ӨДӨР ТУТМЫН МЭДЭЭ-ний гол тойм – 2026 оны 2-р сарын 9

Украин (Урейн), Орос улсууд АНУ зуучилсан энхийн хэлэлцээрийн хоёр дахь үеийг [Арабын Нэгдсэн Эмират Улсын] Абу Даби хотод өндөрлүүлж, 314 цэрэг олзлогдогчдын томоохон солилцоо хийсэн бөгөөд ойрын хугацаанд хэлэлцээрийг үргэлжлүүлэхээр тохиролцжээ. (Ройтерс)

[АНУ-ын] Вашингтон хотод төвлөрсөн эрдэмтдийн Стратеги, олон улсын судалгааны төв (CSIS)-ийн шинэ тайланд Орос улсаас Украин (Урейн) улсад амиа алдсан, шархадсан, эсвэл сураггүй болсон хүмүүсийн тоо 1.2 сая орчим байгаа нь Дэлхийн II дайнаас хойших дайны хамгийн өндөр хохирол болж байгаа ч ердөө л өчүүхэн газар нутгийг эзэлснийг тогтоожээ. (CNN)

АНУ-ын Ерөнхийлөгч Дональд Трамп Хятадын ерөнхийлөгч Ши Жиньпинтэй утсаар “урт, бүрэн дүүрэн” яриа хийж, худалдаа, Тайвань (Формоса)-аас эхлээд Орос-Украин (Урейн)-ы дайн, мөн өөрийн 4-р сард Бээжинд хийхээр төлөвлөсөн айлчлал хүртэл олон асуудлыг хэлэлцсэн бөгөөд тэдний хувийн туйлын сайн харилцаа нь бүхнийг эерэг байлгаж байна гэж онцолжээ. (Фокс Ньюс)

Их Британи, Хятад улсууд [Хятадын] Бээжин хотод болсон Их Британи–Хятадын Санхүүгийн ажлын бүлгийн анхны хуралдаанаар Лондонд хоёр дахь юань [Хятадын мөнгөн тэмдэгт]-ийн клирингийн банк байгуулах, биологийн олон янз байдлын санхүүжилтийн хамтын ажиллагаа зэрэг санхүүгийн салбарт хэд хэдэн шинэ гэрээг байгууллаа. Их Британийн засгийн газар эдгээр алхам нь Лондон хотын дэлхийн санхүүгийн төвийн байр суурийг бэхжүүлж, Британийн ажлын байр, бизнест дэмжлэг үзүүлнэ гэж мэдэгджээ. (GOV.UK)

АНУ–Оросын стратегийн цөмийн зэвсгийн нөөцийг хязгаарлах сүүлчийн гэрээ болох Стратегийн зэвсэг хорогдуулах шинэ гэрээ (New START)-ний хүчинтэй хугацаа дууссанаар Вашингтон, Москва хотууд зэвсэглэлд хяналт тогтоох илүү тодорхойгүй орчинтой нүүр тулж байна гэж шинжээчид үзэж байна. Гэсэн ч АНУ-ын Ерөнхийлөгч Трампын засаг захиргаа ирээдүйн ямар ч тогтолцоонд Хятадыг заавал хамруулах ёстой гэж ятгаж байна. (Фокс Ньюс)

АНУ Ойрх Дорнод даяар нисэх онгоц тээгч, довтлох онгоц болон бусад цэргийн нөөцийг байрлуулж байна. Ирантай хийх цөмийн хэлэлцээр [Туркийн] Истанбулаас Оман хот руу шилжиж байна. Шинжээчдийн үзэж буйгаар цэргийн хүчний нэмэгдэл нь бэлэн байдлаа өргөжүүлж буйг илтгэж байна гэсэн бол Трампын засаг захиргаа аливаа хэлэлцээр нь Ираны пуужин, бүс нутгийн зэвсэгт бүлэглэлүүд, хүний эрхийн бүртгэлийг заавал анхаарах ёстой гэж мэдэгджээ. (Фокс Ньюс)

[Канадын] Торонтогийн Их Сургуулийн оюутнууд [Перу улсын] Помаканчийн кечуа хэлээр ярьдаг нийгэмлэгт нэг долоо хоног гүнзгий оролцоотой ажилласнаар уугуул соёл, орчин үеийн бодит байдлын талаарх ойлголтоо гүнзгийрүүлж, хамтын суралцах үйл явц, орон нутгийн түншлэл, өөрийн биеэр мэдэрсэн туршлага нь тэднийг илүү баяжуулж, эргэцүүлэлтэй, шинэ харилцаа холбоотой болгожээ. (Торонтогийн Их Сургууль Урлаг, Шинжлэх ухааны факультет)

Ау Лак (Вьетнам)-ын эрх баригчид Сар шинийн баярын залилан огцом нэмэгдэж буйг анхааруулж байна. Үүнд гэмт хэрэгтнүүд банкны хуурамч зурвас, холбоос илгээж, эсвэл хуурамч холбоос илгээж, хэрэглэгчдийг нэвтрэх мэдээлэл, нэг удаагийн нууц үгийг хулгайлахаар зохиосон хуурамч сайт руу оруулдаг “цахим азын мөнгө” зэрэг луйвар багтаж байна. (Бао Кон ли)

АНУ-ын Холбооны мөрдөх товчоо Гэгээн Валентины өдрөөс өмнө романтик залилан буюу хууран мэхлэгчид онлайнаар хуурамч харилцаа үүсгэн итгэл олж аваад, дараа нь мөнгө нэхдэг схем өсөж байгааг анхааруулж, онлайнаар танилцсан хүн мөнгө, криптовалют, эсвэл хувийн мэдээлэл нэхвэл болгоомжлохыг уриалжээ. (FOX 5 NY)

Австралийн эрдэмтэд хорт хавдрыг илрүүлэх хэт мэдрэмтгий тестийн туузыг танилцууллаа. [Австралийн] Ла Тробын Их Сургуулийн судлаачид нэг удаагийн био мэдрэгч нь хорт хавдартай холбоотой microRNA-г өнөөгийн лабораторийн аргуудаас хавьгүй эрт илрүүлдэг гэж мэдэгдсэн нь хямд өртөгтэй, авсаархан оношилгооны ирээдүйтэй технологи болж байна. (VOV)

Эмч нар сколиоз нь хүүхдийн өсөлт, өөртөө итгэх итгэлд сөргөөр нөлөөлдөг гэж анхааруулж байна. Нурууны муруйлт нь булчин, уушгинд ачаалал өгдөг тул зөв суулт зогсолтыг эртнээс шалгах, йог, усанд сэлэлт зэрэг дасгал хөдөлгөөнөөр нурууны эрүүл мэндийг дэмжихийг уриалжээ. (ВнЭкспресс)

Эрүүл мэндийн мэргэжилтнүүд оройн 19 цагаас хойш хооллох нь бодисын солилцоог алдагдуулж, жин нэмэх болон нойр муудах шалтгаан болдгийг анхаарууллаа. Оройн цагаар хооллох нь биед өөх тос хуримтлуулахад хүргэж, цусан дахь сахрын түвшнийг тогтворгүй болгож, ялангуяа даралт ихтэй хүмүүст эрсдэл үүсгэдэг байна. Хоол зүйчид байгалийн хоногийн хэмнэлтэй нийцүүлэхийн тулд эрт хооллохыг зөвлөж байна. (Лао Дон)

Кени улсад 1981 оноос хойших хамгийн хуурайшилттай 2025 оны 10–12 сарын богино борооны улирал (2025 оны 10–12 сар)-ын дараа хүчтэй ган нүүрлэж, хур тунадас дунджаас 30–60 хувьтай байна. 2 сая гаруй хүн хямралын түвшинд хүнсний аюулгүй байдалтай тулгарч, шим тэжээлийн дутагдал болон өвчнөөс үүдэх эрүүл мэндийн эрсдэл нэмэгдэж байна. (Уотчерс)

[Индонезийн] Малуку бүс нутагт дунд зэргийн газар хөдлөлт бага зэрэг мэдрэгдэж, шөнө дундаас хойш Тиакур хотын ойролцоо 4.6 магнитудын хүчтэй чичирхийлэл болсон ч хохирол, бэртэл гэмтэл мэдээлэгдээгүй байна. (Волкано Дисковери)

[Өмнөд Африкийн] Квазулу-Наталын хойд хэсэгт хүчтэй халсны улмаас сургуулийн гадаах спортын үйл ажиллагааг зогсоон, эрүүл мэндийн эрсдэл нэмэгдэж байна. Аюултай өндөр температур үргэлжилж байгаа тул албаныхан иргэдийг шингэнээ нөхөж, эмзэг бүлгийнхнийг хамгаалахыг уриаллаа. (Ситизен)

Аргентины эргийн ойролцоох далайн доорх хавцлыг судалж буй эрдэмтэд далайн гүний, сургуулийн автобусны хэмжээтэй, хоргүй бөгөөд 110 жилийн хугацаанд ердөө 118 орчим удаа л ажиглагдсан аварга “сүнсэн” медуз маягийн биетийг буулгаснаас гадна шинэ байж болзошгүй олон арван зүйл, өмнө нь мэдэгдээгүй хадат тогтоцуудыг баримтжуулжээ. (Нью-Йорк Пост)

Судлаачид нохой-хүнийг сургадаг аргачлалаас санаа авсан, хүмүүст дөрвөн хөлт роботуудыг хүрэлцэх, дохио зангаа, үгэн команд ашиглан шинэ чадварт сургах боломжтой болгосноор дагах, үсрэх, саад туулах зэрэг үйлдлийг симуляцид суурилсан сургалт хавьгүй бага шаардлагатайгаар хурдан эзэмшүүлдэг ерөнхий бүдүүвчийг боловсруулжээ. (Tech Xplore)

Амьтан-хүний эрчимжсэн үйлдвэрлэлийн харгис байдлын талаарх ойлголт нэмэгдэхийн хэрээр дэлхий даяар веганизм эрчимтэй тархаж байна. Хэрэглэгчид үйлдвэрийн аргаар амьтдыг ашиглан мөлжих явдлыг улам бүр эсэргүүцэж, өдөр тутмын дадлаа тогтвортой ёс зүйн энэрэнгүй үзэлтэй нийцүүлэхийн тулд веган хувилбаруудыг сонгож байна. (Хаверин Дэйли)

[АНУ-ын Хавайн] Вайманало эрүүл мэндийн төвийн 20 долоо хоногийн ургамалд суурилсан хөтөлбөр нь уугуул Хавайн өвчтөнүүдэд архаг өвчнөө бууруулахад тусалж байна. Энэхүү санаачилга нь хоол тэжээлийн боловсролыг уугуул үнэт зүйлстэй хослуулснаар цусны даралт болон A1C [цусан дахь сахрын сүүлийн гурван сарын дундаж түвшин]-ий үзүүлэлтүүд мэдэгдэхүйц буурчээ. (KHON2)

Энэтхэгийн 1.5 Degree гарааны компани веган сүүн бүтээгдэхүүний үйл ажиллагаагаа тэлэхийн тулд А цувралын урьдчилсан санхүүжилтээр 1 сая ам.доллар татан төвлөрүүлжээ. Бизнесээс бизнест чиглэсэн тус компани Энэтхэгийн томоохон хотуудын байгууллагын цайны газар, зочид буудал зэрэг үйлчлүүлэгчдийг онилж, амтыг сайжруулахын тулд хиймэл оюунд суурилсан технологи ашигладаг байна. (Силикон Энэтхэг)

[Германы] Лейпцигийн хотын ойролцоох нэгэн тариаланч борлуулалтын хэлцэл бүтэлгүйтсэний улмаас 4,000 тонн илүүдэлтэй үлдсэн төмсийг [Германы] Берлин хотын оршин суугчид үнэгүй түүн авчээ. Энэхүү ургацыг ашгийн бус “4000 Tonnen” байгууллага экод хайлтын систем Ecosia-гийн дэмжлэгтэйгээр зохион байгуулсны дагуу айл өрх, сургууль, сүм хийд, үнэгүй хоолны газрууд авч байна. (Сайн мэдээний сүлжээ)

Үйлдвэрийн ажилчин Хоан Трон Хань [Ау Лак (Вьетнам)-ын] Хо Ши Мин хотод 15 гаруй жилийн турш оройн үнэ төлбөргүй хичээлийг чимээгүйхэн явуулж, эмзэг бүлгийн 600–700 хүүхдэд суралцаж, өөртөө итгэх итгэлээ сэргээхэд нь тусалжээ. (Бао Тинь түк)

Ньюфаундлендийн оршин суугчид [Канадын Ньюфаундленд, Лабрадорын] Порт-о-Шуагийн мөстэй боомт руу унаж гацсан цаа буга-хүнийг аварч, мөсийг сүхээр цөмлөж, завиар чиглүүлэн туйлдсан амьтан-хүнийг эрэг рүү аюулгүй гаргажээ (Уитер Нетворк)

Өдрийн мэргэн үг: “Даруу төлөв зан гэдэг нь бусдаар хүндлүүлэн сэтгэлийн ханамж хүслийг тээн явахгүй байхыг хэлдэг.” Тэнгэрлэг Ивээлт A. C. Бхактиведанта Свами Прабхупада (цагаан хоолтон) Кришнагийн ухамсрын олон улсын нийгэмлэг (ISKCON)-ийн үүсгэн байгуулагч-Ачарья (AZ Quotes)

Кэти Скорупад тохиолдсон клиник үхлийн тухай дугаарын 2-ын 1-р хэсэгт өмнө нь Кэти бар могойд хатгуулсны улмаас гүн бууж өгсөн төлөвт хэрхэн ороход хүргэсэн тухай хуваалцсан. Бие нь хор болон ерөндгийн нөлөөг тэсвэрлэж байх зуур тэрээр уудам, амгалан харанхуйд бүрэн ухамсартай атлаа огт айдасгүй байгаагаа мэдэрчээ. Тэнд тэр урьд өмнөхөөсөө ч илүү өөрөөрөө байсан мэт санагдсан. Өнөөдөр 2-р хэсэгт Кэти нэгэн дуу хоолой түүнд сонголт санал болгосон мөчийг дүрслэн өгүүлнэ.

Би нэгэн чимээ мэдэрсэн, бас нэгэн дуу хоолой мэдэрсэн ч тэр хоолой хаанаас гарч байгааг ялгаж чадаагүй. Сонсогдож байсан ч сонсохоосоо илүүтэй мэдрэгдэж байсан. Тэгээд тэр хоолой, “Гэртээ харимаар байна уу?” гэж хэлсэн. Тэр үгийг сонсоход надад мэдрэгдсэн цорын ганц зүйл нь баяр хөөр байсан. “Би гэртээ харина” гэсэн бодлын тэр л хамгийн сайхан баяр хөөр. Бараг л ийм сонголт надад өгөгдөж байгаа мэт, санахын төдийд хамгийн ихээр баярлаж байсан үеийнхээс ч илүү аз жаргалтай байв. Гэхдээ: “Чи гэртээ харина.” гэж хэлээгүй. Харин: “Гэртээ харимаар байна уу?” гэж асуусан. Надаас асуулт асууж байгаа нь сонголт байна гэсэн энэ ойлголтыг өгсөн. Би өөрийн “би”-гээ маш тод мэдэж байсан бөгөөд харин одоо “Гэртээ харимаар байна уу?” гэсэн сонголт надад байсан. Надад мэдрэгдсэн бүхэн нь баяр хөөр, хайр байсан бөгөөд миний бүх хэсэг “Тийм ээ, би гэртээ харимаар байна. Энэ бол гэр. Гэртээ харьцгаая” гэж хэлж байсан.

Дотооддоо би “тийм ээ” гэж мэдэрмэгц, тухайн үед 4 хагас настай байсан охиныхоо дүрийг өөрийнхөө өмнө харсан. Миний харж чадсан ганц зүйл нь түүний царай байсан. Хоосон харанхуйн дунд миний харсан хамгийн эхний зүйл тэр байв. Охины минь царай бараг л хөдөлгөөнгүй зураг шиг дүрс болж харагдсан. Тэр дүрс дурсамжийг өдөөсөн. Миний санасан зүйл гэвэл, би яагаад амьд байсан, яагаад энэ биед, тэр биед анхнаасаа амьдралыг мэдэрч байснаа санасан явдал байв. Тэгээд би: “Үгүй, би үлдмээр байна” гэж хэлсэн. Энэ амьдралдаа зорилготой гэдгээ, тэр зорилго минь охинтой минь холбоотой, түүний амьдарч буй амьдралтай, мөн бидний амьдарч буй энэ үзэсгэлэнт дэлхий дээрх түүний өөрийнх нь зорилготой холбоотой гэдгийг санамагц маш хурдан шийдвэр гаргасан. Мөн энд хийх ёстой ажил минь, эсвэл миний толгойд үнэндээ орж ирсэн үг нь гэвэл миний ажил хэрэг дуусаагүй гэдгийг би мэдсэн. Би эхлүүлсэн зорилго, хийхээр зорьсон ажил хэргийг дуусгах хэрэгтэй байсан.

Санах үйл явц нь агшин зуур болсон. Шийдвэр ч агшин зуур байсан. Тийм зүйл ийм хурдан болоход миний мэдэрсэн зүйл гэвэл оршихуйн минь бүх хэсгээр нэвт цацарч буй мэт мэдрэгдсэн зүйл нь буцаж ирэхэд би бүрэн зүгээр болж, бүрэн эдгэрнэ гэсэн гүн гүнзгий мэдлэг байлаа. Кэти эмнэлгийн өрөөнд биедээ буцаж оржээ. Нүүрний саажилтаас болж нүд нь аниастай хэвээр байсан ч тэр харанхуй өрөө, хонгилыг ямар нэгэн байдлаар харж чаджээ. Түүнийг өөр эмнэлгийн эрчимт эмчилгээний тасагт шилжүүлсэн бөгөөд тэнд тав хоног байж, элэг нь дутагдалд орж, ердөө 10–20 хувийн хүчин чадлаар ажиллаж байлаа. Эмч нарын хэлснээр могойн хор нь булчингийн эдийг нь задруулснаар элэгний дутагдалд нөлөөлжээ. Гэсэн ч Кэти амар амгалан, даатгасан төлөвтөө хэвээр байж, бүрэн эдгэнэ гэсэн мэдлэгээсээ зуурсаар байв. Тав хоногийн дотор элэг нь хэвийн ажиллагаандаа оржээ. Түүнийг сэргээн засах төв рүү шилжүүлэхэд тэр алхаж чадахгүй, тэнцвэргүй, нүдээ ч нээж чадахгүй байв. Кэти маргааш нь охиныхоо Зул сарын тоглолтод заавал очно гэж зүтгэсэн тул тус эмнэлэгт тоглолт үзэх боломжтой болгохын тулд зовхийг нь нээн, хоёр цагийн хугацаанд төвөөс түр гаргажээ. Тэр хэдхэн долоо хоногийн дотор бүрэн эдгэрсэн байна.

Би тухайн үед 12 настай хүүтэй байсан бөгөөд хүүхдүүдийнхээ төлөө хийх ёстой бүхнээ хийх хэрэгтэй гэдгээ, ялангуяа миний зорилго охинтой минь холбоотойг мэдэж байсан учраас илүү тод ойлгосон. Мөн би зорилгоо биелүүлэхийн тулд юу хийх, хамгийн гол нь ямар хүн байх ёстой тэр хүн болох хэрэгтэй байсан. Учир нь миний туршлага надад өөр газар очоогүйг харуулсан. Би оршихуйн өөр төлөвт орсон. Тэр өөр оршихуйн төлөв, өөр ухамсрын төлөвийг эрж, би 10 жил өнгөрөөсөн бөгөөд энэ нь намайг биелүүлэхээр энд ирсэн зорилгоо биелүүлэхэд шаардлагатай хүн байх боломж олгодог байсан.

Эцэст нь, хэдэн жилийн өмнө би сэтгэлзүйн эрүүл мэндийн зөвлөх болох аяллаа эхлүүлсэн. Учир нь олон хүн гацсан мэт мэдэрдэг айдас, түгшүүр, уур бухимдал, ичгүүрийн илүү гүн төлөвийн болон хүний хувьд бидэнд тохиолддог бусад илүү хүнд, гүн мэдрэмжүүдийг даван туулахад нь хүмүүст туслахыг хүссэн. Учир нь тэр мэдрэмжүүдийн цаана бүхнээ даатгасан, сонголтын төлөвт амьдардаг. Бид үргэлж сонголттой байдаг. сүүлийн 10 жилд надад дахин дахин харуулсан зүйл гэвэл “Сонголт үргэлж биднийх, би үргэлж сонголт хийх боломжтой. Би үргэлж сонголттой байдаг.” явдал юм. (The Other Side NDE)