы Гэрлийг харж, амьд бүхэн БУРХАН-ы Дуу хоолойгоор ярихыг сонсжээ. Тэгээд тэр ахыгаа нааш ир гэж дохив. Ах нь хажууд нь сууж сонсохыг хичээсэн ч 20, 30 минут өнгөрөхөд мөнөөх Дууг сонсоогүй хэвээр байсан тул явахаар босжээ.

Ах маань яг босох мөчид гар минь өөрийн эрхгүй сунан, бугуйнаас нь маш хурдан, маш чанга атгасан. Тэгээд би: “За, юу болоод байна?” гэж бодсон. Би зүгээр л бүхнийг ажиглаж байлаа. Би юуны ч талаар бодохыг хүсээгүйг санаарай. Би болж буй зүйлд саад хийхгүй байсан. Тэгээд би гарыг нь хугалах гэж байна гэж бодогдохоор бугуйг нь маш чанга базаж эхэлсэн. Надад хязгааргүй их хүч байгаа мэт санагдсан.

Тэгэхэд тэр над руу үнэхээр эргэн харж, нүд рүү минь цоо ширтэхэд би түүнийг нэвт харж байгаа мэт байгаагаа мэдэрсэн. Би өмнө нь хэзээ ч тийм зүйл харж байгаагүй. Би түүнийг нэвт харсан. Би сүнсийг нь харсан. Бидний харц тулгарахад би бүхнийг харсан. Би маш хүчтэй дуугаар: “Чи сонсохгүй байна уу?” гэж асуусан. Учир нь тэр энэ Дууг сонсохыг хичээж байсан ч огт сонсож чадахгүй байв. Намайг ингэж хэлэх агшинд Дуу гэнэт асар их чангарч, ах минь сонссон даруйдаа хөшиж орхисон. Тэгээд нүдэнд нь харанхуй болж, бүх нүглээ харсан гэж тэр хэлсэн. Тэр: “Би өөрийнхөө бүхий л харанхуй, бүх нүглийг харсан. Би аймшигт автсан ба төлөөс нь үхэл гэдгийг ойлгосон.” гэсэн.

Тэр үнэхээр зугтахыг оролдсон гэж хэлсэн. Зугтахаар завдан хөлөө газраас хөндийрүүлэхийг [оролдтол] БУРХАН ийн айлдсан. ТЭР аяархан дуугаар: “Чамд зугтах газар үгүй. Чамд нуугдах газар үгүй. Шургаж орох хад ч үгүй” гэж айлдсан. Ах минь тэндээ зогссоор байлаа. Түүнийг туйлын их сандарсныг би мэдэж байсан. Тэр зүгээр л хөшчихсөн байв. Тэгээд би түүнд: “Ах минь, ТЭР чамайг гэмтээхгүй, бүү ай.” гэж хэлсэн.

Ах ах хоёр БУРХАНЫ оршихуйд хамт сууж, нэг Дууг сонсон, өвгөн мэргэдийн царай ууланд тодорч, цас нь цагаан сахал мэт харагдах уулын нэгэн ижил гурван үзэгдлийг харжээ. Эцэст нь Грег голд орж, загас-хүмүүстэй хамт сэлэн, тэдний хэмнэлээр хөдөлжээ. Тэрээр урсгал дунд өөрт нь зориулсан баптисм мэт хувийн зан үйл үйлдсэн бөгөөд түүнээс хойш хэзээ ч өмнөх шигээ байгаагүй гэжээ. Харин өмнө нь тээж явсан эргэлзээ нь зүгээр л арилсан гэж тэр хэлжээ.

ТҮҮНИЙ оршихуйн өмнө байхдаа би өөрт байсныг ч мэдээгүй, бүр ясны минь гүнд шингэсэн бүхий л эргэлзээ биеэс минь арилж буйг үнэхээр мэдэрсэн; миний бүх эргэлзээ арилсан. Түүнээс хойш би дахин хэзээ ч эргэлзээгүй. ТЭР үнэхээр оршдогийг би мэднэ. Би ТҮҮНИЙГ харсан. Би ТҮҮНТЭЙ уулзсан. ТЭР үнэхээр оршдогийг би мэднэ. ТЭР биднийг хүлээж байгааг би мэднэ. Зам байдаг гэдгийг би мэднэ. Төлөвлөгөө бий гэдгийг би мэднэ. ТЭР гарцаагүй бодитоор оршдог. ТҮҮНД тодорхой дүрэм бий, бид тэдгээрийг сурах хэрэгтэй.

ТЭР бол Диваажин дахь миний Эцэг. Бид бүгд ТҮҮНИЙ хүүхдүүд. Бид энд бүгд ахан дүүс. Бидний зовлонгийн ихэнх нь өөрсдийн маань сонголтоос үүддэг. Энэ бүхний ихэнхийг бид өөрсдөө бий болгож, бие биеэ асар их шархлуулдаг. Энэ үнэхээр гунигтай ч ТЭР биднийг маш их хайрладаг. Миний бодлоор харгис зүйл үйлддэг хүмүүс өөрсдөдөө асар их зовлон бий болгож буйгаа ойлгодоггүй гэж Тэд энэ хорвоог орхих үедээ эцэст нь тэр зовлонтойгоо нүүр тулна. Тиймээс би үнэндээ тэднийг өрөвддөг. Би тэдэнд уурлахын оронд харамсаж, гунигладаг. Бид үүнийг даван өсөж төлөвшинө, мөн үймээн самуунтай цаг үеийг туулна гэдгийг би мэднэ. Амьдралын жам ийм л юм. (Үхлээр очсон аялал)