ӨДӨР ТУТМЫН МЭДЭЭ-ний гол тойм – 2025 оны 11-р сарын 1

ОХУ-ын газрын тосны хоёр дахь том Лукойл компани өнгөрсөн долоо хоногт АНУ-ын хориг арга хэмжээний дараа олон улсын хөрөнгөө зарах болсноо мэдэгджээ. Нэрээ нууцалсан гүйцэтгэх захирал асны хэлснээр, энэ алхам нь Оросын компанийн ашиг орлогыг 30 орчим хувиар бууруулж магадгүй юм. (ВнЭкспресс)

ОХУ цөмийн эрчим хүчээр ажилладаг шинэ пуужин туршиж, АНУ-д хүрэх чадвартай гэж мэдэгдсэний дараа АНУ-ын Ерөнхийлөгч Трамп Путинд “хамгийн том цөмийн шумбагч онгоц [Оросын] эрэг орчимд байгаа” гэж анхааруулсан байна. Ерөнхийлөгч Трамп "Бид тэдэнтэй тоглоом тоглоогүй" гэж онцолжээ. (Нью-Йорк Пост)

АНУ Камбожид тавьсан зэвсгийн хоригоо цуцалж, хоёр улс үндэстэн дамнасан гэмт хэргийн байгууллагууд, тэр дундаа хар тамхины наймаа, цахим залилангийн төвүүдтэй тэмцэх хамтын ажиллагаагаа өргөжүүлэхээр болжээ. (Дан Три)

АСЕАН [Зүүн Өмнөд Азийн улсуудын холбоо] болон АНУ-ын Ерөнхийлөгч Трамп гэрчээр оролцон байгуулсан Куала Лумпурын хэлэлцээрийн дараа Камбож улс Тайланд улстай хиллэдэг бүсээс хүнд зэвсгээ татан буулгажээ. (ВнЭкспресс)

Белиз улс болон АНУ нь АНУ-аас Белиз рүү орогнол хүсэгчдийг шилжүүлэхийг зөвшөөрсөн гуравдагч аюулгүй орны гэрээнд гарын үсэг зурлаа. Сенатын батламжийг хүлээж буй АНУ-ын Төрийн департамент үүнийг хууль бус цагаачлалыг таслан зогсоох чухал үе шат гэж нэрлэж байна. (Альжазира)

Ау Лак (Вьетнам), Камбож, Лаос улсууд дижитал засаглал, дижитал эдийн засгийн хамтын ажиллагааг бэхжүүлж, технологийг хариуцлагатай, аюулгүй, ёс зүйтэй ашигладаг “дижитал иргэд”-ийг төлөвшүүлэх туршлагаа солилцохоор тохиролцжээ. (ВнЭкспресс)

Аргентины ерөнхийлөгч Хавьер Милейн нам завсрын сонгуульд ялалт байгуулж, эдийн засгийн шинэчлэл хийх эрх мэдлийг нь мэдэгдэхүйц бэхжүүлсний дараа тус улсын зах зээл огцом өсөж байна. Ерөнхийлөгч Трамп АНУ ноён Милейг 40 тэрбум ам.доллароор дэмжсэн, Аргентины ерөнхийлөгч “АНУ-ын дэмжлэгийн ачаар 100 жилийн муу бодлогыг эвдсэн”, түүний ялалт АНУ-ын хөрөнгө оруулагчдад ашигтай гэж мэдэгджээ. (AP)

АНУ-ын Ерөнхийлөгч Трамп 10-р сарын эхээр эрүүл мэндийн тогтсон үзлэгийн үеэр MRI [соронзон резонансын дүрс оношилгоо] хийлгэснээ мэдэгдэж, хариу нь "төгс" байсан тодорхойлжээ. Цагаан ордны эмч, доктор Шон Барбабелла Ерөнхийлөгчийн биеийн байдал маш сайн байгааг нотлоод, дэвшилтэт дүрс оношилгоо болон урьдчилан сэргийлэх үзлэгт хамрагдсаныг нь онцолсон байна. (Нью-Йорк Пост)

Эмч нар анар жимс нь зүрхийг хамгаалж, үрэвслийг бууруулан, артерийн судас гэмтэхээс сэргийлдэг пуникалагин, С амин дэм зэрэг ургамлын гаралтай үл исэлдүүлэгчээр баялаг гэж үздэг. Анар жимсний шүүс нь цусны урсгалыг сайжруулж, муу холестерин (LDL)-ийг бууруулдаг болохыг судалгаагаар тогтоожээ. Дархлаа, гэрэлтсэн арьс, дасгалын дараах хүчтэй сэргэлтийг дэмжих зорилгоор шинэ үрээр нь идэх юм уу, эсвэл веган смүүти болгон уугаарай. (ВьетНамНет)

Хоол тэжээлийн мэргэжилтнүүд сагаг (гурвалжин будаа)-ийг нь уураг, рутин үл исэлдүүлэгч, хоол боловсруулахад тустай эслэгээр баялаг, цавуулаггүй үр бөгөөд зүрхийг хамгаалж, цусны судсыг бэхжүүлдэг гэж үздэг. Судалгаанаас үзэхэд, сагаг будаа нь муу холестериныг бууруулж, цусан дахь сахрын хэмжээг тогтворжуулахад тусалдаг тул чихрийн шижин өвчтэй хүмүүст ухаалаг сонголт болдог. Удаан хугацааны туршид эрч хүч, бодисын солилцоог сайжруулахын тулд агшаамал, соба гоймон хэлбэрээр, эсвэл жигнэсэн веган хоолонд хийж идээрэй. (WebMD)

Мэргэжилтнүүд амтат чинжүүг коллаген, эрүүл буйл, цэвэр арьс, хүчтэй дархлааг дэмждэг С амин дэмийн хамгийн сайн эх үүсвэрүүдийн нэг гэж онцолдог. Үүнийг эрүүл веган хоолонд нэмснээр үүнд агуулагдах каротиноид нь харааг хамгаалж, үрэвслийг багасгахад тусалдаг. Салатанд түүхийгээр нь зүсэж хийх, эсвэл шаржигнуур байдлыг нь хадгалж, шим тэжээлийг нь дээд зэргээр ихэсгэхийн тулд бага зэрэг хуурч хэрэглээрэй. (Healthline)

Орос-америк гаралтай зүрх судасны эмч, доктор Дмитрий Яранов махан идэштэн (маханд суурилсан)-ий хооллолт нь зүрхэнд хор хөнөөл учруулж, муу холестерин (LDL) ихсэх, архаг үрэвсэл, судасны хатууралд хүргэж болзошгүйг анхааруулж, залуу, тамирчин хүн ч гэсэн анхааруулах шинж тэмдэггүйгээр зүрхний шигдээстэй болж болно гэдгийг онцолжээ. Др. Яранов зүрхний эрүүл мэндийг хамгаалахын тулд тэнцвэртэй хоолны дэглэм барьж, боловсруулаагүй, ургамлын гаралтай хоол хүнсэнд анхаарал хандуулж, эрүүл мэндийн үзлэгт тогтмол хамрагдахыг зөвлөж байна. (Хиндүстан Таймс)

Aedes aegypti хэмээх түрэмгийлэгч шумуулын зүйл нь [АНУ-ын] Хойд Калифорни даяар, тэр дундаа Санта Клара тойрогт тархаж, денге, Зика, шар чичрэг, чикунгунья вирус дэгдэх эрсдэлийг нэмэгдүүлж байна. (ABC)

Куба улс орон даяар денге өвчний халдвар огцом нэмэгдэж, Гуантанамо, Матанзас, Санкти Спиритус мужуудад хамгийн их нэрвэгдэж байна гэж мэдээллээ. (baotintuc.vn)

[Ау Лак (Вьетнам)-ын] Ханой хотод долоо хоногт денге чичрэг өвчний 392 шинэ тохиолдол бүртгэгдсэн бөгөөд 12 шинэ голомт, 27 дэгдэлт идэвхтэй хэвээр байна. (Бао Ань нинь Тү до)

Дэлхийн Эрүүл Мэндийн Байгууллага (ДЭМБ)-ын мэдээлснээр, 2025 оны 10-р сарын дунд үеийн байдлаар холер өвчин дэлхийн 32 оронд тархаж, 6,800 гаруй хүн эндсэн нь 2024 оны нийт дүнгээс давж, Сахарын цөлөөс өмнөх Африкт эрүүл ахуйн нөхцөл муу байгаагаас хамгийн их нэрвэгдсэн бүс нутаг болж байна гэж мэдэгджээ. (aFamily)

Карибын тэнгисийн Ливард арлуудад 6.5 магнитудын хүчтэй газар хөдлөлт болсон бөгөөд Антигуа ба Барбуда болон ойролцоох арлуудад нөлөөлж болзошгүй байна. (Ройтерс)

[Туркийн баруун хэсэгт орших] Синдиргид хотод 6.1 магнитудын хүчтэй газар хөдлөлт болж, 22 хүн бэртэж, 3 орон сууцны барилга, хоёр давхар дэлгүүр нуржээ. (Дэйли Мэйл)

[Ау Лак (Вьетнам)-ын] Tуа Тьен Хюэ аймаг: Бах Ма оргилд 24 цагийн дотор 1,600 мм-ээс дээш хур тунадас орж, тус улсад хоногт орсон хур тунадасны түүхэн дээд хэмжээг тогтоосон бөгөөд 1999 оны дээд хэмжээнээс бараг хоёр дахин их хур тунадас оржээ. (Бао Тьень Фон)

Мелисса хар салхи Ямайкад газардсанаар тус аралд бүртгэгдсэн түүхэн дэх хамгийн хүчтэй хар салхи, Атлантын далайд бүртгэгдсэн хамгийн хүчтэй шуурганы нэг болж байна. Энэ түүхэн шуурга нь тус улсын баруун өмнөд хэсгийг их хэмжээний үерт автуулж, гамшигт салхи барилгуудын дээврийг нураан, 530,000 гаруй ямайкчуудыг цахилгаангүй болгожээ. (Ажиглагчид)

Энэтхэг даяар улирлын сүүлээр орсон аадар бороо нь хөвөн, шар буурцгийн ургацад хохирол учруулж, хөдөө аж ахуйн өсөлт өнгөрсөн оны мөн үеийн 6.6%-тай харьцуулахад 3-3.5% орчим болж буурчээ. (Ройтерс)

Төв Ау Лак (Вьетнам): Хүчтэй аадар бороо, үерийн улмаас 8 хүн амиа алдсан, эсвэл сураггүй алга болсон бөгөөд Дананг, Ламдонг, Хюэ, Куанчи аймгуудад 100,000 гаруй байшин усанд автжээ. (Тань Ньень)

Монта хар салхи Энэтхэгийн зүүн эрэгт хүрч, ширүүн бороо, салхи авчирсны улмаас наад зах нь нэг хүн амиа алдаж, газар тариалан, цахилгааны шонгууд гэмтжээ. (Ройтерс)

[Пакистаны] Кветта хотын дээгүүр 20 орчим минутын турш ховор линз маягийн үүл үзэгдсэн нь НҮМБ (Нисдэг үл мэдэгдэх биет)-ийн онолын тухай шуугианыг дэгдээжээ. (Үүрийн гэгээ)

Төгс Гэгээрсэн Их Багш Чин Хай (веган) ийн айлдлаа: “Энэ бол ямар ч хор хөнөөлтэй зүйл/технологи/НҮМБ биш. Энэ нь надад зориулсан ирээдүйн сайн мэдээний дохио юм. Одоохондоо хэлэх боломжгүй, ил гаргахыг зөвшөөрөөгүй.”

Исланд улс [Кжосийн] Кидафелл дэх зэрлэг байгальд анх удаа шумуул үзэгдсэнийг баталж, энэ нь температурын өсөлттэй холбоотой байж болзошгүй шилжилтийг харуулж байна гэжээ. (CNN)

ИБУИНВУ: “Тэсвэртэй байдлын зураглал: 2050 он хүртэлх ИБУИНВУ-ын хүнсний төлөвлөгөө” нэртэй шинэ тайлан нь британичуудад ирэх хэдэн арван жилд уур амьсгалын аюулыг даван туулахын тулд уур амьсгалд тэсвэртэй газар тариалан эрхлэх зорилгоор илүү их жимс, хүнсний ногоо, үр тариа тариалах, газар ашиглалт/хамгаалалтыг сайжруулах, илүү эрүүл, байгальд ээлтэй ургамалд суурилсан хоолны дэглэм баримтлахыг уриалжээ. (ВежНьюс)

Төгс Гэгээрсэн Их Багш Чин Хай (веган) ийн айлдлаа: “Хэрэв бид 2035 он хүртэл амьд үлдэж чадвал, БУРХАНД залбир.”

Австралийн судалгаагаар замын хөдөлгөөний дуу чимээ нь Австралийн өмнөд хэсгийн нэн ховор зүйлийн нэг болох өмнөдийн эму-бялзуухай дууч шувуу-хүмүүсийн харилцаа холбоо, үржлийг тасалдуулж буйг анхааруулжээ. (Мираж)

Австралийн судлаачид [Эквадорын] Галапагос арлуудад газрыг эрчимтэй ашигласны улмаас сээр нуруугүй амьтан-хүмүүсийн тоо асар ихээр буюу 50%-иар буурч, төрөл зүйлийн олон янз байдал 27%-иар буурахад хүргэж буйг анхааруулжээ. (Мираж)

[АНУ-ын] Коннектикут мужийн Мидлсекс коллеж төгсөгч Аллисон Воган (веган)-ы SoulFully Vegan хэмээх хүнсний бизнестэй хамтран, сургуулийн хотхонд 100% веган хоол санал болгодог Америкийн анхны коллежуудын нэг боллоо. Тус коллеж шинэ веган цэс нь эрүүл мэндийг дэмжиж, гарагийг хамгаалж, бүх хооллолтыг хүлээн зөвшөөрдөг гэж мэдэгдсэн байна. Хоолыг туршиж үзсэн оюутнууд үүнийг гайхалтай амттай байсан, веган гэдгийг нь ч анзаараагүй хэмээн хэлцгээжээ. (Пач)

Дэлхийн зочид буудал, рестораны Relais & Châteaux холбоо нь олон улсын "Slow Food" хөдөлгөөнтэй хамтран тансаг зэрэглэлийн зочид буудал, рестораны 580 гаруй тогооч нарт ургамлаар баялаг, агро-экологид ээлтэй, хог хаягдалгүй цэсийг нэвтрүүлэхийг уриалж, тансаг хооллолт нь хоолны шилдэг чанарыг байгаль орчны менежменттэй хослуулж чадна гэдгийг нотлохыг зорьж байна. (ВежНьюс)

Дэлхийн веган загварын зах зээл 2025 онд 518 тэрбум ам.доллар, 2032 онд 849 тэрбум ам.долларт хүрч, жилийн7.3%-иар өсөх төлөвтэй байна. (Зах зээлийн нэгдсэн судалгаа)

АНУ-ын Wings of Rescue хэмээх амьтан аврах буяны байгууллага нь "Мерсед тойргийн амьтдын шинэ эхлэл” хэмээх орон нутгийн асрах газартай хамтран [Калифорни мужийн] Мерсед тойргийн хэт ачаалалтай асрах газраас 193 муур-, нохой-хүнийг АНУ-ын баруун ба баруун дунд бүсийн үрчлэлтийн түншүүд рүү онгоцоор хүргэлээ. (Лос Банос Энтерпрайз)

АНУ: Машин хулгайлсан хэргээр 10 орчим жил хоригдож байсан хоригдол асан Режиналд Дуэйн Беттс яруу найрагч, хуульч болж, АНУ-ын шоронгуудад 500 номын сан байгуулах зорилготой Freedom Reads байгууллагыг үүсгэн байгуулжээ. (ВнЭкспресс)

Хятадын компьютерын салбарын эрдэмтэн, "Хятадын эмчилгээний нохойн эцэг" гэгддэг Ву Ци 2012 онд [Хятадын] Шанхай хотод Paw for Heal байгууллагыг үүсгэн байгуулж, аутизмтай хүүхдүүд, сэтгэл гутралд орсон өвчтөнүүд, өндөр настнуудад зориулан амьтан-хүний дэмжлэгтэй эмчилгээний хөтөлбөрүүдийг санал болгож байжээ. Тус байгууллага нь одоо 300 гаруй эмчилгээний нохой-хүнтэй бөгөөд 5,000 гаруй амьтан-хувь хүнийг сургаж, янз бүрийн нийгмийн бүлгүүдэд 150,000 гаруй хүнд тусалж буй 400 эмчилгээний нохой-ажилтанд гэрчилгээ олгосон байна. (Бао Тан Ньень)

Канадын лам Санваартан Даррен Каннинг биеэсээ гарах үзэгдлийн үеэр, ээжийгээ тамд очсон байхыг харжээ.

Даррен багаасаа сүнслэг ойлголтуудтай өсжээ. 8, 9 настайдаа тэрээр хүүхдүүдэд зориулсан сүмийн арга хэмжээний үеэр Эзэн Есүс (цагаан хоолтон)-ийг хүлээн авахаар шийдсэн байна. Түүнийг тахилын ширээ рүү урагш алхаж явтал дэргэд нь 15 тохой [4.5 метр] өндөр сахиусан тэнгэр гарч иржээ. Даррен өөртөө сахиусан тэнгэр том, харин Бурхан түүнээс ч том гэж бодсон байна.

Даррен 16 настайдаа биеэсээ гарах үедээ Диваажинд очсон байна. Тэр ямар ч тодорхой хэмжээсгүй, үүл шиг харагдах асар том өрөөнд сууж байв. Түүний Христ рүү хөтөлсөн бүх сүнс тэнд байжээ. Тэнгэр элч дотогш орж ирээд, түүн рүү заан, "Ирээрэй" гэж хэлэв. Даррен Бурханаас эмээх айдаст автан, тэнгэр элчийг дагаж эцэс төгсгөлгүй үзэсгэлэнтэй гайхалтай хонгилоор доош явав. Тэд тамтай хиллэдэг доод орон болох Үхэгсдийн орны захад өөр өрөөнд оров. Даррен хүн төрөлхтний сүйрэл буюу дайны сүйрсэн талбарыг харжээ. Тэнд жирийн хүмүүс, түүхэн дарангуйлагчдын дүр дүүрэн байв. Тэгтэл ойролцоогоор 4 тохой [1.2 метр] өндөр, 6 тохой 6 тохой[1.8 метр] урт дөрвөлжин модон тор бүхий сармагчны жижиг тор шиг морин тэрэг голд нь өнхрөв. Дотор нь Даррены ээж түүн рүү харж байлаа. Тэнгэр элч түүнд түүн рүү хар гээд, тэр Их Эзэнийг мэддэггүй учраас үүрд алга болно гэж хэлэв. Даррен сэрж, ээждээ зүүдээ хэлэхэд тэр өдөр нь ээж нь Эзэн Есүсийг хүлээн авчээ.

Олон жилийн дараа Даррен сүм дээр хэд хэдэн сөрөг үйл явдалтай тулгарсны дараа 20 орчим насандаа сүсэг бишрэлээсээ холджээ. Тэрээр оюунлаг шашингүй үзэлтэн болж, төрийн удирдлагын чиглэлээр хоёр их сургуулийн зэрэг хамгаалж, Канадын үндэсний аюулгүй байдлын газарт бэлтгэгдсэн эдийн засагчаар ажиллаж байв. Тэрээр тэрбум долларын төслүүдийг удирдаж, улс даяар МТ [мэдээллийн технологи]-ийн тоног төхөөрөмжийг суурилуулж байв. Гаднаасаа түүний амьдрал сайн ажил, гэрлэлтээр амжилттай харагдаж байлаа. Гэвч дотроо Бурхантай ярихгүй байснаар уур хилэнд автав. Эхнэр нь сүнслэг өсөлтийг эрэлхийлсний улмаас гэрлэлт нь салалтаар төгсөхөд тэр уй гашууд автлаа.

Даррен төрийн албанд орсон жилдээ амиа хорлохыг хүсдэг болов. Нэгэн шөнө тэр шүүгээнд өөрийгөө дүүжилжээ. Тэр ухаан алдаж, үхэл рүү нэвтрэх үедээ Бурханы Дуу хоолойг сонсов. Тэр нь энэрэнгүй байсан бөгөөд “Чи юу хийж байна вэ? Надад амьдралд чинь зориулсан төлөвлөгөө байна.” гэв. Тэр дуу хоолой [Ариун Библийн] Иеремиа 29:11-ээс иш татан, Бурхан өөрийг нь цэцэглүүлж, итгэл найдвар, ирээдүйг өгөх төлөвлөгөөг мэддэг байсан гэв. Дараа нь Бурхан Даррены сүнсийг тэнгэр рүү татав. Тэрээр хотынхоо дээгүүр хөвж, бусад сүнснүүдийн хамт канад галуун сүрэг шиг хэлбэрээр нисэж, урд нь дагуулж эхлэв. Тэд хотоос хот руу нисэхэд гайхамшиг, тэмдэг, гайхалтай зүйлс, аврал, эдгэрэл, чөтгөрөөс салгасан чөлөөлөлтийн үйл явдал тохиолдон, тэдний явсан газар бүрд сэргэж байлаа.

Санваартан Даррен амиа хорлох оролдлогыг даван туулж, Их Эзэнд буцаж иржээ. Дараагийн арван жилийн хугацаанд тэрээр 39 улс, 200 гаруй хот, тосгоноор аялж, хаана ч явсан ижил нээлтүүдийг олж харж байлаа. 2005 онд тэрээр итгэлээ дахин сэргээсний дараахан унтаж байхдаа сүнслэгээр үйлчлэхийн төлөө залбирсан байна. Тэр шөнө тэрээр зүүдэндээ далайн ойролцоох Канадын хотын дээгүүр нисэв. Гудамжинд хэдэн зуун хүн эгнэжээ. Бурхан түүнд Хүч нь нүдээр дамжин урсдаг гэж айлдсан тул Санваартан Даррен тэдний нүд рүү харж, Бурханы Хүчийг дамжуулжээ. Тэр бууж, нэг байшинд ороод, ихэр хүүхэд тэвэрсэн эмэгтэйг олж харав. Ихрийн нэг нь үхсэн байлаа. Даррен амьгүй болсон нярайг авахад, тэр дахин амь оржээ. Долоо хоногийн дараа есөн хүнтэй жижиг гэрийн сүмд тэр эмэгтэй ирсэн байсан бөгөөд ихэр хүүхэд тээж байхад, нэг нь хэвлийдээ нас барсан тухай хуваалцаж байв. Даррен түүний төлөө залбирснаар хоёр хүүхэд хоёулаа эрүүл саруул мэндэлжээ.

Даррен төрийн ажлаа орхиж, итгэл бишрэлээр амьдарч, өдөрт 8-10 цаг залбирдаг болжээ. Нэгэн шөнө Ариун Сүнсний давлагаа түүн дээр цалгиж, түүнийг бүрэн дүүргэв. Тэр Бурханы Дуу хоолойг тод сонсож эхэллээ. Хайрын үгс түүний нүгэлт өнгөрсөнд дэндүү сайхан санагдсан тул тэр эхэндээ Бурханыг зэмлэжээ. Гэвч Бурхан илүү чангаар ярьж, Тэнгэрлэг Мөн чанараа илчлэн, Даррены зүрх сэтгэлийг эдгээв. Энэ нь амар амгалан, улам ихийг сонсох хүсэлд хөтөлсөн юм.

Санваартан Даррен: “Бурхан бидний дотор цаг үргэлж ярьдаг, бид хэрхэн сонсохоо л мартсан байдаг. Бурхан бодол, үг, үйлдлээрээ Түүнээс асууж, сонсож, дуулгавартай дагадаг хүмүүст гэр орон, ажил, сүнсэнд эцэс төгсгөлгүй адис ивээлийг бий болгодог.” гэж сургадаг. Санваартан Даррен өдгөө эдгээр тохиолдлуудаа хуваалцаж, бусад хүмүүст Бурханыг сонсох, Түүний бүтээлийн Төлөвлөгөөг илэрхийлэх, Бурханы хүүхдүүд буюу хамтран бүтээгчид болох хувь тавиландаа хүрэхийг уриалдаг болжээ. (Сид Ротын Энэ ер бусын!)

Өдрийн тэргүүнд тавих эшлэл: “Нэг цэгт төвлөрөлтэй хүн бие, хэл, сэтгэлээ цэвэр ариун байлгадаг: тэд бага ярьдаг ч ухаалаг ярьдаг, бага зүйл хийдэг ч шаардлагатай зүйлээ гүйцэлдүүлдэг, бага санадаг ч зөвт үгсийг санаж, ингэснээр хэмжээлшгүй амар амгалан, баяр баясгаланг олж авдаг!" — Хүндэт Гэгээрсэн Их Багш Минь Дан Куан (цагаан хоолтон)