ӨДӨР ТУТМЫН МЭДЭЭ-ний гол тойм – 2026 оны 2-р сарын 14

АНУ, Армени улс иргэний цөмийн технологийн хамтын ажиллагааны хэлэлцээрт гарын үсэг зурж, АНУ-ын реактор болон түлш экспортлох томоохон боломжийг нээлээ. АНУ-ын зуучлалаар Армени, Азербайжан улсууд бараг 40 жил үргэлжилсэн мөргөлдөөний дараа харилцаагаа хэвийн болгох замд орсонтой холбоотойгоор Вашингтон хот Армен улстай харилцаагаа гүнзгийрүүлж байна. (Ройтерс)

Их Британи улс Хонконгийн иргэдэд зориулсан визийн боломжоо өргөжүүлж, дахин олон мянган хүнд гэр бүлийн хамтаар Британи руу нүүх боломж олголоо. Элчин сайд нар нүүн суурьшихаар сонгосон хүмүүст аюулгүй, хууль ёсны зам нээх Их Британийн олон жилийн амлалтаа дахин бататгажээ. (Gov.uk)

Европын Холбоо Йемений шинэ засгийн газар байгуулагдсаныг сайшааж, үүнийг тогтвортой байдал, төрийн үйлчилгээ сайжрахад чиглэсэн эерэг алхам хэмээн нэрлэж, мөн шинэ танхимыг хүмүүнлэгийн хэрэгцээ, хүртээмжтэй засаглал, урт хугацааны энх тайванд анхаарал хандуулахыг уриалжээ. (Йемен Онлайн)

Францын гарааны компани улс даяар ашиглагдахаа больсон олон мянган төмөр замын шугам дээр ажиллах зам, төмөр замын хооронд шилжиж явдаг хөнгөн цахилгаан фургонуудыг туршиж, галт тэрэгний бүрэн дэд бүтцийг дахин барилгүйгээр хөдөө орон нутагт нүүрстөрөгч бага ялгаруулдаг, эрэлтэд нийцсэн нийтийн тээврийн сонголт бий болгохыг зорьж байна. (Евроньюс)

ИБУИНВУ эцэг эхчүүдэд хүүхдүүдтэйгээ цахим хор хөнөөлтэй нийтлэлийн талаар ярилцахад туслах шинэ аян эхлүүллээ. Энэ нь аюулгүй байдлын тохиргоо болон хүндрэлтэй яриаг хэрхэн өрнүүлэх талаар практик зөвлөмж өгч, хүүхдийн дижитал сайн сайхан байдлыг сайжруулах өргөн хүрээний ажлын нэг хэсэг болж байна. (Gov.uk)

[АНУ-ын] Лонг-Айлендын оршин суугчид гэрийнх нь хажууд 6,000 тахиа-хүний өндөгний аж ахуй байгуулах төлөвлөгөөг эсэргүүцэж, үнэр, чимээ, хортон шавж нь тухайн хорооллыг хүнд байдалд оруулна үзэж байна. (Нью-Йорк Пост)

Эрүүл мэндийн мэргэжилтнүүд тамхидалт нь Туркт жилд 100,000 орчим буюу өдөр бүр бараг 300 хүний аминд хүрдэг гэж анхааруулжээ. Туркийн Ногоон хавирган сар нийгэмлэгийн Шинжлэх ухааны зөвлөл цахилгаан тамхины хэрэглээ өсөж, дам тамхидалт болон гуравдагч дам тамхидалтын эрсдэл үргэлжилж буй энэ үед урьдчилан сэргийлэх арга хэмжээг чангатгах, залуучуудад чиглэсэн боловсрол, тамхинаас гарах дэмжлэгийг нэмэгдүүлэхийг уриалжээ. (Турк Өнөөдөр)

Кенид висцерал лейшманиоз, өөрөөр кала-азар буюу “хар халууралт” гэж нэрлэгддэг, элсний ялаагаар дамждаг, эмчлүүлэхгүй бол бараг үргэлж үхэлд хүргэдэг үхлийн аюултай шимэгчийн халдварт өвчин огцом нэмэгдэж байна. Уур амьсгалын өөрчлөлт, ган гачгийн нөлөө, мөн зөв оношилгоо, тусламж үйлчилгээний хүртээмж муу зэрэг шалтгаанаар өвчний тохиолдлын тоо хоёр дахинаас илүү хэмжээгээр нэмэгдэж, шинэ бүс нутгуудад тархаж байна. (Ситизен Дижитал)

ИБУИНВУ–Финландын хамтарсан томоохон судалгаагаар таргалалт нь хүнд хэлбэрийн халдварт өвчин тусах эрсдэлийг огцом нэмэгдүүлдгийг тогтоожээ. Таргалалттай хүмүүс эмнэлэгт хэвтэх эсвэл нас барах магадлал ойролцоогоор 70%-иар өндөр байдаг бөгөөд дэлхий даяарх халдвартай холбоотой 10 нас баралт тутмын 1-ийг эзэлж байж болзошгүй бөгөөд харин жин хасах нь уг эрсдэлийг бууруулж магадгүй гэж тооцоолсон байна. (Нутришн Инсайт)

[АНУ-ын] Массачусетсийн Технологийн Их Сургуулийн судлаачид нойр дутуу байх үед сэрүүн байхад нь тархины яаралтай “цэвэрлэгээ”-г өдөөдгийг илрүүлжээ. Хог хаягдлыг зайлуулахын тулд тархи 12 секундийн мөчлөгөөр саатаж, зүрхний цохилт удаашран, хүүхэн хараа агшдаг байна. Эдгээр өөрийн эрхгүй тасалдах мөчүүд нь нойрыг орлуулшгүй болохыг нотолж, жолоо барьдаг, эсвэл хүнд машин механизм ажиллуулдаг хүмүүст туйлын аюултайг харуулж байна. (Бао Нгуой Лао Дон)

АНУ-ын хоол зүйчид төмсний өнгө нь эрүүл мэндийн тодорхой ашиг тусыг илтгэдгийг илрүүлжээ. Нил ягаан болон улаан сорт нь зүрх, тархины эрүүл мэндэд тустай үл исэлдүүлэгчээр баялаг бол амтат төмс нь А амин дэм өгдөг. Цагаан, бор шар, шар төмс нь кали, эслэг, энерги өгдөг. Мэргэжилтнүүд төмсийг хальстай нь чанах, жигнэх, агаараар шарахыг зөвлөж байна. Болгосон төмсөө дахин халаахаас өмнө хөргөвөл тэсвэртэй цардуул үүсэж, цусан дахь сахрын огцом өсөлтийг багасгахад тусалдаг. (Фокс Ньюс)

Зуун настаас гарган авдаг бета-ситостерол нь Альцгеймерийн эсрэг хүчтэй зэвсэг болж байна. Дэвшилтэт симуляциуд нь энэ байгалийн нэгдэл нь ой тогтоолттой холбоотой мэдрэлийн дамжуулагч бодисуудыг задалдаг ферментүүдийг дарангуйлж, танин мэдэхүйн үйл ажиллагааг хадгалахад тусалдгийг харуулжээ. Хоргүй бөгөөд амархан шимэгддэг уг нэгдэл нь мэдрэлийн доройтлыг аюулгүйгээр зохицуулах тогтвортой, байгалийн гаралтай эмчилгээний ирээдүйтэй чиглэл болж байна. Эрдэмтэд энэ нээлт нь ургамалд суурилсан, сэтгэцийн доройтол эмчилгээний салбарт томоохон дэвшил болж байна гэж үзэж байна. (Түөй Трэ)

[АНУ-ын] Хавай мужид хүчтэй шуурга 117 км/цаг хүртэл хурдтай шуурч, аадар бороо орсны улмаас цахилгаан өргөн хэмжээнд тасалдах, мод унах, хөрсний нуралт, үер болох зэрэг олон асуудал үүсгэсэн нь мужид онц байдал зарлахад хүргэсэн бөгөөд энэ нь одоогоор хүчин төгөлдөр хэвээр байна. (Уотчерс)

[АНУ-ын] Өмнөд Флорида мужийн усны менежерүүд зургаан тойрогт усны хомсдолын анхааруулга гаргажээ. Ла-Ниньягийн нөлөөгөөр үүссэн хүчтэй ган гачиг гачиг нь газрын доорх усны нөөцийг багасгаж буй тул сайн дураараа усаа хэмнэхийг яаралтай уриалжээ. (Майами Херальд)

[Их Британийн] Портсмут хот агаар цэвэршүүлэх шинэ стратегиа танилцууллаа. Хотын зөвлөлийн тайланд 2023 онд бохирдол нь орон нутгийн зуурдаар нас барсан хүмүүсийн 5.2%-тай холбоотой бөгөөд энэ нь 2020 оны 6.9%-аас буурсан үзүүлэлт гэж дурдаад, цаашид азотын давхар исэл болон тоосонцрын түвшнийг улам бууруулахыг зорьж байна. (Сөүтерн Дэйли Эхо)

[Их Британийн] Манчестер хотод зохион байгуулагдсан дээд хэмжээний уулзалтаар 150 гаруй улс “Бизнес ба Биологийн олон янз байдлын үнэлгээ” нэртэй дэлхийн шинэ баримт бичгийг баталлаа. Энэ нь компаниуд байгальд үзүүлэх нөлөөллөө ойлгож, зохицуулахад туслах шинжлэх ухааны суурь зураглалыг бий болгож, засгийн газрууд үүнийг энэ жилийн биологийн олон янз байдлын хэлэлцээний чухал алхам гэж тодорхойлжээ. (Gov.uk)

Мэргэжилтнүүд АНУ, Канадын зохицуулагч байгууллагуудыг хүнсний шошго дээрх уургийн агууламжийг тогтоохын тулд уургийн шингэц хэмжих зорилгоор хүнсний салбарт харх-хүн дээр заавал турших шаардлагыг зогсоохыг уриалжээ. Тэд энэхүү ёс зүйгүй журмыг шинэчилж, амьтан-хүн ашиглаагүй лабораторийн аргуудыг зөвшөөрөх ёстой гэж үзэж байна. (Хариуцлагатай анагаах ухааны эмч нарын хороо)

[АНУ-ын Нью-Йорк мужийн] Хадсоны хөндийд байрлах BjornQorn компани нь орон нутгийн эрдэнэ шишээр веган, нарны эрчим хүчээр үйлдвэрлэсэн попкорн хийж байна. Тус брэнд нь GMO [гений өөрчлөлттэй организм]-гүй орц найрлагыг сэргээгдэх эрчим хүчтэй хослуулж, тогтвортой, харшил үүсгэгч багатай хөнгөн зууш хийх боломжтойг харуулахыг зорьж байна. (Блю Дот Ливин)

АНУ-д төвтэй Pink Mouse Cosmetics компани байгалийн гаралтай, веган, амьтанд харгислал үйлдээгүй гоо сайхны бүтээгдэхүүний иж бүрэн цувралыг худалдаанд гаргалаа. Тус цувралд ёс зүйтэй, өндөр үзүүлэлттэй хэрэглээнд зориулсан ургамалд суурилсан гоо сайхан, үс арчилгаа, эрэгтэйчүүдийн арчилгааны бүтээгдэхүүн багтжээ. (OpenPR)

[АНУ-ын] Кентакки мужийн цагдаа нар нэр нь тодорхойгүй нэгэн нохой-хүн офицеруудыг сураггүй болсон 3 настай хүү рүү хөтөлж, хөршийн довжоон дээрээс тэднийг арын хашаанд байсан автомашин хүртэл дагуулж, айсан хүүхдийг эсэн мэнд олоход хүргэсэн гэж магтаж байна. Офицерууд үүнийг бодит амьдрал дээрх “Лэсси” маягийн аврал хэмээн тодорхойлж, нэг офицер нь нохой-хүнийг “Бурхны ивээл” хэмээн нэрлэжээ. (Нью-Йорк Пост)

[Ливаны Бейрут хотын] Дахийед Диана Абади эзэнгүй орхигдсон муур-хүмүүсийг олон арван жилийн турш хамгаалсаар ирсэн бөгөөд одоогоор түрээс огцом өссөн ч 50–70 муур-хүнийг асарч байна. Хандивлагчид болон олон нийтийн сүлжээ эмчилгээ, үрчлүүлэлтийн зардлыг босгоход тусалж байна. (AP)

Пакистан улс Исламабад, Равалпинди хотуудад Woofy нэртэй, амьтан-хүн аврахад зориулсан анхны тусгай аппликейшнээ нээлээ. Тус платформ нь иргэдэд бодит цагийн хяналтын самбараар дамжуулан гэмтсэн, эсвэл хүчирхийлэлд өртсөн амьтан-ардын мэдээлэх боломж олгоно. Тус программ нь аврагчдыг эмнэлгүүдтэй холбох замаар улс даяарх амьтан-хүмүүсийг хамгаалах үйл ажиллагааг бэхжүүлэхийг зорьж байна. (БлүүмПакистан)

Ау Лак (Вьетнам)-т Фүн Суан Хүн болон өөр нэгэн эрэгтэй осолд орсон ахмад настныг аврахаар хөлдсөн Нхүэ мөрөн рүү шумбан оржээ. Тэд тухайн эрийг эрэг рүү даруй татан гаргасны дараа, тархины гэмтлийн улмаас тархины мэс засал хийлгэхээр эмнэлэгт хэвтүүлсэн байна. Тэдний баатарлаг үйлдэл олон нийтийн талархлыг өргөнөөр хүлээжээ. (Дань Три)

Өдрийн дэвшүүлэх эшлэл: “Муу зүйл тохиолдсон ч түүнийг эергээр ашиглахыг хичээж, үнэхээр эерэг талыг нь л авч үлдэх хэрэгтэй.” – Өмнөд Африкийн усанд сэлэгч, паралимпийн алтан медальт тамирчин Натали дү Туа (BrainyQuote)

Би 33 настайдаа нас барах үедээ хэнд ч хэлж байгаагүй, ялангуяа 3-12 настай хүүхэд байхдаа амссан хүчирхийлэл зэрэг бүх насаараа нууж ирсэн нууц, ичгүүрээ өөртэйгөө хамт авч явсан. Би өвдөг дээрээ шууд сөхрөхөд, [Тэр] миний нүүр рүү шууд ойртон ирж, намайг хэн байсан, юу туулсныг мэдээд надад хүрсэн тул би уйлсан. Тэгээд Тэр энэ Хайраар намайг тойруулан нөмрөн авсан. Би гараа өргөж, “Яагаад?” гэж асуусан юм. Америкийн сургуулийн багш Кристал МакВеагийн клиник үхлийн тохиолдлын 2 хэсгийн 1-р хэсэгт тэрээр 33 насандаа нас барж, Бурхантай уулзсан тухай, Бурхан яагаад хүүхэд насны хүчирхийллийг нь зөвшөөрсөн талаар насан туршдаа тавьж байсан асуултад нь хэрхэн хариулсныг хуваалцаж байна.

Кристал АНУ-ын Оклахома мужийн баруун өмнөд хэсгийн жижиг хотод өссөн бөгөөд сүмд явах нь хэвийн зүйл байлаа. Тэр 8 настайдаа тахилын дуудлагад хариу өгч, аврагдахад бэлэн болсон байв. Кристал 3 настайгаасаа хүчирхийлэлд өртөж, энэ нь үргэлжилсээр байсныг хэн ч мэдээгүй юм. Тэр шөнө тэрээр баптисм хүртэж, Эзэн Есүс өөрийг нь хүчирхийллээс аварна гэж найджээ. Гэвч энэ зогсоогүй тул 12 нас хүрэх хүртлээ гурван өөр бүлэгт нийт дөрвөн удаа дахин дахин баптисм хүртжээ. Эцэст нь Кристал Бурхан жинхэнэ биш, эсвэл жинхэнэ байлаа ч зүгээр л түүнд хайргүй гэж дүгнэжээ.

12 насандаа хүчирхийллийг ямар нэг байдлаар зогсооно гэсэн найдвараар давтан баптисм хүртсэний дараа Кристал өөрийгөө үнэ цэнгүй мэт мэдэрчээ. Тэрээр 17 настайдаа жирэмсэн болж, насанд хүрэхдээ ч ичгүүрээ өөртөө тээж, хэрэв Бурхан жинхэнэ бол өөр шиг нь хүнийг хэзээ ч хайрладаггүй гэж итгэдэг болох хүртлээ явжээ. Тэр залуудаа гэрлэж, салан, 23 насандаа хоёр хүүхэдтэй болж, Бурханд итгэх итгэл нь мөхөж байлаа. Номлогчид Бурханыг хайр энэрэлтэй Эцэг гэж ярих нь түүнд ойлгогддоггүй байлаа. Түүний өөрийнх нь аав байгаагүй, хойд эцэг нь хар тамхи, архины хамааралтай тэмцэж байсан юм.

28 настайдаа Кристал анх үерхэж байсан, Христийн шашинтай Виржил хэмээх эртэй гэрлэж, Бурхантай харилцах харилцаа нь өөрчлөгдөж эхэлжээ. Таван жилийн дараа тэд дөрвөн сар дутуу төрсөн ихрүүд болох Уиллоу, Мика нарыг өлгийдөн авлаа. Кристал тэдний эмнэлэгт байх хугацаанд Бурхантай дотроо тэмцэж, хүүхдүүд нь амьд үлдэх эсэхийг мэдэхгүй байв. Тэр Бурханыг дахин сорьж, нэг нь хүү, нөгөө нь охин ихэр хүүхэдтэй болох, нүдний өнгө нь ч өөр байх онцгой шинж тэмдэг хүсжээ. Залбирал бүр нь биелсэн ч Кристал үүнийг тохиолдлын хэрэг гэж итгэсээр байв.

Ихрүүдээ гэртээ авчирснаас хойш зургаан сарын дараа Кристал амьсгалын асуудлаа шалгуулахаар энгийн дурангийн шинжилгээнд оржээ. Шинжилгээний явц буруудаж, түүнд нойр булчирхайн хурц үрэвсэл үүсжээ. Эмнэлэгт хэвтээд хоёр дахь өдөр тэр ээж рүүгээ утасдаж, өөрийгөө үхэж байгаагаа хэлжээ. Хэдэн цагийн дараа Кристал амьсгалын дутагдалд оржээ. Зүрх нь цохилохоо больж, амьсгал нь зогсоход “Код Блю” буюу зүрх, амьсгал зогссон үед зарладаг эмнэлгийн яаралтай дуудлага өгч, эмч, сувилагчид сэхээн амьдруулахаар яаран ажиллажээ.

Нүдээ нээхэд ээж маань орны минь хөлд сууж, нуруугаа над руу харуулан, сэтгүүл уншиж байсныг би санаж байна. Тэгээд миний зүрх дөнгөж зогссон, би амьсгалахгүй байгааг шууд мэдэрснээ санаж байна. Би амьдралынхаа турш үхлээс айж ирсэн. Гэтэл тэр даруйд энэ амар амгалан намайг бүрхэж, тайтгаруулж, айдас огт байсангүй. Тэгээд уушгинд үлдсэн сүүлчийн өчүүхэн амьсгалаараа ээждээ “Би танд хайртай” гэж хэлсэн. Тэгээд нүдээ аниад, тэр даруй дахин нээхэд Диваажинд зогсож байсан.

Миний хувьд бүх зүйл нэгэн зэрэг болсон ч дэлхий дээр бид юмсыг дарааллаар нь ярьдаг. Бүх мэдлэг агшин зуур татагдсан. Би хаана байгаагаа мэдэж байсан. Би хэн гэдгээ мэдэж байсан, өөрөөр хэлбэл би Кристал хэвээрээ байсан. Би тэр эмнэлгийн өрөөнд эмч, сувилагчид CPR [зүрх-уушгины сэхээн амьдруулалт] хийж байсан, дөнгөж нас барсан яг тэр Кристал хэвээрээ байсан. Гэсэн ч би энэ Гэрэл дотор өөрийнхөө хамгийн төгс хувилбар болон зогсож байсан. Надад ямар ч сөрөг зүйл огт наалдаагүй.

Бүх мэдлэг нэгэн зэрэг цутган орж ирснийг санаж байна. Би оршин байсан тэр л “би” хэвээрээ гэдгээ мэдэж байсан. Би мөнхөд оршин байсан тэр л “би” хэвээрээ байсан гэж хэлнэ. Тэгээд би [Библи]-ийн “Би чамайг эхийнхээ хэвлийд бүрэлдэхээс өмнө мэддэг байсан” гэсэн эшлэлийг уншихад тэнд зогсож байсан нь тэр л “би”, өөрийгөө хүн хэлбэрт орохоос өмнө Түүний бүтээсэн “би” байсан. Түүний өмнө зогсож байсан зүйл нь миний сүнс байлаа.

Кристал цаг хугацааг өөрөөр мэдэрчээ. Ямар ч яарах зүйлгүй, цаг хугацаа оршин байдаггүй мэт байв. Тэр агшин зуур бүх мэдлэгт нэвтэрч, мэдэх шаардлагатай бүхнээ мэдэж авчээ. Тэр харанхуй биш, харин харилцаж, мэдрэгддэг үзэсгэлэнт гэрлээр бүхэлдээ бүтсэн хонгил дотор байлаа. Түүний зүүн талд, урд нь хоёр тэнгэр элч зогсож байв. Тэд хүний хэлбэртэй мэт харагдсан ч гэрэлтэлт нь дэндүү хурц тул доторхыг нь харах боломжгүй чийдэн шиг, тэднээс гэрэл цацарч байв.

Надаар дамжин, намайг тойрон урсаж, хонгилын шалнаас болон тэнгэр элч нараас цацарч байсан энэ Гэрлийн эх сурвалж нь Түүний эх сурвалж байлаа. Тэр нь Бурхан Өөрөө байсан. Би тэднийг энэ амьдралд ч, энэ дэлхий дээр ч бус, зүгээр л таньдаг байснаа мэдэж байсан. Би оршин байснаасаа хойших бүх хугацаанд тэднийг мэддэг байснаа мэдэж байсан. Эцэст нь би тэднийг харж, дууг нь сонсож чадсанд тэд баярлаж байсан. Мөн би зүгээр л тэднийг үнэхээр их хайрлаж байснаа санаж байна. Энэ дэлхий дээр хэнээс ч илүү намайг хайрлаж, намайг мэддэг болохоор тэд миний хамгийн дотно найзууд байх учиртай.

Кристал тэнгэр элч нартай үгээр бус, мэдрэмж, бодлоороо харилцаж байлаа. Тэрээр дэлхий дээр мэдэрдэг таван мэдрэхүйн оронд зуу орчим мэдрэхүйтэй мэт байсан гэж дүрсэлжээ. Дараа нь тэр баруун талд нь анхнаасаа байсан нэгэн оршихуйг анзаарчээ.

Би тэр оршихуй руу эргэхэд, миний сүнс Түүнийг даруй таньсан. Би Бурхантай танилцаагүй, харин Түүнийг таньсан гэж хэлнэ. Би намайг бүтээсэн Оршихуйн өмнө зогсож байсан. Та төсөөлж байна уу? Би Түүнийг хараад шууд өвдөг дээрээ сөхөрсөн. Би гараа өргөсөн учраас энэ нь надад маш чухал байсныг санаж байна. Намайг ихэвчлэн баптист, методист уламжлалаар өсгөсөн бөгөөд бид сүмд гараа өргөдөггүй байсан. Би өмнө нь тэгж магтаж байсангүй. Тэгээд би өвдөг дээрээ сөхрөөд гараа өргөсөн, гэхдээ өвдөг дээрээ ч тогтож чадаагүйгээ санаж байна. Би шууд нүүрээрээ газарт унасан, энэ нь хүндлэлээс болсон. Энэ нь хайраас болсон. Тэгээд Түүний өмнө ингэж унах мөчид би шууд уйлж эхэлснээ санаж байна. Тэр намайг мэдрэгдэхүйц Гэрэл, мэдрэгдэхүйц Хайраар Хайраар тэвэрч, би түүнийг мэдэрч байсан.

Кристал насан туршдаа Бурханаас яагаад хүчирхийллийг нь зөвшөөрснийг асуухаар төлөвлөж байжээ. Гэвч Түүний дэргэд амаа нээхэд, санаанд оромгүй үг амнаас нь гарчээ. Би гараа өргөж, амаа нээх үедээ: “Би яагаад Таны төлөө илүү ихийг хийгээгүй юм бэ?” гэж хэлсэн. Надад үүнийг санахыг зөвшөөрсөн Бурханд би маш их талархдаг. Яагаад гэвэл тэр мөчид бүх мэдлэг сүнсэнд минь цутган орсон ч, Түүнээс асуух цорын ганц асуулт минь харамслаас урган гарсан асуулт байсан. “Би яагаад Таны төлөө илүү ихийг хийгээгүй юм бэ?”

Бурхан түүнийг хүр хорхойн үүр мэт Хайраар ороон тэвэрч, түүнийг бүх талаар нь хүрээлсэн байсан ч тэрээр Түүнд улам ойртох гэж гараа сунгажээ. “Би өнө мөнхөд Танд мөргөж чадна” гэж би хэлсэн. Энэ бол Кристал хэзээ ч хэлэхгүй зүйл байлаа. Учир нь сүмд дөрвөн [мөргөлийн] дуу дуулчхаад л би ер нь ханасан байдаг байсан. Гэтэл би энд “Би өнө мөнхөд хэвтэн, Таныг шүтэж чадна” гэж хэлж байсан.

Гэвч Кристалын учрал үүгээр дууссангүй. Удалгүй Бурхан түүний амьдралынхаа турш огт ойлгож байгаагүй нэг зүйлийг илчилжээ. “Тэр ‘Би үүнийг чамд бүх амьдралын чинь турш хэлэх гэж оролдсон. Би үүнийг чамд бүх амьдралын чинь турш харуулах гэж оролдсон’ гэж хэлсэн.” Маргааш Кристал МакВеагийн клиник үхлийн тохиолдлын 2-ын 2-р хэсгээр бидэнтэй хамт байгаарай. (Жон Буркетай хамт Диваажинг төсөөлөхүй подкаст)